ਚੈਸਪੀਕ 12 ਨਵੰਬਰ ( ਸੁਰਿੰਦਰ ਢਿਲੋਂ ) ਵਿਰਜੀਨੀਆ ਰਾਜ ਦੇ ਹੈਮਪਟਨ ਰੋਡਜ਼ ਏਰੀਏ ਦੀ ਸਿੱਖ ਸੰਗਤ ਵੱਲੋਂ ਆਪਣੇ ਗੌਰਵਮਈ ਇਤਿਹਾਸ ਨੂੰ ਯਾਦ ਕਰਦਿਆਂ ਚੈਸਪੀਕ ਸਥਿਤ ਗਰਦੁਆਰਾ ਸਾਹਿਬ ਵਿਖੇ ਦਿਵਾਲੀ ਦੇ ਤਿਉਹਾਰ ਨੂੰ ਬੰਦੀਛੋੜ ਦਿਵਸ ਵਜੋਂ ਬੜੀ ਸ਼ਰਧਾ ਤੇ ਉਤਸ਼ਾਹ ਨਾਲ ਮਨਾਇਆ ਗਿਆ ।ਦੂਰ-ਦੁਰਾਡੇ ਤੋ ਨਾਨਕ ਨਾਮ ਲੇਵਾ ਸੰਗਤਾਂ ਗੂਰੁ ਘਰ ਗੁਰੂ ਦੀਆਂ ਖੁਸ਼ੀਆਂ ਪ੍ਰਾਪਤ ਕਰਨ ਲਈ ਨਤਮਸਤਕ ਹੋਈਆਂ । ਇਸ ਮੌਕੇ ਗੁਰਦੁਆਰਾ ਸਾਹਿਬ ਵਿਖੇ ਸੰਗਤ ਵੱਲੋਂ ਦੀਪਮਾਲਾ ਕੀਤੀ ਗਈ ਤੇ ਕੀਰਤਨ ਦਰਬਾਰ ਦਾ ਆਯੋਜਨ ਕੀਤਾ ਗਿਆ । ਭਾਈ ਹੁਸ਼ਨਾਕ ਸਿੰਘ ਤੇ ਸੰਗਤ ਨੇ ਮਿਲ ਕੇ ਇਲਾਹੀ ਬਾਣੀ ਦੇ ਇਲਾਹੀ ਸ਼ਬਦ-ਕੀਰਤਨ ਨਾਲ ਸੰਗਤਾਂ ਨੂੰ ਨਿਹਾਲ ਕੀਤਾ । ਇਸ ਮੌਕੇ ਭਾਈ ਹੁਸ਼ਨਾਕ ਸਿੰਘ ਜੀ ਨੇ ਇਸ ਦਿਵਸ ਦੀ ਇਤਿਹਾਸਕ ਮਹਾਨਤਾ ਬਾਰੇ ਸੰਗਤਾਂ ਨਾਲ ਸਾਂਝ ਪਾਉਂਦੇ ਹੋਏ ਦੱਸਿਆ ਕੇ ਸਿੱਖ ਜਗਤ ਇਸ ਦਿੰਨ ਆਪਣੇ ਗੌਰਵਮਈ ਇਤਿਹਾਸ ਨੂੰ ਯਾਦ ਕਰਦਿਆਂ ਮਾਣ ਮਹਿਸੂਸ ਕਰਦਾ ਹੈ ਕਿਉਂਕਿ ਇਸ ਦਿੰਨ 6ਵੇਂ ਪਾਤਸ਼ਾਹ ਗੁਰੂ ਹਰਗੋਬਿੰਦ ਸਿੰਘ ਜੀ ਆਪਣੇ ਨਾਲ 52 ਰਾਜਿਆਂ ਨੂੰ ਗਵਾਲੀਅਰ ਦੇ ਕਿਲ੍ਹੇ ਤੋਂ ਮਕਤੀ ਦਿਵਾਉਣ ਬਾਦ ਅੰਮ੍ਰਿਤਸਰ ਪੁੱਜਣ ਤੇ ਸਿੱਖ ਸੰਗਤ ਨੇ ਦੀਪਮਾਲਾ ਕੀਤੀ ਸੀ । ਬੰਦੀਛੋੜ ਦਿਵਸ ਇੱਕ ਸਿੱਖ ਤਿਉਹਾਰ ਹੈ ਜੋ ਸਿੱਖਾਂ ਦੇ ਛੇਵੇਂ ਗੁਰੂ, ਗੁਰੂ ਹਰਗੋਬਿੰਦ ਅਤੇ 52 ਹਿੰਦੂ ਰਾਜਿਆਂ ਨੂੰ ਗਵਾਲੀਅਰ ਦੇ ਕਿਲ੍ਹੇ ਤੋਂ ਰਿਹਾਅ ਕੀਤੇ ਜਾਣ ਦੇ ਦਿਨ ਦੀ ਯਾਦ ਵਿੱਚ ਮਨਾਇਆ ਜਾਂਦਾ ਹੈ, ਜਿਨ੍ਹਾਂ ਨੂੰ ਮੁਗਲ ਬਾਦਸ਼ਾਹ ਜਹਾਂਗੀਰ ਦੁਆਰਾ ਕੈਦ ਕੀਤਾ ਗਿਆ ਸੀ, ਇਸਨੂੰ ਮੁਕਤੀ ਦਿਵਸ ਵਜੋਂ ਵੀ ਜਾਣਿਆ ਜਾਂਦਾ ਹੈ, ਅਤੇ ਇਹ ਅਕਸਰ ਮੇਲ ਖਾਂਦਾ ਹੈ ਹਿੰਦੂ ਤਿਉਹਾਰ ਦਿਵਾਲੀ ਦੇ ਨਾਲ ਜਿਸ ਨੂੰ ਰੋਸ਼ਨੀ ਦਾ ਤਿਉਹਾਰ ਵੀ ਕਿਹਾ ਜਾਂਦਾ ਹੈ । ਸਿੱਖ ਇਸ ਦਿਨ ਨੂੰ ਆਪਣੇ ਘਰਾਂ ਅਤੇ ਗੁਰਦੁਆਰਿਆਂ ਨੂੰ ਰੋਸ਼ਨੀ ਕਰਕੇ, ਕੀਰਤਨ ਅਤੇ ਪ੍ਰਾਰਥਨਾਵਾਂ ਗਾ ਕੇ, ਅਤੇ ਦੂਜਿਆਂ ਨਾਲ ਲੰਗਰ (ਸਮੁਦਾਇਕ ਰਸੋਈ) ਸਾਂਝਾ ਕਰਕੇ ਮਨਾਉਂਦੇ ਹਨ, ਬੰਦੀਛੋੜ ਦਿਵਸ ਸਿੱਖਾਂ ਲਈ ਕਦਰਾਂ-ਕੀਮਤਾਂ ਨੂੰ ਦਰਸਾਉਣ ਦਾ ਇੱਕ ਮਹੱਤਵਪੂਰਨ ਮੌਕਾ ਹੈ। ਆਜ਼ਾਦੀ, ਨਿਆਂ ਅਤੇ ਧਾਰਮਿਕਤਾ ਦੀ ਜਿਸ ਦੀ ਗੁਰੂ ਹਰਗੋਬਿੰਦ ਨੇ ਮਿਸਾਲ ਦਿੱਤੀ ਇਸ ਮੌਕੇ ਗੁਰਦੁਆਰਾ ਸਾਹਿਬ ( ਗੁਰੂ ਨਾਨਕ ਫਾਉਡੇਸ਼ਨ ਆਫ ਟਾਈਡਵਾਟਰ ) ਦੇ ਸਕੱਤਰ ਸੁਰਿੰਦਰ ਸਿੰਘ ਚਾਨਾ ਨੇ ਬੰਦੀਛੋੜ ਦਿਵਸ ਦੀ ਇਤਿਹਾਸਕ ਮਹੱਤਤਾ ਬਾਰੇ ਸੰਗਤ ਨਾਲ ਵਿਚਾਰ ਸਾਂਝੇ ਕਰਦੇ ਹੋਏ ਕਿਹਾ ਕੇ ਜਦੋ ਛੇਵੇਂ ਪਾਤਸ਼ਾਹ ਗੁਰੂ ਹਰਗੋਬਿੰਦ ਸਿੰਘ ਜੀ ਨੇ ਗਵਾਲੀਅਰ ਦੇ ਕਿਲ਼੍ਹੇ ਤੋ ਮੁਗਲ ਸਮਰਾਟ ਦੀ ਕੈਦ ਤੋਂ ਆਪਣੇ ਨਾਲ 52 ਰਾਜਿਆਂ ਨੂੰ ਮੁਕਤ ਕਰਵਾਇਆ ਸੀ ਤੇ ਆਪ ਅੰਮ੍ਰਿਤਸਰ ਪਧਾਰੇ ਸਨ ਉਸ ਦਿੰਨ ਤੋ ਇਹ ਦਿਹਾੜਾ ਬੰਦੀਛੋੜ ਦਿਵਸ ਤੇ ਸਿੱਖ ਤਿਉਹਾਰ ਬਣ ਗਿਆ । ਉਸ ਦਿੰਨ ਦਿਵਾਲੀ ਦਾ ਤਿਉਹਾਰ ਸੀ ਪਰ ਸਿੱਖ ਸੰਗਤ ਨੇ ਆਪਣੇ ਗੁਰੂ ਦੀ ਆਮਦ ਤੇ ਦੀਪਮਾਲਾ ਕਰਕੇ ਖ਼ੁਸ਼ੀ ਮਨਾਈ ਸੀ । ਇਸ ਮੌਕੇ ਤੇ ਨਾਨਕ ਨਾਮ ਲੇਵਾ ਸੰਗਤ ਲਈ ਲੰਗਰ ਦੀ ਸੇਵਾ ਮਾਨਸੂਨ ਰੈਸਟੋਰੈਟ ਦੇ ਪਰੀਵਾਰ ਵੱਲੋਂ ਸੰਗਤ ਨਾਲ ਮਿਲ ਕੇ ਕੀਤੀ ਗਈ । ਇਸ ਮੌਕੇ ਹੋਰਨਾਂ ਤੋ ਇਲਾਵਾ ਬੀਬਾ ਅਰਸ਼ਦੀਪ ਕੌਰ ,ਰਾਵਿੰਦਰ ਸਿੰਘ ਖੁਬਰ ,ਅਮਰਜੀਤ ਸਿੰਘ ਚੌਹਾਨ, ਲਖਵਿੰਦਰ ਸਿੰਘ ਸਭਰਵਾਲ ,ਦਲਜੀਤ ਕੌਰ ਕਾਹਲੋਂ,ਹਰੀਪਾਲ ਸਿੰਘ ਚਾਨਾ ,ਅਮਰਜੀਤ ਸਿੰਘ ਕਾਹਲੋਂ,ਫਾਉਡੇਸ਼ਨ ਦੇ ਚੇਅਰਮੈਨ ਰਾਜ ਰਾਹਿਲ,ਨਿਸ਼ਾਨ ਸਿੰਘ ਸੰਧੂ,ਰਾਜਿੰਦਰ ਸਿੰਘ,ਭੁਪਿੰਦਰ ਸਿੰਘ ਸੰਧੂ,ਤਾਰਾ ਸਿੰਘ ਖੁਬਰ ,ਡਾਕਟਰ ਬਲਤੇਜ ਗਿੱਲ ਹਾਜ਼ਰ ਸਨ ।
Jagrati Lahar is an English, Hindi and Punjabi language news paper as well as web portal. Since its launch, Jagrati Lahar has created a niche for itself for true and fast reporting among its readers in India.
Gautam Jalandhari (Editor)