ਪਾਕਿਸਤਾਨੀ ਯੁਵਤੀਆਂ ਦਾ ਭਾਰਤ ਚ ਵਿਆਹ ਕਰਵਾਉਣ ਨੂੰ ਲੈ ਕੇ ਬੇਸੱLਕ ਰੁਝਾਨ ਵਧਿਆ ਹੈ ਪਰ ਭਾਰਤ ਦੇ ਪਾਕਿਸਤਾਨੀ ਨਾਗਰਿਕਾਂ ਨੂੰ ਲੈ ਕੇ ਸਖ਼ਤ ਵੀਜ਼ਾ ਨਿਯਮਾਂ ਦੇ ਕਾਰਨ ਉਨ੍ਹਾਂ ਨੂੰ ਵੀਜ਼ਾ ਲੈਣ ਚ ਕਾਫ਼ੀ ਮੁਸ਼ਕਿਲ ਪੇਸ਼ ਆ ਰਹੀ ਹੈ। ਪਾਕਿਸਤਾਨ ਦੇ ਸ਼ਹਿਰ ਕਰਾਚੀ ਦੀ ਰਹਿਣ ਵਾਲੀ ਸਾਰਾ ਖ਼ਾਨਮ ਪੁੱਤਰੀ ਅਜ਼ਮਤ ਖ਼ਾਂ ਦਾ ਵਿਆਹ ਸਮੀਰ ਖ਼ਾਂ ਵਾਸੀ ਕੋਲਕਾਤਾ ਨਾਲ ਤੈਅ ਹੋਇਆ ਹੈ। ਉਸ ਨੇ ਆਪਣੇ ਪਰਵਾਰ ਨਾਲ ਦੋ ਵਾਰੀ ਭਾਰਤ ਦਾ ਵੀਜ਼ਾ ਅਪਲਾਈ ਕੀਤਾ। ਪਰ ਉਸ ਨੂੰ ਵੀਜ਼ਾ ਨਹੀਂ ਦਿੱਤਾ ਗਿਆ। ਉਸ ਦੇ ਮੰਗੇਤਰ ਸਮੀਰ ਖ਼ਾਂ ਪੁੱਤਰ ਅਹਿਮਦ ਕਮਾਲ ਖ਼ਾਂ ਯੁਸਫ਼ਜ਼ਈ ਨੇ ਇਸ ਪੱਤਰਕਾਰ ਰਾਹੀਂ ਆਪਣੀ ਮੰਗੇਤਰ ਸਾਰਾ ਖ਼ਾਨਮ ਨੂੰ ਭਾਰਤ ਦਾ ਵੀਜ਼ਾ ਦੇਣ ਦੀ ਅਪੀਲ ਭਾਰਤ ਸਰਕਾਰ ਤੋਂ ਕੀਤੀ ਹੈ। ਉਸ ਨੇ ਦੱਸਿਆ ਕਿ ਉਸ ਦੀ ਮੰਗੇਤਰ ਨੇ ਦੋ ਵਾਰੀ ਭਾਰਤ ਦਾ ਵੀਜ਼ਾ ਆਪਣੇ ਪਰਵਾਰ ਸਮੇਤ ਲੈਣ ਲਈ ਆਵੇਦਨ ਕੀਤਾ ਸੀ। ਪਰ ਉਨ੍ਹਾਂ ਨੂੰ ਭਾਰਤ ਦਾ ਵੀਜ਼ਾ ਨਹੀਂ ਦਿੱਤਾ ਜਾ ਰਿਹਾ ਹੈ। ਉਹ ਚਾਹੁੰਦਾ ਹੈ ਕਿ ਉਸ ਦੀ ਮੰਗੇਤਰ ਨੂੰ ਭਾਰਤ ਆਉਣ ਦਾ ਵੀਜ਼ਾ ਦਿੱਤਾ ਜਾਵੇ ਤਾਂ ਕਿ ਉਹ ਆਪਣਾ ਵਿਆਹ ਕਰਵਾ ਕੇ ਘਰ ਵਸਾ ਸਕੇ। ਉਸ ਦੀ ਮੰਗੇਤਰ ਆਪਣੇ ਪਰਵਾਰ ਨਾਲ ਦੋ ਵਾਰੀ ਥਾਈਲੈਂਡ ਮਿਲਣ ਲਈ ਆ ਚੁੱਕੀ ਹੈ। ਉਨ੍ਹਾਂ ਦੀ ਥਾਈਲੈਂਡ ਚ ਮੰਗਣੀ ਵੀ ਹੋ ਚੁੱਕੀ ਹੈ। ਉਨ੍ਹਾਂ ਨੇ ਭਾਰਤ ਮੰਤਰੀ ਨਰਿੰਦਰ ਮੋਦੀ ਅਤੇ ਵਿਦੇਸ਼ ਮੰਤਰੀ ਜੈ ਸ਼ੰਕਰ ਤੋਂ ਅਪੀਲ ਕੀਤੀ ਹੈ ਕਿ ਸਾਰਾ ਨੂੰ ਭਾਰਤ ਦਾ ਵੀਜ਼ਾ ਦਿੱਤਾ ਜਾਵੇ ਤਾਂ ਕਿ ਉਹ ਆਪਣਾ ਘਰ ਵਸਾ ਸਕਣ।
Pakistani-Girl-Indian-Bride-Visa-
Jagrati Lahar is an English, Hindi and Punjabi language news paper as well as web portal. Since its launch, Jagrati Lahar has created a niche for itself for true and fast reporting among its readers in India.
Gautam Jalandhari (Editor)