ਗੈਂਗਸਟਰਾਂ ਤੇ ਵਾਰ" ਤਹਿਤ ਖੰਨਾ ਪੁਲਿਸ ਵੱਲੋ ਇੱਕ ਵਪਾਰੀ ਤੋ ਜਬਰੀ ਵਸੂਲੀ, ਧਮਕੀਆਂ ਦੇਣ ਅਤੇ ਗੋਲੀਆ

Apr25,2026 | Ravinder Singh Dhillon | Khanna

ਚਲਾਉਣ ਵਾਲੇ ਗਿਰੋਹ ਦੇ 05 ਹੋਰ ਮੈਂਬਰ ਨੂੰ ਗ੍ਰਿਫਤਾਰ ਕੀਤਾ ਅਤੇ 02 ਪਿਸਟਲ .32 ਬੋਰ (ਜਿਗਾਨਾ), 01 ਪਿਸਟਲ ਗਲੋਕ 9MM ਸਮੇਤ 02 ਕਾਰਤੂਸ 9MM, 01 ਦੇਸੀ ਪਿਸਟਲ .30 ਬੋਰ ਸਮੇਤ 10 ਕਾਰਤੂਸ .30 ਬੋਰ, ਅਤੇ 01 ਦੇਸੀ ਪਿਸਟਲ .32 ਬੋਰ ਸਮੇਤ 03 ਕਾਰਤੂਸ .32 ਬੋਰ ਬ੍ਰਾਮਦ ਕੀਤੇ।

ਡਾ. ਦਰਪਣ ਆਹਲੂਵਾਲੀਆ, ਆਈ.ਪੀ.ਐਸ, ਸੀਨੀਅਰ ਕਪਤਾਨ ਪੁਲਿਸ, ਖੰਨਾ ਦੀ ਰਹਿਨੁਮਾਈ ਹੇਠ "ਗੈਂਗਸਟਰਾ ਤੇ ਵਾਰ" ਮੁਹਿੰਮ ਤਹਿਤ ਸ੍ਰੀ ਪਵਨਜੀਤ ਐਸ.ਪੀ. (ਡੀ) ਖੰਨਾ ਅਤੇ ਸ੍ਰੀ ਮੋਹਿਤ ਕੁਮਾਰ ਸਿੰਗਲਾ ਉਪ ਕਪਤਾਨ ਪੁਲਿਸ (ਡੀ) ਖੰਨਾ, ਸ੍ਰੀ ਹਰਮਨਪ੍ਰੀਤ ਸਿੰਘ, ਉਪ ਕਪਤਾਨ ਪੁਲਿਸ, ਸਬ- ਡਿਵੀਜਨ ਪਾਇਲ ਸਬ-ਇੰਸਪੈਕਟਰ ਤਰਵਿੰਦਰ ਕੁਮਾਰ, ਮੁੱਖ ਅਫਸਰ, ਥਾਣਾ ਪਾਇਲ, ਪੁਲਿਸ ਜਿਲ੍ਹਾ ਖੰਨਾ ਅਤੇ ਸੀ.ਪੀ ਲੁਧਿਆਣਾ ਦੀ ਟੀਮ ਨੇ ਮੁਕੱਦਮਾ ਅਸਲਾ ਐਕਟ, ਥਾਣਾ ਪਾਇਲ ਵਿੱਚ ਵਪਾਰੀ ਹਰੀਸ਼ ਚੰਦਰ ਉਰਫ ਨੋਨਾ ਪੁੱਤਰ ਮਲਕ ਰਾਮ ਵਾਸੀ ਵਾਰਡ ਨੰਬਰ 05 ਪਾਇਲ, ਥਾਣਾ ਪਾਇਲ ਦੀ ਦਾਣਾ ਮੰਡੀ ਪਾਇਲ ਵਿਖੇ ਆੜਤ ਦੀ ਦੁਕਾਨ ਪਰ ਦੋ ਅਣ-ਪਛਾਤੇ ਵਿਅਕਤੀਆਂ ਵੱਲੋ ਗੋਲੀਆਂ ਚਲਾਈਆਂ ਗਈਆਂ। ਜਿਸ ਪਰ ਤੁਰੰਤ ਕਰਵਾਈ ਕਰਦਿਆਂ ਉਪ ਕਪਤਾਨ ਪੁਲਿਸ, ਸਬ- ਡਿਵੀਜਨ ਪਾਇਲ ਦੀ ਦਿਸ਼ਾ ਨਿਰਦੇਸ਼ਾਂ ਪਰ ਦੋਸ਼ੀਆਂ ਦੀ ਭਾਲ ਕਰਨ ਲਈ ਵੱਖ-ਵੱਖ ਟੀਮਾਂ ਬਣਾਈਆਂ ਗਈਆਂ ਅਤੇ ਮੁਕੱਦਮਾ ਉਕਤ ਵਿਚ ਵਾਧਾ ਜੁਰਮ 3(5), 109 ਬੀ.ਐਨ.ਐਸ. 25-54-59 ਅਸਲਾ ਐਕਟ ਕੀਤਾ ਗਿਆ। ਮੁਕੱਦਮਾ ਦੀ ਤਫਤੀਸ਼ ਦੌਰਾਨ ਜਬਰੀ ਵਸੂਲੀ, ਧਮਕੀਆਂ ਦੇਣ ਵਾਲੇ ਗਿਰੋਹ ਦੇ ਪੰਜ ਮੈਬਰਾਂ ਨੂੰ ਪਹਿਲਾ ਹੀ ਗ੍ਰਿਫਤਾਰ ਕੀਤਾ ਗਿਆ।

ਦੋਰਾਨੇ ਦੋਸ਼ੀ ਓਮੇਸ਼ ਕੁਮਾਰ ਉਰਫ ਛਾਗਾ ਪੁੱਛ-ਗਿੱਛ ਪਰ ਇਹ ਗੱਲ ਸਾਹਮਣੇ ਆਈ ਕਿ ਓਮੇਸ਼ ਕੁਮਾਰ ਉਰਫ ਸੋਨੂੰ ਕੁਮਾਰ ਉਰਫ ਛਾਗਾ ਨੂੰ ਫਾਈਰਿੰਗ ਕਰਨ ਲਈ ਵਰਤੇ ਗਏ ਪਿਸਟਲ ਉਹਨਾਂ ਨੂੰ ਹਰਦੀਪ ਸਿੰਘ ਉਰਫ ਲਾਡੀ ਉਰਫ ਆਜਾਦ ਸਿੰਘ ਵਾਸੀ ਪਿੰਡ ਮੰਜਾਲੀ ਕਲਾ ਨੇ ਹੀ ਦਿੱਤੇ ਸੀ, ਜਿਸ ਮੁਕੱਦਮਾ ਉਕਤ ਵਿਚ ਨਾਮਜਦ ਕੀਤਾ ਗਿਆ। ਜਿਸ ਦੀ ਭਾਲ ਜਾਰੀ ਸੀ।

ਮੁਕੰਦਮਾ ਦੀ ਤਫਤੀਸ਼ ਨੂੰ ਅਮਲ ਵਿੱਚ ਲਿਆਦੇ ਹੋਏ, ਟੈਕਨੀਕਲ ਅਤੇ ਹਿਯੂਮਨ ਰਿਸੋਰਸ ਦੀ ਮਦਦ ਨਾਲ ਭਾਲ ਕਰਦੇ ਹੋਏ ਵੱਖ-ਵੱਖ ਥਾਵਾਂ ਪਰ ਰੇਡਾਂ ਕਰਕੇ ਤਿੰਨ ਹੋਰ ਵਿਅਕਤੀਆਂ ਕਾਬੂ ਕੀਤਾ ਗਿਆ, ਜਿਹਨਾਂ ਦੇ ਨਾਮ ਮੁਹੰਮਦ ਸ਼ਫੀਕ ਪੁੱਤਰ ਅਬਦੁਲ ਹਮੀਦ ਵਾਸੀ ਮਾਂਡਲੀ, ਤਹਿ ਬਲਾਵਰ, ਜਿਲ੍ਹਾ ਕਨੂਆ, ਜੰਮੂ ਕਸ਼ਮੀਰ ਹਾਲ ਵਾਸੀ ਟਿੱਬਾ ਪੁਲਪਦੀ, ਤਹਿਸੀਲ ਡੇਹਲੋਂ, ਜ਼ਿਲ੍ਹਾ ਲੁਧਿਆਣਾ, ਮੁਹੰਮਦ ਰਫੀਕ ਪੁੱਤਰ ਸ਼ਾਂਗਾ ਵਾਸੀ ਪੱਦੀ, ਤਹਿਸੀਲ ਡੇਹਲੋਂ, ਜ਼ਿਲ੍ਹਾ ਲੁਧਿਆਣਾ ਅਤੇ ਸ਼ਰੀਫ ਅਲੀ ਪੁੱਤਰ ਮੁਹੰਮਦ ਈਸ਼ਾ ਵਾਸੀ ਪਿੰਡ ਮਾਲਾ, ਜ਼ਿਲ੍ਹਾ ਰੋਪੜ ਨੂੰ ਮੁਕੰਦਮਾ ਹਜਾ ਵਿਚ ਦੋਸ਼ੀ ਨਾਮਜਦ ਕਰਕੇ ਗ੍ਰਿਫਤਾਰ ਕੀਤਾ ਗਿਆ। ਇਹਨਾਂ ਤਿੰਨ ਵਿਅਕਤੀਆਂ ਵੱਲੋਂ ਦੇਸ਼ੀ ਹਰਦੀਪ ਸਿੰਘ ਉਰਫ ਲਾਡੀ ਉਰਫ ਆਜਾਦ ਸਿੰਘ ਵਾਸੀ ਪਿੰਡ ਮੰਜਾਲੀ ਕਲਾ ਨੂੰ ਲੁਕਣ ਲਈ ਪਨਾਹ ਦਿੱਤੀ ਸੀ। ਦੋਸ਼ੀ ਹਰਦੀਪ ਸਿੰਘ ਉਰਫ ਲਾਡੀ ਉਰਫ ਆਜਾਦ ਬਾਬਾ ਨੂੰ ਗ੍ਰਿਫਤਾਰ ਕੀਤਾ ਗਿਆ।

ਖੰਨਾ ਪੁਲਿਸ ਅਤੇ ਸੀ.ਪੀ ਲੁਧਿਆਣਾ ਦੀ ਟੀਮ ਦੇ ਇੱਕ ਜੋਆਈਟ ਆਪਰੇਸ਼ਨ ਨਾਲ ਰੌਬਿਨ ਪੁੱਤਰ ਮੰਗੇ ਰਾਮ ਵਾਸੀ ਪਿੰਡ ਹਿਮਾਯੂੰਪੁਰਾ, ਜਿਲ੍ਹਾ ਲੁਧਿਆਣਾ ਨੂੰ ਕਾਬੂ ਕੀਤਾ ਜਿਸ ਪਾਸੇ 02 ਪਿਸਟਲ .32 ਬੋਰ (ਜਿਗਾਨਾ), 01 ਪਿਸਟਲ ਗਲੋਕ 9MM ਸਮੇਤ 02 ਕਾਰਤੂਸ 9MM, ਅਤੇ 01 ਦੇਸੀ ਪਿਸਟਲ .30 ਬੋਰ ਸਮੇਤ 10 ਕਾਰਤੂਸ .30 ਬੋਰ, 01 ਦੇਸੀ ਪਿਸਟਲ

.32 ਬੋਰ ਸਮੇਤ 03 ਕਾਰਤੂਸ .32 ਬੋਰ ਬ੍ਰਾਮਦ ਕੀਤੇ। ਜੋ ਪਾਇਲ ਵਿਖੇ ਹੋਈ ਫਾਈਰਿੰਗ ਦੌਰਾਨ ਵਰਤੇ ਗਏ ਸਨ। ਦੋਸ਼ੀਆਂ ਪਾਸੋ ਡੂੰਘਾਈ ਨਾਲ ਪੁੱਛ-ਗਿੱਛ ਜਾਰੀ ਹੈ, ਹੋਰ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ