27ਵੇ ਇੰਡੀਆ ਫੈਸਟ ਦਾ ਆਯੋਜਨ 5 ਅਕਤੂਬਰ ਨੂੰ ਵਿਰਜੀਨੀਆ ਬੀਚ ਕਨਵੈਨਸ਼ਨ ਸੈਟਰ ਵਿਖੇ ਸਵੇਰ 11ਵਜੇ ਤੋਂ ਸ਼ਾਮ 7 ਵਜੇ ਸ਼ਾਮ ਤੱਕ ਹੋਵੇਗਾ ।

Sep23,2024 | Surinder Dhillon | Virginia (usa)

ਚੈਸਪੀਕ ਵਿਰਜੀਨੀਆ ( ਸੁਰਿੰਦਰ ਢਿਲੋ ) ਵਿਰਜੀਨੀਆ ਰਾਜ ਦੇ ਭਾਰਤੀ ਸਮਾਜ ਵੱਲੋਂ ਆਪਣੀ ਸੰਸਕ੍ਰਿਤੀ ਨੂੰ ਅਮਰੀਕੀ ਸਮਾਜ ਦੇ ਸਨਮੁਖ ਪੇਸ਼ ਕੀਤੇ ਜਾਂਦੇ ਸੱਭ ਤੋ ਵੱਡੇ ਫੈਸਟੀਵਲਾਂ ਵਿੱਚੋਂ ਇੱਕ ਹੈ ਇੰਡੀਆ ਫੈਸਟ ਹੈ । ਇਸ 27ਵੇਂ ਇੰਡੀਆ ਫੈਸਟ ਦਾ ਆਯੋਜਨ ਏਸ਼ੀਅਨ ਇੰਡੀਅਨ ਆਫ ਹੈਮਪਨ ਰੋਡਜ ਵੱਲੋਂ 5 ਅਕਤੂਬਰ 2024 ਸ਼ਨੀਵਾਰ ਨੂੰ ਸੇਵੇਰੇ 11 ਵਜੇ ਤੋਂ ਸ਼ਾਮ 7 ਵਜੇ ਤੱਕ ਵਿਰਜੀਨੀਆ ਬੀਚ ਕਨਵੈਨਸ਼ਨ ਸੈਟਰ ਵਿਰਜੀਨੀਆ ਬੀਚ ਵਿਖੇ ਹੋਵੇਗਾ ਇਹ ਜਾਣਕਾਰੀ ਇੰਡੀਆ ਫੈਸਟ ਦੀ ਪ੍ਰਧਾਨ ਭ੍ਰਾਂਤੀ ਪਟੇਲ ਨੇ ਇੱਕ ਵਿਸ਼ੇਸ਼ ਮੁਲਾਕਾਤ ਵਿੱਚ ਸਾਂਝੀ ਕੀਤੀ ।

ਸ੍ਰੀਮਤੀ ਭ੍ਰਾਂਤੀ ਪਟੇਲ ਨੇ ਅੱਗੇ ਦੱਸਿਆ ਕੇ ਇਸ ਫੈਸਟ ਦੀ ਕੋਈ ਦਾਖਲਾ ਫੀਸ ਨਹੀ ਹੈ ਤੇ ਪਾਰਕਿੰਗ ਦੀ ਸਹੂਲਤ ਵੀ ਮੁਫਤ ਹੈ । ਉਨਾਂ ਨੇ ਅੱਗੇ ਦੱਸਿਆ ਕੇ ਇਸ ਫੈਸਟ ਵਿੱਚ ਦਰਸ਼ਕ ਹੱਥਾਂ ਨਾਲ ਬਣੇ ਸ਼ਿਲਪਕਾਰੀ ਅਤੇ ਤੋਹਫ਼ਿਆਂ ਦੇ ਨਾਲ ਵੱਖ-ਵੱਖ ਤਰ੍ਹਾਂ ਦੇ ਭਾਰਤੀ ਰਸੋਈਆਂ ਅਤੇ ਬਾਜ਼ਾਰ ਸਥਾਨਾਂ ਦਾ ਆਨੰਦ ਲੈ ਸਕਦੇ ਹਨ, ਭਾਰਤ ਦੇ ਇਸ ਇੱਕ ਦਿਨ ਦੇ ਦੌਰੇ ਨੂੰ ਨਾ ਭੁੱਲਣਾ । ਇਸ ਫੈਸਟ ਦੇ ਮੁੱਖ ਆਕਰਸ਼ਣ ਬਾਲੀਵੁਡ ਡਾਂਸ,ਯੋਗਾ, ਗਿੱਧਾ,ਭੰਗੜਾ,ਮਹਿੰਦੀ ਦਾ ਸਟਾਲ , ਚੇਹਰੇ ਦੀ ਪੈਟਿੰਗ , ਫੈਸ਼ਨ ਸ਼ੋਅ ਤੇ ਬਿਜਨਿਸ ਨੈਟ ਵਰਕਿੰਗ ਵੀ ਮੁੱਖ ਆਕਰਸ਼ਣ ਦਾ ਕੇਂਦਰ ਹੋਣਗੇ ।

ਇਸ ਸਮੇਂ ਅਮਰੀਕਾ ਦੇ ਰਾਸ਼ਟਰਪਤੀ ਦੀ ਚੋਣ ਦੇ ਨਾਲ ਹੀ ਕੁਝ ਮਧਵਰਤੀ ਚੋਣਾਂ ਵੀ ਨੇੜੇ ਵਾਲੇ ਸਮੇਂ ਵਿਚ ਹੋਣ ਜਾ ਰਹੀਆਂ ਹਨ ਤੇ ਇਸ ਕਰਕੇ ਵਿਰਜੀਨੀਆ ਰਾਜ ਦੀਆਂ ਚੋਣਾਂ ਦੇ ਮੱਧੇਨਜਰ ਸਿਆਸੀ ਲੋਕ ਵੀ ਹਾਜ਼ਰੀ ਭਰਨ ਆਉਂਦੇ ਹਨ । ਕੁੱਲ ਮਿਲਾ ਕੇ ਇਹ ਫੈਸਟ ਇੱਕ ਵਾਰ ਫੇਰ ਲੋਕ ਹਿਰਦਿਆਂ ਤੇ ਆਪਣੀ ਅਮਿੱਟ ਛਾਪ ਜ਼ਰੂਰ ਛੱਡੇਗਾ ਅਜਿਹਾ ਸ੍ਰੀਮਤੀ ਪਟੇਲ ਦਾ ਕਹਿਣਾ ਹੈ ।

27th-India-Fest-Virginia-Usa-Beach-Convention-Center-Indian-Food-India-Art-Indian-Culture-