2 ਦੋਸ਼ੀਆਂ ਨੂੰ ਕਾਬੂ ਕਰਕੇ ਉਹਨਾਂ ਪਾਸੋਂ 2 ਚੋਰੀਸੁਦਾ ਮੋਟਰਸਾਈਕਲ ਅਤੇ ਚੋਰੀ ਦੀਆਂ ਵਾਰਦਾਤਾਂ ਵਿੱਚ ਵਰਤੇ ਔਜਾਰਾਂ ਦੀ ਬ੍ਰਾਮਦਗੀ ਕੀਤੀ

ਡੀ.ਆਈ.ਜੀ. ਲੁਧਿਆਣਾ, ਰੇਂਜ ਲੁਧਿਆਣਾ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਡਾ. ਦਰਪਣ ਆਹਲੂਵਾਲੀਆ, ਆਈ.ਪੀ.ਐਸ, ਸੀਨੀਅਰ ਕਪਤਾਨ ਪੁਲਿਸ, ਖੰਨਾ ਦੀ ਰਹਿਨੁਮਾਈ ਹੇਠ ਮਾੜੇ ਅਨਸਰਾਂ ਨੂੰ ਕਾਬੂ ਕਰਨ ਲਈ ਵਿਸੇਸ਼ ਮਹਿੰਮ ਚਲਾਈ ਗਈ ਹੈ, ਇਸ ਮੁਹਿੰਮ ਦੋਰਾਨ ਸ਼੍ਰੀ ਪਵਨਜੀਤ, ਪੀ.ਪੀ.ਐਸ, ਕਪਤਾਨ ਪੁਲਿਸ (ਆਈ) ਦੀ ਅਗਵਾਈ ਹੇਠ  ਇੰਸਪੈਕਟਰ ਸੰਦੀਪ ਕੁਮਾਰ, ਮੁੱਖ ਅਫਸਰ, ਥਾਣਾ ਸਦਰ, ਖੰਨਾ ਵਿੱਚ 2 ਦੋਸ਼ੀਆਂ ਨੂੰ ਕਾਬੂ ਕਰਕੇ ਉਹਨਾਂ ਪਾਸੋਂ 2 ਚੋਰੀਸੁਦਾ ਮੋਟਰਸਾਈਕਲ ਅਤੇ ਚੋਰੀ ਦੀਆਂ ਵਾਰਦਾਤਾਂ ਵਿੱਚ ਵਰਤੇ ਔਜਾਰਾਂ ਦੀ ਬ੍ਰਾਮਦਗੀ ਕੀਤੀ।

 ਸਬ-ਇੰਸ: ਅਵਤਾਰ ਸਿੰਘ ਸਮੇਤ ਪੁਲਿਸ ਪਾਰਟੀ ਥਾਣਾ ਸਦਰ, ਖੰਨਾ ਬਾ-ਸਿਲਸਿਲਾ ਇਲਾਕਾ ਗਸਤ, ਬਾ-ਚੈਕਿੰਗ ਸ਼ੱਕੀ ਪੁਰਸ਼ਾਂ ਦੇ ਸਬੰਧ ਵਿੱਚ ਬੀਜਾ ਚੌਕ ਵਿਖੇ ਮੌਜੂਦ ਸੀ, ਤਾਂ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਵਿਸ਼ਾਲ ਸਿੰਘ ਪੁੱਤਰ ਅਮਰੀਕ ਸਿੰਘ ਅਤੇ ਸ਼ਮਸ਼ਾਦ ਮੁਹੰਮਦ ਉਰਫ ਮੰਗੂ ਪੁੱਤਰ ਰਮਜਾਨ ਖਾਨ ਵਾਸੀਆਨ ਪਿੰਡ ਇਕੋਲਾਹਾ, ਥਾਣਾ ਸਦਰ ਖੰਨਾ, ਜਿਲ੍ਹਾ ਲੁਧਿਆਣਾ ਜੋ ਲੰਮੇ ਸਮੇਂ ਤੋਂ ਚੋਰੀ ਦੀਆਂ, ਲੁੱਟਾਂ ਖੋਹਾਂ ਦੀਆਂ ਵਾਰਦਾਤਾਂ ਕਰਦੇ ਆ ਰਹੇ ਹਨ। ਜਿਨਾਂ ਪਾਸ ਮਾਰੂ ਹਥਿਆਰ ਵੀ ਹੁੰਦੇ ਹਨ, ਜਿਹਨਾਂ ਨੂੰ ਦਿਖਾ ਕੇ ਡਰਾ ਧਮਕਾ ਕੇ ਭੋਲੇ ਭਾਲੇ ਬਜ਼ੁਰਗਾਂ ਤੇ ਪ੍ਰਵਾਸੀਆ ਤੋਂ ਉਨ੍ਹਾਂ ਦੇ ਸੋਨੇ ਦੇ ਗਹਿਣੇ, ਮੋਬਾਇਲ ਵਗੈਰਾ ਖੋਹ ਲੈਂਦੇ ਹਨ, ਜੋ ਕਿ ਚੋਰੀਆ ਕਰਨ ਅਤੇ ਚੋਰੀਸੁਦਾ ਸਮਾਨ ਵੇਚਣ ਅਤੇ ਨਸ਼ਾ ਕਰਨ ਦੇ ਆਦੀ ਹਨ। ਜਿਹਨਾਂ ਦੇ ਖਿਲਾਫ ਪਹਿਲਾ ਵੀ ਥਾਣਾ ਸਿਟੀ-1 ਖੰਨਾ, ਥਾਣਾ ਸਿਟੀ-2, ਖੰਨਾ ਅਤੇ ਥਾਣਾ ਦੋਰਾਹਾ ਵਿਖੇ ਕਈ ਮੁਕੱਦਮੇ ਦਰਜ ਹਨ। ਜੋ ਚੋਰੀ ਦੀ ਵਾਰਦਾਤ ਨੂੰ ਅੰਜਾਮ ਦੇਣ ਲਈ ਆਪਣੇ ਚੋਰੀਸੁਦਾ ਮੋਟਰਸਾਈਕਲਾਂ ਪਰ ਮੰਜੀ ਸਾਹਿਬ ਤੋ ਖੰਨੇ ਵੱਲ ਜਾ ਰਹੇ ਹਨ। ਜਿਸਤੇ ਤੁਰੰਤ ਕਰਵਾਈ ਕਰਦੇ ਹੋਏ ਪੁਲਿਸ ਪਾਰਟੀ  ਸੂਆ ਪੁਲੀ ਮਡਿਆਲਾ ਕਲਾਂ ਪਰ ਨਾਕਾਬੰਦੀ ਕਰਕੇ ਦੋਸੀਆਂ ਉਕਤਾਨ ਨੂੰ ਕਾਬੂ ਕੀਤਾ ਅਤੇ ਉਹਨਾਂ ਦਾ ਨਾਮ, ਪਤਾ ਪੁੱਛਿਆ ਜਿਹਨਾਂ ਨੇ ਆਪਣਾ ਨਾਮ ਵਿਸ਼ਾਲ ਸਿੰਘ ਪੁੱਤਰ ਅਮਰੀਕ ਸਿੰਘ ਅਤੇ ਸ਼ਮਸ਼ਾਦ ਮੁਹੰਮਦ ਉਰਫ ਮੰਗੂ ਪੁੱਤਰ ਰਮਜਾਨ ਖਾਨ ਵਾਸੀਆਨ ਪਿੰਡ ਇਕੋਲਾਹਾ, ਥਾਣਾ ਸਦਰ ਖੰਨਾ, ਜਿਲ੍ਹਾ ਲੁਧਿਆਣਾ ਦੱਸਿਆ, ਜਿਹਨਾਂ ਪਾਸੋ 02 ਚੋਰੀਸੁਦਾ ਮੋਟਰਸਾਈਕਲ ਅਤੇ ਚੋਰੀ ਦੀਆਂ ਵਾਰਦਾਤਾਂ ਵਿੱਚ ਵਰਤੇ ਔਜਾਰ ਬ੍ਰਾਮਦ ਹੋਏ। ਜਿਸ ਤੇ ਦੋਸ਼ੀਆਂ ਉਕਤਾਨ ਦੇ ਖਿਲਾਫ ਮੁਕੱਦਮਾ ਨੰਬਰ 84  ਅ/ਧ 309(4),61(2),111(2) BNS ਥਾਣਾ ਸਦਰ, ਖੰਨਾ ਵਿੱਚ ਦਰਜ ਰਜਿਸਟਰ ਕਰਕੇ ਹਸਬ ਜਬਤਾ ਅਨੁਸਾਰ ਗ੍ਰਿਫਤਾਰ ਕੀਤਾ ਗਿਆ।

ਦੋਸ਼ੀਆਂ ਪਾਸੋਂ ਪੁੱਛਗਿੱਛ ਪਰ ਇਹ ਗੱਲ ਸਾਹਮਣੇ ਆਈ ਕਿ ਦੋਸ਼ੀਆਂ ਉਕਤਾਨ ਮੁਕੱਦਮਾ ਨੰਬਰ 20 ਮਿਤੀ  ਅ/ਧ 304(2), 317(2) ਬੀਐਨਐਸ, ਥਾਣਾ ਸਿਟੀ-1, ਖੰਨਾ ਨਾਮਜਦ ਵੀ ਸਨ। ਜਿਹਨਾਂ ਨੇ ਆਪਣੇ ਇੱਕ ਸਾਥੀ ਅਰਸ਼ਦੀਪ ਸਿੰਘ ਉਰਫ ਬੱਬੂ ਨਾਲ ਮਿਲਕੇ ਇੱਕ ਬਜੁਰਗ ਅੋਰਤ ਦੀਆਂ ਸੋਨੇ ਦੀਆਂ ਵਾਲੀਆਂ ਦੀ ਲੁੱਟ ਨੂੰ ਅੰਜਾਮ ਦਿੱਤਾ ਸੀ। ਇਸ ਤੋ ਇਲਾਵਾ ਇਹਨਾਂ ਨੇ ਪੁਲਿਸ ਜਿਲ੍ਹਾਂ ਖੰਨਾ ਦੇ ਏਰੀਆ (ਖੰਨਾ, ਦੋਰਾਹਾ, ਸਮਰਾਲਾ) ਅਤੇ ਹੋਰ ਕਈ ਜਿੱਲਿਆਂ ਦੇ ਏਰੀਆਂ (ਮੋਹਾਲੀ, ਚੰਡੀਗੜ੍ਹ, ਫਤਿਹਗੜ੍ਹ ਸਾਹਿਬ, ਅਮਲੋਹ ਅਤੇ ਮੰਡੀ ਗੋਬਿੰਦਗੜ੍ਹ) ਵਿੱਚ ਚੋਰੀਆਂ ਅਤੇ ਲੁੱਟਾਂ ਖੋਹਾਂ ਦੀਆਂ 12 ਤੋ ਵੱਧ ਵਾਰਦਾਤਾਂ ਕੀਤੀਆ ਹਨ। ਇਹਨਾਂ ਵੱਲੋ ਮੋਟਰ ਸਾਇਕਲ ਮਾਰਕਾ ਪਲਸਰ ਰੰਗ ਕਾਲਾ ਬਿਨਾਂ ਨੰਬਰੀ ਚੰਡੀਗੜ੍ਹ ਤੋ ਚੋਰੀ ਕੀਤਾ ਸੀ ਅਤੇ ਮੋਟਰ ਸਾਇਕਲ ਮਾਰਕਾ ਹੀਰੋ ਡੀਲਕਸ ਮੰਡੀ ਗੋਬਿੰਦਗੜ੍ਹ ਤੋਂ ਚੋਰੀ ਕੀਤਾ ਸੀ। ਦੋਸ਼ੀਆਂ ਉਕਤਾਨ ਦਾ ਰਿਮਾਂਡ ਹਾਸਲ ਕਰਕੇ ਹੋਰ ਡੂੰਘਾਈ ਨਾਲ ਪੁੱਛਗਿੱਛ ਕੀਤੀ ਜਾ ਰਹੀ ਹੈ ਅਤੇ ਜਿਸ ਵਿੱਚ ਹੋਰ ਵੀ ਅਹਿਮ ਖੁਲਾਸੇ ਹੋਣ ਦੀ ਸੰਭਾਵਨਾ ਹੈ। ਮਾੜੇ ਅਨਸਰਾਂ ਵਿਰੁੱਧ ਖੰਨਾ ਪੁਲਿਸ ਵੱਲੋਂ ਕਾਰਵਾਈ ਅੱਗੇ ਵੀ ਜਾਰੀ ਰਹੇਗੀ।