ਮੋਹਨਦਾਸ ਕਰਮ ਚੰਦ ਗਾਂਧੀ ਜਿਨਾਂ ਨੇ ਸੰਵਿਧਾਨ ਦਾ ਡਰਾਫਟ ਤਿਆਰ ਕੀਤਾ ਸੀ, ਉਹ ਆਪਣੀ ਕਬਰ ਵਿੱਚ ਸੋਚਦੇ ਹੋਣੇ ਆ ਕਿ ਕਾਂਗਰਸ ਪਾਰਟੀ ਦੇ ਵਿੱਚ ਦਿਨ ਬ ਦਿਨ ਕਿੰਨੀ ਗਿਰਾਵਟ ਆ ਚੁੱਕੀ ਹੈ ਕਿਉਂਕਿ ਆਪਣੇ ਆਪ ਨੂੰ ਸਭ ਤੋਂ ਵੱਡੀ ਅਤੇ ਪੁਰਾਣੀ ਪਾਰਟੀ ਸਮਝਣ ਵਾਲੀ ਕਾਂਗਰਸ ਦੀ ਸਿਆਸੀ ਜਮੀਨ ਪੂਰੀ ਤਰ੍ਹਾਂ ਖਿਸਕ ਚੁੱਕੀ ਹੈ। ਇਹਨਾਂ ਸ਼ਬਦਾਂ ਦਾ ਪ੍ਰਗਟਾਵਾ ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਆਗੂਆਂ ਮਹੇਸ਼ ਇੰਦਰ ਸਿੰਘ ਗਰੇਵਾਲ, ਹਰੀਸ਼ ਰਾਏ ਢਾਂਡਾ, ਜਗਬੀਰ ਸਿੰਘ ਸੋਖੀ ਆਦਿ ਨੇ ਰੱਖੀ ਗਈ ਪ੍ਰੈਸ ਵਾਰਤਾ ਦੌਰਾਨ ਸੰਬੋਧਨ ਕਰਦਿਆਂ ਕੀਤਾ। ਉਨਾਂ ਕਿਹਾ ਕਿ ਹਤਾਸ਼ ਹੋਈ ਕਾਂਗਰਸ ਆਪਣੀ ਖਿਸਕੀ ਹੋਈ ਜਮੀਨ ਨੂੰ ਫਿਰ ਤੋਂ ਵਾਪਸ ਪਾਉਣਾ ਚਾਹੁੰਦੀ ਹੈ।ਜਿਸ ਦੇ ਮੱਦੇ ਨਜ਼ਰ ਉਹ ਇੱਕ ਕਦਮ ਅੱਗੇ ਪੁੱਟਦੇ ਨੇ ਤੇ ਚਾਰ ਕਦਮ ਪਿੱਛੇ ਖਿਸਕ ਜਾਂਦੇ ਨੇ। ਉਹਨਾਂ ਕਿਹਾ ਕਿ ਨਿਆਈ ਯਾਤਰਾ ਦੇ ਮਾਧਿਅਮ ਨਾਲ ਕਾਰਨਾਮੇ ਕਰਦਿਆਂ ਉਹਨਾਂ ਨੇ ਆਪਣੇ ਨਾਰੀ ਨਿਆਏ ਤੇ ਠੇਕੇਦਾਰੀ ਨਿਆ ਨੂੰ ਇੱਕ ਕਰਕੇ ਮਾਰ ਦਿੱਤਾ। ਉਹਨਾਂ ਕਿਹਾ ਕਿ ਕਾਂਗਰਸ ਪਾਰਟੀ ਦੇ ਸਾਬਕਾ ਪ੍ਰਧਾਨ ਸ੍ਰੀ ਰਾਹੁਲ ਗਾਂਧੀ ਨੇ ਆਪਣੀਆਂ ਬਾਹਾਂ ਵਿੱਚ ਬਾਹਾਂ ਫੈਲਾ ਕੇ ਕਿਸ ਤਰਾਂ ਕਲਾਵੇ ਵਿੱਚ ਲੈ ਲਿਆ। ਉਨ੍ਹਾਂ ਕਿਹਾ ਕਿ ਬੈਂਸ ਭਰਾਵਾਂ ਦੀ ਗੱਲ ਕਰੀਏ ਤਾਂ ਉਨ੍ਹਾਂ ਚੋਂ ਇੱਕ ਨੇ ਹੀ ਸਵਿੰਗ ਮਸ਼ੀਨ ਇੰਡਸਟਰੀ ਦਾ ਦਮ ਕੱਢਤਾ ਔਰ ਉਹਨੂੰ ਮਰਨ ਕੰਢੇ ਪਹੁੰਚਾਤਾ। ਜਿਸ ਵਿੱਚ ਇਸ ਨੇ ਸਭ ਗੈਰ ਕਾਨੂੰਨੀ ਢੰਗ ਤੇ ਹੱਥਕੰਡੇ ਅਪਣਾ ਕੇ ਮੋਨੋਪਲੀ ਕ੍ਰੀਏਟ ਕੀਤੀ।ਉਨ੍ਹਾਂ ਕਿਹਾ ਕਿ ਆਪਣਾ ਜੀਵਨ ਇੱਕ ਤਿਣਕੇ ਤੋਂ ਸ਼ੁਰੂ ਕਰਨ ਵਾਲੇ ਬੈਂਸ ਭਰਾਵਾਂ ਕੋਲ ਅੱਜ ਕਰੋੜਾਂ ਅਰਬਾਂ ਰੁਪਏ ਦੀ ਸੰਪੱਤੀ ਹੈ।ਉਹ 12 ਕਿਲੇ ਦੇ ਪੈਲਸ ਵਰਗੇ ਮਕਾਨ ਵਿੱਚ ਰਹਿੰਦਾ ਹੈ ਤੇ ਜਿਸ ਵਿੱਚ ਇੱਕ ਹੈਲੀਪੈਡ ਵੀ ਹੈ। ਉਨਾਂ ਕਿਹਾ ਕਿ ਸਾਨੂੰ ਇਹ ਦੇਖ ਕੇ ਬਹੁਤ ਦੁੱਖ ਹੋਇਆ ਕਿ ਰਾਜਾ ਵੜਿੰਗ ਨੇ ਕਿਸ ਤਰਾਂ ਇੱਕ ਭਗੋੜੇ ਨੂੰ ਕਾਊਂਟਰ ਕਰਨ ਲਈ ਇਲੈਕਸ਼ਨ ਚ ਆਪਦਾ ਨਾਮ ਸਿੱਟਿਆ ਪਰ ਉਹ ਬਹੁਤ ਕਮਜ਼ੋਰ ਹੈ ਲੰਗੜਾ ਹੈ ਔਰ ਸਹਾਰਾ ਲੱਭਣ ਲਈ ਉਹ ਇੰਨਾ ਗਿਰ ਜਾਵੇਗਾ ਇਹ ਦੇਖ ਕੇ ਬਹੁਤ ਦੁੱਖ ਹੋ ਰਿਹਾ ਹੈ । ਉਹਨਾਂ ਕਿਹਾ ਕਿ ਲੰਗੜੀ ਹੋਈ ਕਾਂਗਰਸ ਸਰਕਾਰ ਨੂੰ ਬੈਂਸ ਭਰਾਵਾਂ ਦੀਆਂ ਬੈਸਾਖੀਆਂ ਵੀ ਬਚਾ ਨਹੀਂ ਸਕਣਗੀਆਂ। ਇਸ ਮੌਕੇ ਉਹਨਾਂ ਦੇ ਨਾਲ ਰਜਨੀਸ਼ ਪਾਲ ਸਿੰਘ ਧਾਲੀਵਾਲ, ਗੁਰਮੇਲ ਸਿੰਘ ਅਤੇ ਚੰਦਨ ਰਾਏ ਢਾਂਡਾ ਵੀ ਹਾਜ਼ਰ ਸਨ।
Ranjit-Singh-Dhillon-Ludhiana-Loksabha-Candidate-Sad-
Jagrati Lahar is an English, Hindi and Punjabi language news paper as well as web portal. Since its launch, Jagrati Lahar has created a niche for itself for true and fast reporting among its readers in India.
Gautam Jalandhari (Editor)
RSS FEED