ਰਾਘਵ ਚੱਢਾ ਨੇ ਫਾਰਮ 6 ਕਦੋਂ ਭਰਿਆ, ਚੋਣ ਕਮਿਸ਼ਨ ਜਨਤਕ ਕਰੇ - ਅਨੁਰਾਗ ਢਾਂਡਾ

Sep9,2026 | Jagrati Lahar Bureau | New Delhi

-ਆਮ ਨਾਗਰਿਕਾਂ ਵਾਂਗ ਰਾਘਵ ਚੱਢਾ ਦੇ ਫਾਰਮ 6 'ਤੇ ਇਤਰਾਜ਼ ਦਰਜ ਕਰਵਾਉਣ ਦਾ ਸਮਾਂ ਦਿੱਤਾ ਜਾਵੇ - ਅਨੁਰਾਗ ਢਾਂਡਾ

-ਕੀ ਅਮਿਤ ਸ਼ਾਹ ਦੇ ਦਬਾਅ ਹੇਠ ਚੋਣ ਕਮਿਸ਼ਨ ਨੇ ਰਾਘਵ ਚੱਢਾ ਦਾ ਨਾਂ ਬੈਕ ਡੋਰ ਤੋਂ ਸ਼ਾਮਲ ਕੀਤਾ? - ਅਨੁਰਾਗ ਢਾਂਡਾ

-1 ਤੋਂ 7 ਸਤੰਬਰ ਤੱਕ ਰਾਜੇਂਦਰ ਨਗਰ ਵਿਧਾਨ ਸਭਾ ਵਿੱਚ ਆਏ ਫਾਰਮ 6 ਵਿੱਚ ਰਾਘਵ ਚੱਢਾ ਦਾ ਕਿਤੇ ਵੀ ਨਾਂ ਨਹੀਂ - ਅਨੁਰਾਗ ਢਾਂਡਾ

-ਡਰਾਫਟ ਰੋਲ ਵਿੱਚ 746 ਵੋਟਾਂ ਹਨ, ਫਾਈਨਲ ਰੋਲ ਆਇਆ ਨਹੀਂ ਤਾਂ ਰਾਘਵ ਚੱਢਾ ਦਾ 747ਵਾਂ ਨੰਬਰ ਕਿੱਥੋਂ ਆਇਆ? - ਅਨੁਰਾਗ ਢਾਂਡਾ

ਨਵੀਂ ਦਿੱਲੀ 9 ਸਤੰਬਰ

ਆਮ ਆਦਮੀ ਪਾਰਟੀ ਨੇ ਰਾਘਵ ਚੱਢਾ ਦਾ ਨਾਂ ਦਿੱਲੀ ਦੀ ਵੋਟਰ ਲਿਸਟ ਵਿੱਚ ਜੋੜਨ ਨੂੰ ਲੈ ਕੇ ਦਿੱਤੀਆਂ ਗਈਆਂ ਚੋਣ ਕਮਿਸ਼ਨ ਦੀਆਂ ਦਲੀਲਾਂ ਨੂੰ ਰੱਦ ਕਰ ਦਿੱਤਾ ਹੈ। ਪਾਰਟੀ ਦੇ ਰਾਸ਼ਟਰੀ ਮੀਡੀਆ ਇੰਚਾਰਜ ਅਨੁਰਾਗ ਢਾਂਡਾ ਨੇ ਚੋਣ ਕਮਿਸ਼ਨ ਨੂੰ ਰਾਘਵ ਚੱਢਾ ਦੇ ਫਾਰਮ 6 ਨੂੰ ਜਨਤਕ ਕਰਨ ਦੀ ਚੁਣੌਤੀ ਦਿੱਤੀ ਹੈ। ਉਨ੍ਹਾਂ ਕਿਹਾ ਕਿ ਆਮ ਨਾਗਰਿਕਾਂ ਵਾਂਗ ਰਾਘਵ ਚੱਢਾ ਦੇ ਫਾਰਮ 6 'ਤੇ ਇਤਰਾਜ਼ ਦਰਜ ਕਰਵਾਉਣ ਦਾ ਸਮਾਂ ਦਿੱਤਾ ਜਾਵੇ। ਇਸ ਦੇ ਨਾਲ ਹੀ ਉਨ੍ਹਾਂ ਪੁੱਛਿਆ ਕਿ ਕੀ ਅਮਿਤ ਸ਼ਾਹ ਦੇ ਦਬਾਅ ਹੇਠ ਗਿਆਨੇਸ਼ ਕੁਮਾਰ ਨੇ ਰਾਘਵ ਚੱਢਾ ਦਾ ਨਾਂ ਬੈਕ ਡੋਰ ਤੋਂ ਸ਼ਾਮਲ ਕੀਤਾ? ਕਿਉਂਕਿ 1 ਤੋਂ 7 ਸਤੰਬਰ ਤੱਕ ਰਾਜੇਂਦਰ ਨਗਰ ਵਿਧਾਨ ਸਭਾ ਵਿੱਚ ਆਏ ਫਾਰਮ 6 ਵਿੱਚ ਰਾਘਵ ਚੱਢਾ ਦਾ ਨਾਂ ਕਿਤੇ ਵੀ ਨਹੀਂ ਹੈ। ਜਦੋਂ ਡਰਾਫਟ ਰੋਲ ਵਿੱਚ 746 ਵੋਟਾਂ ਹਨ ਅਤੇ ਫਾਈਨਲ ਰੋਲ ਅਜੇ ਆਇਆ ਨਹੀਂ ਹੈ, ਤਾਂ ਰਾਘਵ ਚੱਢਾ ਦਾ 747ਵਾਂ ਨੰਬਰ ਕਿੱਥੋਂ ਆ ਗਿਆ?

ਬੁੱਧਵਾਰ ਨੂੰ "ਆਪ" ਮੁੱਖ ਦਫ਼ਤਰ ਵਿਖੇ ਪ੍ਰੈੱਸ ਕਾਨਫਰੰਸ ਕਰਦਿਆਂ ਅਨੁਰਾਗ ਢਾਂਡਾ ਨੇ ਕਿਹਾ ਕਿ ਮੰਗਲਵਾਰ ਨੂੰ ਜਦੋਂ ਅਸੀਂ ਤੱਥ ਰੱਖੇ ਕਿ ਐੱਸ.ਆਈ.ਆਰ. ਵਿੱਚ ਚੋਣ ਕਮਿਸ਼ਨ ਮਨਮਾਨੀ ਕਰ ਰਿਹਾ ਹੈ ਅਤੇ ਬਿਨਾਂ ਕਿਸੇ ਰਿਕਾਰਡ ਦੇ ਬੈਕ ਡੋਰ ਤੋਂ ਨਾਂ ਪਾਉਣ ਦਾ ਕੰਮ ਕੀਤਾ ਗਿਆ ਹੈ, ਉਸ ਤੋਂ ਬਾਅਦ ਚੋਣ ਕਮਿਸ਼ਨ ਨੇ ਆਪਣੀ ਸਫਾਈ ਵਿੱਚ ਪ੍ਰੈੱਸ ਰਿਲੀਜ਼ ਜਾਰੀ ਕੀਤੀ। ਇਸ ਵਿੱਚ ਵੀ ਉਸੇ ਗੱਲ ਦੀ ਤਸਦੀਕ ਕੀਤੀ ਗਈ ਹੈ ਜੋ ਅਸੀਂ ਕਹੀ ਸੀ। ਇੱਕ-ਇੱਕ ਐੱਸ.ਓ.ਪੀ. ਅਤੇ ਪ੍ਰਕਿਰਿਆ, ਜਿਸ ਦਾ ਜ਼ਿਕਰ ਅਸੀਂ ਕੀਤਾ ਸੀ, ਚੋਣ ਕਮਿਸ਼ਨ ਨੇ ਆਪਣੀ ਪ੍ਰੈੱਸ ਰਿਲੀਜ਼ ਵਿੱਚ ਉਸੇ ਨੂੰ ਸਹੀ ਦੱਸਿਆ ਹੈ। ਪਰ ਜੇਕਰ ਉਹ ਐੱਸ.ਓ.ਪੀ. ਅਤੇ ਪ੍ਰਕਿਰਿਆ ਸਹੀ ਹੈ, ਤਾਂ ਰਾਘਵ ਚੱਢਾ ਦਾ ਨਾਂ ਵੋਟਰ ਲਿਸਟ ਵਿੱਚ ਕਿਵੇਂ ਜੁੜ ਗਿਆ, ਇਹ ਚੋਣ ਕਮਿਸ਼ਨ ਅਜੇ ਤੱਕ ਨਹੀਂ ਦੱਸ ਰਿਹਾ।

ਅਨੁਰਾਗ ਢਾਂਡਾ ਨੇ ਦੱਸਿਆ ਕਿ ਚੋਣ ਕਮਿਸ਼ਨ ਨੇ ਆਪਣੇ ਪ੍ਰੈੱਸ ਨੋਟ ਵਿੱਚ ਕਿਹਾ ਹੈ ਕਿ 30 ਜੂਨ ਤੋਂ 17 ਅਗਸਤ ਦਰਮਿਆਨ ਇਨਿਊਮਰੇਸ਼ਨ ਫਾਰਮ ਭਰੇ ਜਾ ਸਕਦੇ ਸਨ। 31 ਅਗਸਤ ਨੂੰ ਲਿਸਟ ਫ੍ਰੀਜ਼ ਕੀਤੀ ਗਈ ਅਤੇ ਫਾਰਮ 6 ਭਰਨ ਵਾਲਿਆਂ 'ਤੇ 31 ਅਗਸਤ ਤੋਂ 30 ਸਤੰਬਰ ਤੱਕ ਇਤਰਾਜ਼ ਲੈ ਕੇ ਈ.ਆਰ.ਓ. ਵੱਲੋਂ ਮਨਜ਼ੂਰੀ ਦਾ ਸਮਾਂ ਤੈਅ ਹੈ। ਚੋਣ ਕਮਿਸ਼ਨ ਅਨੁਸਾਰ ਸਿਰਫ਼ ਫਾਰਮ 6, ਫਾਰਮ 7 ਅਤੇ ਫਾਰਮ 8—ਇਨ੍ਹਾਂ ਤਿੰਨ ਤਰੀਕਿਆਂ ਨਾਲ ਹੀ ਵੋਟ ਜੋੜੀ ਜਾ ਸਕਦੀ ਹੈ।

ਅਨੁਰਾਗ ਢਾਂਡਾ ਨੇ ਅੱਗੇ ਕਿਹਾ ਕਿ ਇਨ੍ਹਾਂ ਵਿੱਚੋਂ ਫਾਰਮ 8 ਵੋਟ ਟ੍ਰਾਂਸਫਰ ਲਈ ਹੁੰਦਾ ਹੈ, ਜੋ ਇੱਥੇ ਹੋ ਨਹੀਂ ਸਕਦਾ ਕਿਉਂਕਿ ਪੰਜਾਬ ਦੀ ਵੋਟਰ ਲਿਸਟ ਤੋਂ ਦਿੱਲੀ ਵਿੱਚ ਵੋਟ ਟ੍ਰਾਂਸਫਰ ਨਹੀਂ ਕਰਵਾਈ ਗਈ। ਜੇਕਰ ਟ੍ਰਾਂਸਫਰ ਹੁੰਦੀ ਤਾਂ ਪੰਜਾਬ ਦੇ ਐੱਸ.ਆਈ.ਆਰ. ਵਿੱਚ ਉਸ ਨੂੰ 'ਸ਼ਿਫਟਿਡ' ਮਾਰਕ ਕਰਨ ਦੀ ਲੋੜ ਨਹੀਂ ਪੈਂਦੀ, ਉੱਥੋਂ ਤਾਂ ਵੋਟ ਸਿੱਧੀ ਹਟ ਹੀ ਜਾਂਦੀ। ਦੂਜਾ ਫਾਰਮ 7 ਹੈ, ਜੋ ਨਵੇਂ ਫਾਰਮ 6 'ਤੇ ਇਤਰਾਜ਼ ਜਤਾਉਣ ਲਈ ਹੁੰਦਾ ਹੈ, ਇਸ ਲਈ ਇਸ ਦਾ ਵੀ ਰਾਘਵ ਚੱਢਾ ਦੇ ਮਾਮਲੇ ਨਾਲ ਕੋਈ ਸਬੰਧ ਨਹੀਂ ਹੈ। ਹੁਣ ਬਚਿਆ ਫਾਰਮ 6। ਜੇਕਰ ਰਾਘਵ ਚੱਢਾ ਨੇ ਦਿੱਲੀ ਵਿੱਚ ਫਾਰਮ 6 ਭਰਿਆ ਹੈ, ਤਾਂ ਚੋਣ ਕਮਿਸ਼ਨ ਨੂੰ ਸਪੱਸ਼ਟ ਕਰਨਾ ਪਵੇਗਾ ਕਿ ਉਹ ਫਾਰਮ 6 ਕਿਸ ਤਾਰੀਖ਼ ਨੂੰ ਭਰਿਆ ਗਿਆ, ਕਦੋਂ ਭਰਿਆ ਗਿਆ ਅਤੇ ਉਹ ਫਾਰਮ 6 ਕਿੱਥੇ ਹੈ? ਲਾਜ਼ਮੀ ਨਿਯਮਾਂ ਤਹਿਤ ਲੋਕਾਂ ਦੇ ਇਤਰਾਜ਼ਾਂ ਲਈ ਉਸ ਨੂੰ ਚੋਣ ਕਮਿਸ਼ਨ ਦੀ ਵੈੱਬਸਾਈਟ 'ਤੇ ਕੁਝ ਦਿਨਾਂ ਲਈ ਕਿਉਂ ਨਹੀਂ ਪਾਇਆ ਗਿਆ?

ਅਨੁਰਾਗ ਢਾਂਡਾ ਨੇ ਕਿਹਾ ਕਿ ਚੋਣ ਕਮਿਸ਼ਨ ਨੇ ਖ਼ੁਦ ਮੰਨਿਆ ਹੈ ਕਿ ਡਰਾਫਟ ਰੋਲ ਵਿੱਚ 746 ਸੀਰੀਅਲ ਨੰਬਰ ਤੱਕ ਹੀ ਵੋਟਰ ਸ਼ਾਮਲ ਹਨ ਅਤੇ ਜਦੋਂ ਵੀ ਫਾਈਨਲ ਇਲੈਕਟੋਰਲ ਰੋਲ ਪਬਲਿਸ਼ ਹੋਵੇਗਾ, ਉਸ ਵਿੱਚ ਸੀਰੀਅਲ ਨੰਬਰ ਡਰਾਫਟ ਰੋਲ ਦੇ ਅੱਗੇ ਤੋਂ ਸ਼ੁਰੂ ਹੋਵੇਗਾ। ਪਰ ਫਾਈਨਲ ਰੋਲ ਤਾਂ ਅਜੇ ਪਬਲਿਸ਼ ਹੋਇਆ ਹੀ ਨਹੀਂ ਹੈ। ਫਾਈਨਲ ਰੋਲ ਪਬਲਿਸ਼ ਕਰਨ ਦੀ ਤਾਰੀਖ਼ 4 ਨਵੰਬਰ 2026 ਹੈ, ਜਦੋਂ ਸਪਲੀਮੈਂਟਰੀ ਇਲੈਕਟੋਰਲ ਰੋਲ ਪਬਲਿਸ਼ ਕੀਤਾ ਜਾਵੇਗਾ ਅਤੇ ਉਸ ਵਿੱਚ ਅੱਗੇ ਦਾ ਸੀਰੀਅਲ ਨੰਬਰ ਜੁੜ ਸਕਦਾ ਹੈ। ਅਜਿਹੇ ਵਿੱਚ ਰਾਘਵ ਚੱਢਾ ਦਾ 747ਵਾਂ ਸੀਰੀਅਲ ਨੰਬਰ ਅਜੇ ਕਿੱਥੋਂ ਆ ਗਿਆ?

ਅਨੁਰਾਗ ਢਾਂਡਾ ਨੇ ਕਿਹਾ ਕਿ ਜੇਕਰ ਚੋਣ ਕਮਿਸ਼ਨ ਫਾਰਮ 6 ਦਾ ਦਾਅਵਾ ਕਰਦਾ ਹੈ, ਤਾਂ 31 ਅਗਸਤ ਤੋਂ ਬਾਅਦ ਯਾਨੀ ਡਰਾਫਟ ਰੋਲ ਆਉਣ ਤੋਂ ਬਾਅਦ 1 ਤੋਂ 7 ਸਤੰਬਰ ਤੱਕ ਭਰੇ ਗਏ ਸਾਰੇ ਫਾਰਮ 6 ਦੀ ਲਿਸਟ ਸਾਡੇ ਕੋਲ ਮੌਜੂਦ ਹੈ। ਇਹ ਚੋਣ ਕਮਿਸ਼ਨ ਲਈ ਲਾਜ਼ਮੀ ਨਿਯਮ ਹੁੰਦਾ ਹੈ ਕਿ ਉਹ ਨਵੀਂ ਵੋਟ ਬਣਾਉਣ ਦੀਆਂ ਅਰਜ਼ੀਆਂ ਦੀ ਸੂਚੀ ਜਨਤਕ ਕਰੇ ਤਾਂ ਜੋ ਜੇਕਰ ਕਿਸੇ ਨੂੰ ਕੋਈ ਇਤਰਾਜ਼ ਹੋਵੇ ਤਾਂ ਉਹ ਦਰਜ ਕਰਵਾ ਸਕੇ। ਇਹ ਸਾਰੇ ਫਾਰਮ 6 ਰਾਜੇਂਦਰ ਨਗਰ ਵਿਧਾਨ ਸਭਾ ਦੇ ਹਨ ਅਤੇ ਇਨ੍ਹਾਂ ਵਿੱਚੋਂ ਕਿਸੇ ਵਿੱਚ ਵੀ ਰਾਘਵ ਚੱਢਾ ਦਾ ਨਾਂ ਨਹੀਂ ਹੈ।

ਅਨੁਰਾਗ ਢਾਂਡਾ ਨੇ ਕਿਹਾ ਕਿ ਚੋਣ ਕਮਿਸ਼ਨ ਝੂਠ ਬੋਲ ਰਿਹਾ ਹੈ ਕਿ ਰਾਘਵ ਚੱਢਾ ਨੇ ਪ੍ਰਕਿਰਿਆ ਤਹਿਤ ਫਾਰਮ 6 ਭਰ ਕੇ ਵੋਟ ਜੁੜਵਾਈ ਹੈ। ਉਨ੍ਹਾਂ ਦਾ ਫਾਰਮ 6 ਕਦੋਂ ਭਰਿਆ ਗਿਆ, ਕਿੱਥੋਂ ਜੁੜਵਾਇਆ ਗਿਆ ਅਤੇ ਇਤਰਾਜ਼ਾਂ ਲਈ ਉਸ ਨੂੰ ਵੈੱਬਸਾਈਟ 'ਤੇ ਕਿਉਂ ਨਹੀਂ ਪਾਇਆ ਗਿਆ? ਅਜਿਹਾ ਲੱਗਦਾ ਹੈ ਕਿ ਸਾਰੀਆਂ ਪ੍ਰਕਿਰਿਆਵਾਂ ਅਤੇ ਐੱਸ.ਓ.ਪੀ. ਨੂੰ ਦਰਕਿਨਾਰ ਕਰਕੇ ਸਿੱਧਾ ਮੁੱਖ ਚੋਣ ਕਮਿਸ਼ਨਰ ਨੂੰ ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਦਾ ਫੋਨ ਗਿਆ ਅਤੇ ਮੁੱਖ ਚੋਣ ਕਮਿਸ਼ਨਰ ਗਿਆਨੇਸ਼ ਕੁਮਾਰ ਨੇ ਬੈਕ ਡੋਰ ਤੋਂ ਸਿੱਧਾ ਰਾਘਵ ਚੱਢਾ ਦਾ ਨਾਂ ਵੋਟਰ ਲਿਸਟ ਵਿੱਚ ਦਰਜ ਕਰਵਾ ਦਿੱਤਾ।

ਅਨੁਰਾਗ ਢਾਂਡਾ ਨੇ ਕਿਹਾ ਕਿ ਚੋਣ ਕਮਿਸ਼ਨ ਨੂੰ ਖੁੱਲ੍ਹੀ ਚੁਣੌਤੀ ਹੈ ਕਿ ਰਾਘਵ ਚੱਢਾ ਦੀ ਵੋਟ ਕਿਸ ਫਾਰਮ ਨੂੰ ਭਰ ਕੇ ਅਤੇ ਕਿਸ ਤਰ੍ਹਾਂ ਦਿੱਲੀ ਦੀ ਵੋਟਰ ਲਿਸਟ ਵਿੱਚ ਜੁੜੀ, ਉਸ ਨੂੰ ਜਨਤਕ ਕੀਤਾ ਜਾਵੇ। ਰਾਜੇਂਦਰ ਨਗਰ ਵਿੱਚ ਜਿੰਨੇ ਲੋਕਾਂ ਨੇ ਫਾਰਮ 6 ਭਰਿਆ ਹੈ, ਉਨ੍ਹਾਂ ਦੇ ਨਾਂ ਚੋਣ ਕਮਿਸ਼ਨ ਨੇ ਜਨਤਕ ਕੀਤੇ ਹਨ, ਇਸ ਲਈ ਇਹ ਕੋਈ ਨਿੱਜੀ ਜਾਣਕਾਰੀ ਛੁਪਾਉਣ ਵਾਲੀ ਗੱਲ ਨਹੀਂ ਹੈ। ਨਵੀਂ ਵੋਟ 'ਤੇ ਇਤਰਾਜ਼ ਲੈਣਾ ਅਤੇ ਉਸ 'ਤੇ ਈ.ਆਰ.ਓ. ਦਾ ਫ਼ੈਸਲਾ ਹੋਣਾ ਚੋਣ ਕਮਿਸ਼ਨ ਦੀ ਜ਼ਿੰਮੇਵਾਰੀ ਹੈ।

ਅਨੁਰਾਗ ਢਾਂਡਾ ਨੇ ਕਿਹਾ ਕਿ ਜੇਕਰ ਚੋਣ ਕਮਿਸ਼ਨ ਦੀ ਨੀਅਤ ਸਾਫ਼ ਹੈ ਅਤੇ ਇਹ ਅਮਿਤ ਸ਼ਾਹ ਦੇ ਕਹਿਣ 'ਤੇ ਮੁੱਖ ਚੋਣ ਕਮਿਸ਼ਨਰ ਗਿਆਨੇਸ਼ ਕੁਮਾਰ ਵੱਲੋਂ ਬੈਕ ਡੋਰ ਤੋਂ ਨਹੀਂ ਕੀਤਾ ਗਿਆ, ਤਾਂ ਚੋਣ ਕਮਿਸ਼ਨ ਪ੍ਰੈੱਸ ਰਿਲੀਜ਼ ਜਾਰੀ ਕਰਕੇ ਇਹ ਸਪੱਸ਼ਟ ਕਰੇ ਕਿ ਰਾਘਵ ਚੱਢਾ ਨੇ ਫਾਰਮ 6 ਕਦੋਂ ਭਰਿਆ। ਉਸ ਫਾਰਮ 6 ਨੂੰ ਜਨਤਕ ਕੀਤਾ ਜਾਵੇ ਅਤੇ ਉਸ 'ਤੇ ਇਤਰਾਜ਼ ਦਰਜ ਕਰਵਾਉਣ ਦਾ ਸਮਾਂ ਦਿੱਤਾ ਜਾਵੇ। ਚੋਣ ਕਮਿਸ਼ਨ ਨੂੰ ਇਹ ਵੀ ਸਪੱਸ਼ਟ ਕਰਨਾ ਚਾਹੀਦਾ ਹੈ ਕਿ ਉਹ ਕਿਸ ਦੇ ਦਬਾਅ ਹੇਠ ਝੂਠ ਬੋਲ ਰਿਹਾ ਹੈ ਅਤੇ ਕਿਸ ਦੇ ਦਬਾਅ ਹੇਠ ਰਾਘਵ ਚੱਢਾ ਦੀ ਫ਼ਰਜ਼ੀ ਵੋਟ ਐਂਟਰੀ ਦੇ ਸੱਚ ਨੂੰ ਛੁਪਾਇਆ ਜਾ ਰਿਹਾ ਹੈ।

-raghavchadha-electioncommission-anuragdhanda-aap-delhivoterlist