ਲੁਧਿਆਣਾ ਵਿੱਚ ਸੰਗੀਤ ਅਤੇ ਮਨੋਰੰਜਨ ਦਾ ਰੰਗਾਰੰਗ ਪ੍ਰੋਗਰਾਮ, ਕਈ ਪ੍ਰਮੁੱਖ ਸ਼ਖ਼ਸੀਅਤਾਂ ਨੇ ਕੀਤੀ ਸ਼ਿਰਕਤ
ਲੁਧਿਆਣਾ: ਯੁਵਮ ਫਿਲਮਜ਼ ਵੱਲੋਂ ਐਤਵਾਰ ਨੂੰ ਫਿਰੋਜ਼ ਗਾਂਧੀ ਮਾਰਕੀਟ ਸਥਿਤ ਕੇਸ਼ਵ ਵੈਜੀਟੇਰੀਅਨ ਹਾਲ ਵਿੱਚ ਸਿੰਗਰ ਰਿਲੀਜ਼ ਅਤੇ ਅਪਕਮਿੰਗ ਲਾਂਚ ਸ਼ੋਅ ਕਰਵਾਇਆ ਗਿਆ। ਇਸ ਪ੍ਰੋਗਰਾਮ ਦਾ ਮੁੱਖ ਉਦੇਸ਼ ਨਵੇਂ ਗਾਇਕਾਂ ਅਤੇ ਉੱਭਰ ਰਹੇ ਕਲਾਕਾਰਾਂ ਨੂੰ ਆਪਣੀ ਪ੍ਰਤਿਭਾ ਦਿਖਾਉਣ ਲਈ ਮੰਚ ਪ੍ਰਦਾਨ ਕਰਨਾ ਸੀ।
ਪ੍ਰੋਗਰਾਮ ਦਾ ਆਯੋਜਨ ਯੁਵਮ ਫਿਲਮਜ਼ ਦੇ ਮੁਖੀ, ਗਾਇਕ, ਅਦਾਕਾਰ ਅਤੇ ਨਿਰਦੇਸ਼ਕ ਪਰਵੀਨ ਮਹਿਰਾ ਵੱਲੋਂ ਕੀਤਾ ਗਿਆ। ਇਸ ਮੌਕੇ ਚੌਪਾਲ ਓਟੀਟੀ ਦੇ ਕੰਟੈਂਟ ਹੈੱਡ ਅਜੈਵੀਰ ਸਿੰਘ, ਸੀਨੀਅਰ ਮੈਨੇਜਰ ਰਾਕੇਸ਼ ਕੁਮਾਰ, ਸੇਵਾਮੁਕਤ ਪ੍ਰਿੰਸੀਪਲ ਸ਼ਮਸ਼ਾਦ ਅਲੀ, ਵ੍ਹਾਈਟ ਹਿੱਲ ਸਟੂਡੀਓਜ਼ ਦੇ ਹੈੱਡ ਆਫ ਡਿਸਟ੍ਰੀਬਿਊਸ਼ਨ ਅਮਿਤ ਕੁਮਾਰ, ਮਨੋਰੰਜਨ ਪੱਤਰਕਾਰ ਅਤੇ ਪਬਲਿਸਿਸਟ ਪਰਮਜੀਤ ਫਰੀਦਕੋਟ ਅਤੇ ਪ੍ਰਿੰਸੀਪਲ ਮਮਤਾ ਮਹਿਰਾ ਸਮੇਤ ਕਈ ਸ਼ਖ਼ਸੀਅਤਾਂ ਮੌਜੂਦ ਸਨ।
ਇਸ ਦੌਰਾਨ ਛੇ ਗੀਤਾਂ ਨੂੰ ਪੇਸ਼ ਕੀਤਾ ਗਿਆ, ਜਿਨ੍ਹਾਂ ਵਿੱਚ ਦਿਲਜੀਤ ਦਾ ਤੇਰਾ ਪਿਆਰ ਜ਼ਰੂਰੀ ਸੀ, ਬੱਬੂ ਭਗਤ ਦਾ ਪਟੋਲਾ, ਗਿੱਲ ਕਾਠਿਆਲੇ ਵਾਲਾ ਦਾ ਮੱਖਣ ਦਾ ਪੇੜਾ, ਬਿੱਟੂ ਖੰਨਾਲ ਦਾ ਗੋਲੀ ਬੋਲਦੀ, ਤਰਸੇਮ ਸਿੰਘ ਖੋਖਰ ਦਾ ਸੱਜਣਾ ਵੇ ਦਿਲ ਤੋੜ ਕੇ ਅਤੇ ਕਾਕਾ ਸਿੱਧੂ ਦਾ ਬੰਦਾ ਫੁੱਕਰਾ ਮਾੜਾ ਸ਼ਾਮਲ ਰਹੇ।
ਯੁਵਮ ਫਿਲਮਜ਼ ਵੱਲੋਂ ਆਉਣ ਵਾਲੇ ਸਮੇਂ ਵਿੱਚ ਪੇਸ਼ ਕੀਤੇ ਜਾਣ ਵਾਲੇ ਕਲਾਕਾਰਾਂ ਵਿੱਚ ਅੰਮ੍ਰਿਤਸਰ ਤੋਂ ਜਸਪਾਲ ਅਤੇ ਮੁਸਕਾਨ, ਨੰਗਲ ਤੋਂ ਸੰਦੀਪ ਰਾਣਾ, ਰੂਪ ਸਿੰਘ, ਆਸ਼ੂ ਪ੍ਰੀਤ, ਦਰਸ਼ਨ ਭੂਰੇ, ਗੁਰਜੰਟ ਸਿੰਘ, ਜਸਵੀਰ, ਦੁਬਈ ਤੋਂ ਹਰਦੀਪ, ਰੋਮੇਸ਼, ਵਰੁਣ ਅਤੇ ਗੁਰਪ੍ਰੀਤ ਸਿੰਘ ਦੇ ਨਾਮ ਸ਼ਾਮਲ ਹਨ।
ਪਰਵੀਨ ਮਹਿਰਾ ਨੇ ਕਿਹਾ ਕਿ ਯੁਵਮ ਫਿਲਮਜ਼ ਦਾ ਉਦੇਸ਼ ਨਵੇਂ ਕਲਾਕਾਰਾਂ ਨੂੰ ਉਤਸ਼ਾਹਿਤ ਕਰਨਾ, ਉਨ੍ਹਾਂ ਦੀ ਪ੍ਰਤਿਭਾ ਨੂੰ ਦਰਸ਼ਕਾਂ ਤੱਕ ਪਹੁੰਚਾਉਣਾ ਅਤੇ ਨਵੇਂ ਗੀਤਾਂ ਤੇ ਸੰਗੀਤਕ ਪ੍ਰੋਜੈਕਟਾਂ ਰਾਹੀਂ ਪੰਜਾਬੀ ਸੰਗੀਤ ਅਤੇ ਮਨੋਰੰਜਨ ਜਗਤ ਵਿੱਚ ਯੋਗਦਾਨ ਪਾਉਣਾ ਹੈ।
RSS FEED