ਫੈਕਟਰੀ ਫਲੋਰ ਤੋਂ ਕਿਤਾਬ ਦੇ ਸਫ਼ਿਆਂ ਤੱਕ: ਨੌਜਵਾਨ ਉਦਯੋਗਪਤੀ ਬਰੁਣਪ੍ਰੀਤ ਸਿੰਘ ਆਹੂਜਾ ਬਣੇ ਲੇਖਕ

Sep26,2026 | Jagrati Lahar Bureau | Ludhiana

ਨਿਊ ਸਵਾਨ ਮਲਟੀਟੈਕ ਲਿਮਟਿਡ ਦੇ ਐਗਜ਼ਿਕਿਊਟਿਵ ਡਾਇਰੈਕਟਰ ਬਰੁਣਪ੍ਰੀਤ ਸਿੰਘ ਆਹੂਜਾ ਨੇ ਖੇਤੀਬਾੜੀ ਮਸ਼ੀਨਰੀ ਉਦਯੋਗ ਵਿੱਚ ਆਪਣੇ ਤਜਰਬਿਆਂ ਨੂੰ ਕਿਤਾਬ ਦੇ ਰੂਪ ਵਿੱਚ ਸਾਂਝਾ ਕਰਦਿਆਂ ਲੇਖਨ ਦੇ ਖੇਤਰ ਵਿੱਚ ਕਦਮ ਰੱਖਿਆ ਹੈ। ਉਨ੍ਹਾਂ ਦੀ ਨਵੀਂ ਕਿਤਾਬ ਦਾ ਵਿਮੋਚਨ ਪੰਜਾਬ ਦੇ ਕੈਬਨਿਟ ਮੰਤਰੀ ਤਰੁਣਪ੍ਰੀਤ ਸਿੰਘ ਸੋਂਦ ਵੱਲੋਂ ਕੀਤਾ ਗਿਆ।

ਤੀਜੀ ਪੀੜ੍ਹੀ ਦੇ ਉਦਯੋਗਪਤੀ ਬਰੁਣਪ੍ਰੀਤ ਸਿੰਘ ਆਹੂਜਾ ਦਾ ਪਰਿਵਾਰ ਸਾਲ 1985 ਤੋਂ ਉਦਯੋਗਿਕ ਖੇਤਰ ਨਾਲ ਜੁੜਿਆ ਹੋਇਆ ਹੈ। ਇੰਡਸਟਰੀਅਲ ਇੰਜੀਨੀਅਰਿੰਗ ਦੀ ਪੜ੍ਹਾਈ ਪੂਰੀ ਕਰਨ ਤੋਂ ਬਾਅਦ ਉਹ 2013 ਵਿੱਚ ਪਰਿਵਾਰਕ ਕਾਰੋਬਾਰ ਨਾਲ ਜੁੜੇ ਅਤੇ ਨਿਰਮਾਣ ਕਾਰਜਾਂ ਦੇ ਵਿਸਥਾਰ ਵਿੱਚ ਅਹਿਮ ਭੂਮਿਕਾ ਨਿਭਾਈ।

ਕਿਤਾਬ ਵਿੱਚ ਖੇਤੀਬਾੜੀ ਉਪਕਰਨ ਨਿਰਮਾਤਾਵਾਂ, ਡੀਲਰਾਂ, ਡਿਸਟ੍ਰੀਬਿਊਟਰਾਂ ਅਤੇ ਕਿਸਾਨਾਂ ਵਿਚਕਾਰ ਭਰੋਸੇਮੰਦ ਸਬੰਧਾਂ, ਸਹੀ ਉਤਪਾਦ ਦੀ ਚੋਣ ਅਤੇ ਕਿਸਾਨਾਂ ਨੂੰ ਬਿਹਤਰ ਮਾਰਗਦਰਸ਼ਨ ਦੇਣ ’ਤੇ ਜ਼ੋਰ ਦਿੱਤਾ ਗਿਆ ਹੈ। ਇਸ ਦਾ ਮੁੱਖ ਸੰਦੇਸ਼ ਹੈ ਕਿ ਕਾਰੋਬਾਰੀ ਸਫਲਤਾ ਸਿਰਫ਼ ਮਸ਼ੀਨਾਂ ਵੇਚਣ ਤੱਕ ਸੀਮਿਤ ਨਹੀਂ, ਸਗੋਂ ਗਾਹਕ ਦਾ ਭਰੋਸਾ ਜਿੱਤਣ ਨਾਲ ਵੀ ਜੁੜੀ ਹੈ।

ਇਸ ਮੌਕੇ ਕੈਬਨਿਟ ਮੰਤਰੀ ਤਰੁਣਪ੍ਰੀਤ ਸਿੰਘ ਸੋਂਦ ਨੇ ਉਦਯੋਗਿਕ ਤਜਰਬਿਆਂ ਨੂੰ ਕਿਤਾਬ ਰਾਹੀਂ ਅਗਲੀ ਪੀੜ੍ਹੀ ਤੱਕ ਪਹੁੰਚਾਉਣ ਦੀ ਪਹਿਲ ਦੀ ਸ਼ਲਾਘਾ ਕੀਤੀ। ਕਿਤਾਬ ਰਾਹੀਂ ਬਰੁਣਪ੍ਰੀਤ ਸਿੰਘ ਆਹੂਜਾ ਨੇ ਖੇਤੀਬਾੜੀ ਮਸ਼ੀਨਰੀ ਖੇਤਰ ਨਾਲ ਜੁੜੇ ਉਦਯੋਗਪਤੀਆਂ, ਡੀਲਰਾਂ ਅਤੇ ਨੌਜਵਾਨ ਕਾਰੋਬਾਰੀਆਂ ਲਈ ਗਿਆਨ ਸਾਂਝਾ ਕਰਨ ਅਤੇ ਭਰੋਸੇ ’ਤੇ ਆਧਾਰਿਤ ਕਾਰੋਬਾਰੀ ਸਬੰਧਾਂ ਦਾ ਸੰਦੇਸ਼ ਦਿੱਤਾ ਹੈ।

-barunpreetsinghahuja-newswanmultitech-agriculturalmachinery-punjabindustry-entrepreneurship