ਐਡਵੋਕੇਟ ਅਜੈ ਅਰੋੜਾ ਅਤੇ ਮੁਸਕਾਨ ਅਰੋੜਾ ਭਾਜਪਾ ਨੂੰ ਅਲਵਿਦਾ ਕਹਿ ਕੇ ’ਆਪ’ ’ਚ ਹੋਏ ਸ਼ਾਮਲ

Dec13,2024 | Shiv Punjabi | Ludhiana

* ਵਾਰਡ-94 ਤੋਂ ਦੋ ਵਾਰ ਚੋਣ ਲੜ ਚੁੱਕੇ ਅਰੋੜਾ ਪਰਿਵਾਰ ਦੇ ਆਪ ਵਿੱਚ ਸ਼ਾਮਲ ਹੋਣ ਨਾਲ ’ਆਪ’ ਉਮੀਦਵਾਰ ਅਮਨ ਬੱਗਾ ਹੋਏ ਮਜ਼ਬੂਤ

* ਅਜੈ ਅਰੋੜਾ ਵਿਧਾਇਕ ਬੱਗਾ ਵਲੋਂ ਕਰਵਾਏ ਵਿਕਾਸ ਕਾਰਜਾਂ ਤੋਂ ਪ੍ਰਭਾਵਿਤ ਹੋ ਕੇ ਆਪ ਵਿੱਚ ਹੋਏ ਸ਼ਾਮਲ

ਲੁਧਿਆਣਾ। ਵਾਰਡ-94 ਤੋਂ ‘ਆਪ’ ਉਮੀਦਵਾਰ ਅਮਨ ਬੱਗਾ ਦੀ ਚੋਣ ਮੁਹਿੰਮ ਨੂੰ ਉਸ ਸਮੇਂ ਹੁਲਾਰਾ ਮਿਲਿਆ ਜਦੋਂ ਭਾਜਪਾ ਆਗੂ ਐਡਵੋਕੇਟ ਅਜੈ ਅਰੋੜਾ ਅਤੇ ਮੁਸਕਾਨ ਅਰੋੜਾ ਭਾਜਪਾ ਛੱਡ ਕੇ ‘ਆਪ’ ਵਿੱਚ ਸ਼ਾਮਲ ਹੋ ਗਏ। ਅਰੋੜਾ ਪਰਿਵਾਰ ਵਿਧਾਇਕ ਬੱਗਾ ਵਲੋਂ ਕਰਵਾਏ ਵਿਕਾਸ ਕਾਰਜਾ ਤੋਂ ਪ੍ਰਭਾਵਿਤ ਹੋ ਕੇ ਆਪ ਵਿੱਚ ਸ਼ਾਮਲ ਹੋਇਆ। ਵਿਧਾਇਕ ਮਦਨ ਲਾਲ ਬੱਗਾ ਅਤੇ ਅਮਨ ਬੱਗਾ ਨੇ ਸਾਥੀਆਂ ਸਮੇਤ ’ਆਪ’ ’ਚ ਸ਼ਾਮਲ ਹੋਣ ’ਤੇ ਅਜੇ ਅਰੋੜਾ ਅਤੇ ਮੁਸਕਾਨ ਅਰੋੜਾ ਦਾ ਸਵਾਗਤ ਕੀਤਾ। ਵਰਨਣਯੋਗ ਹੈ ਕਿ ਅਰੋੜਾ ਪਰਿਵਾਰ ਇਸ ਇਲਾਕੇ ਤੋਂ ਦੋ ਵਾਰ ਕਾਂਗਰਸ ਦੇ ਚੋਣ ਨਿਸ਼ਾਨ ’ਤੇ ਕੌਂਸਲਰ ਦੀ ਚੋਣ ਲੜ ਚੁੱਕਾ ਹੈ। ਮੌਜੂਦਾ ਸਮੇਂ ਉਹ ਭਾਜਪਾ ਵਿੱਚ ਕੰਮ ਕਰ ਰਹੇ ਸਨ। ਵਿਧਾਇਕ ਬੱਗਾ ਨੇ ਪਿਛਲੇ ਢਾਈ ਸਾਲਾਂ ਦੇ ਕਾਰਜਕਾਲ ਵਿੱਚ ‘ਆਪ’ ਵੱਲੋਂ ਕੀਤੇ ਵਿਕਾਸ ਦਾ ਹਵਾਲਾ ਦਿੰਦਿਆਂ ਕਿਹਾ ਕਿ ਵਿਕਾਸ ਤੋਂ ਪ੍ਰਭਾਵਿਤ ਹੋ ਕੇ ਲੋਕਾਂ ਦਾ ‘ਆਪ’ ਵੱਲ ਝੁਕਾ ਹੋ ਰਿਹਾ ਹੈ। ਭਾਜਪਾ ਨੂੰ ਅਲਵਿਦਾ ਕਹਿ ਕੇ ‘ਆਪ’ ਵਿੱਚ ਸ਼ਾਮਲ ਹੋਏ ਅਜੈ ਅਰੋੜਾ ਅਤੇ ਮੁਸਕਾਨ ਅਰੋੜਾ ਨੇ ਕਿਹਾ ਕਿ ਭਾਜਪਾ ਲੀਡਰਸ਼ਿਪ ਦੀਆਂ ਲੋਕ ਵਿਰੋਧੀ ਨੀਤੀਆਂ ਤੋਂ ਦੁਖੀ ਹੋ ਕੇ ਉਨ੍ਹਾਂ ਨੇ ‘ਆਪ’ ਵਿੱਚ ਸ਼ਾਮਲ ਹੋਣ ਦਾ ਫੈਸਲਾ ਲਿਆ ਹੈ। ਉਨ੍ਹਾਂ ਚੋਣ ਮੈਦਾਨ ਵਿੱਚ ਅਮਨ ਬੱਗਾ ਦੇ ਮੋਢੇ ਨਾਲ ਮੋਢਾ ਜੋੜ ਕੇ ਖੜ੍ਹਨ ਦਾ ਭਰੋਸਾ ਵੀ ਦਿੱਤਾ। ਅਮਨ ਬੱਗਾ ਨੇ ਕਿਹਾ ਕਿ ਅਰੋੜਾ ਪਰਿਵਾਰ ਦੇ ‘ਆਪ’ ਵਿੱਚ ਸ਼ਾਮਲ ਹੋਣ ਦਾ ਸਿੱਧਾ ਫਾਇਦਾ ਉਨ੍ਹਾਂ ਨੂੰ ਚੋਣਾਂ ਵਿੱਚ ਮਿਲੇਗਾ। ਇਸ ਮੌਕੇ ਸੈਂਕੜੇ ਵਾਰਡ ਵਾਸੀ ਹਾਜ਼ਰ ਸਨ।

Municipal-Corporation-Election-2024-Aman-Bagga-Aap-Candidate-