ਅੱਜ ਡਾ. ਕੋਟਨੀਸ ਐਕਿਊਪੰਕਚਰ ਹਸਪਤਾਲ, ਸੇਲਮ ਟਾਬਰੀ ਵਲੋਂ, ਚੀਨ ਦੇ ਦੂਤਾਵਾਸ ਨਵੀਂ ਦਿੱਲੀ ਦੇ ਸਹਿਯੋਗ ਨਾਲ, ਚੀਨ ਵਿੱਚ ਭਾਰਤੀ ਮੈਡੀਕਲ ਮਿਸ਼ਨ (1938-1942) ਦੀ 87ਵੀਂ ਵਰ੍ਹੇਗੰਢ ਅਤੇ ਡਾ. ਕੋਟਨੀਸ ਐਕਿਊਪੰਕਚਰ ਹਸਪਤਾਲ ਸੇਲਮ ਟਾਬਰੀ ਦੀ 50ਵੀਂ ਵਰ੍ਹੇਗੰਢ ਦੇ ਮੌਕੇ 'ਤੇ ਪੰਜਾਬ ਐਗਰੀਕਲਚਰ ਯੂਨੀਵਰਸਿਟੀ, ਲੁਧਿਆਣਾ ਵਿੱਚ ਹੋ ਰਹੇ ਕਿਸਾਨ ਮੇਲੇ–2025 ਦੌਰਾਨ ਦੋ ਰੋਜ਼ਾ ਮੁਫ਼ਤ ਐਕਿਊਪੰਕਚਰ ਮੈਡੀਕਲ ਕੈਂਪ ਲਗਾਇਆ ਗਿਆ।
ਇਸ ਕੈਂਪ ਦਾ ਮੁੱਖ ਉਦੇਸ਼ ਪੰਜਾਬ ਦੇ ਲੋਕਾਂ, ਜੋ ਇਸ ਵੇਲੇ ਬਾਢ਼ ਦੀ ਮਾਰ ਨਾਲ ਜੂਝ ਰਹੇ ਹਨ, ਨੂੰ ਮੁਫ਼ਤ ਐਕਿਊਪੰਕਚਰ ਇਲਾਜ ਮੁਹੱਈਆ ਕਰਵਾਉਣਾ ਅਤੇ ਭਾਰਤ ਵਿੱਚ ਐਕਿਊਪੰਕਚਰ ਥੈਰੇਪੀ ਨੂੰ ਉਤਸ਼ਾਹਿਤ ਕਰਨਾ ਸੀ।
ਇਸ ਕੈਂਪ ਵਿੱਚ ਡਾ. ਕੋਟਨੀਸ ਹਸਪਤਾਲ ਦੇ ਡਾਇਰੈਕਟਰ ਡਾ. ਇੰਦਰਜੀਤ ਸਿੰਘ ਅਤੇ ਉਨ੍ਹਾਂ ਦੀ ਟੀਮ, ਜਿਸ ਵਿੱਚ ਡਾ. ਬਲਜਿੰਦਰ ਸਿੰਘ ਢਿੱਲੋਂ, ਡਾ. ਰਘੁਵੀਰ ਸਿੰਘ, ਡਾ. ਗੌਰਵ, ਡਾ. ਮਨਪ੍ਰੀਤ ਸਿੰਘ, ਡਾ. ਸੰਦੀਪ (ਪੰਚਕੂਲਾ) ਆਦਿ ਸ਼ਾਮਲ ਸਨ, ਵਲੋਂ ਮੁਫ਼ਤ ਸੇਵਾਵਾਂ ਦਿੱਤੀਆਂ ਗਈਆਂ।
ਕੈਂਪ ਦਾ ਉਦਘਾਟਨ D.I.G. ਗੁਰਪ੍ਰੀਤ ਸਿੰਘ ਤੂਰ ਅਤੇ S.P. ਪੀਰਸੀਪਾਲ ਸਿੰਘ (ਬਟਾਲਾ) ਵਲੋਂ ਕੀਤਾ ਗਿਆ। ਇਸ ਮੌਕੇ ਭਾਈ ਕਨਹੱਈਆ ਜੀ ਮਿਸ਼ਨ ਸੇਵਾ ਸੋਸਾਇਟੀ ਦੇ ਸ. ਚਰਨਜੀਤ ਸਿੰਘ ਨਿਮਾਣਾ ਵਲੋਂ ਵੀ ਇੱਕ ਮੁਫ਼ਤ ਰਕਤਦਾਨ ਕੈਂਪ ਲਗਾਇਆ ਗਿਆ।
ਇਸ ਮੈਡੀਕਲ ਕੈਂਪ ਵਿੱਚ ਸ. ਜਸਵੰਤ ਸਿੰਘ ਛਾਪਾ (ਪ੍ਰਧਾਨ, ਸਰਬੱਤ ਦਾ ਭਲਾ ਚੈਰੀਟੇਬਲ ਟਰਸਟ, ਲੁਧਿਆਣਾ), ਸ. ਇਕਬਾਲ ਸਿੰਘ ਗਿੱਲ (I.P.S), ਅਤੇ ਸ. ਹਰਿੰਦਰਪਾਲ ਸਿੰਘ (ਲਾਲੀ) ਵਲੋਂ ਖਾਸ ਤੌਰ 'ਤੇ ਸਹਿਯੋਗ ਦਿੱਤਾ ਗਿਆ।
ਇਸ ਕੈਂਪ ਵਿੱਚ ਲਗਭਗ 520 ਤੋਂ ਵੱਧ ਮਰੀਜ਼ਾਂ ਦਾ ਐਕਿਊਪੰਕਚਰ ਥੈਰੇਪੀ ਰਾਹੀਂ ਇਲਾਜ ਕੀਤਾ ਗਿਆ, ਜੋ ਕਿ ਲੰਬ ਦਰਦ, ਗੱਠਿਆਂ ਦੇ ਦਰਦ, ਸਪਾਂਡਿਲਾਈਟਿਸ, ਸਾਇਟੀਕਾ, ਮਾਈਗ੍ਰੇਨ, ਘੁਟਨਿਆਂ ਦਾ ਦਰਦ, ਮਾਨਸਿਕ ਤਣਾਅ, ਡਿਪਰੈਸ਼ਨ ਆਦਿ ਰੋਗਾਂ ਨਾਲ ਪੀੜਤ ਸਨ।
ਇਸ ਮੌਕੇ 'ਤੇ ਡਾ. ਇੰਦਰਜੀਤ ਸਿੰਘ ਨੇ ਕਿਹਾ ਕਿ ਖੇਤੀ ਅਤੇ ਕਿਸਾਨ ਦੇਸ਼ ਦੀ ਰੀੜ੍ਹ ਦੀ ਹੱਡੀ ਹਨ ਅਤੇ ਦੇਸ਼ ਦੀ ਖੁਸ਼ਹਾਲੀ ਲਈ ਕਿਸਾਨਾਂ ਦਾ ਸਿਹਤਮੰਦ ਹੋਣਾ ਬਹੁਤ ਜ਼ਰੂਰੀ ਹੈ, ਜਿਸ ਵਿੱਚ ਐਕਿਊਪੰਕਚਰ ਥੈਰੇਪੀ ਖਾਸ ਭੂਮਿਕਾ ਅਦਾ ਕਰ ਸਕਦੀ ਹੈ। ਉਨ੍ਹਾਂ ਨੇ ਦੱਸਿਆ ਕਿ ਇਹ ਇਕ ਦਵਾਈ ਰਹਿਤ ਇਲਾਜ ਹੈ, ਜਿਸ ਦੀ ਲਾਗਤ ਆਧੁਨਿਕ ਇਲਾਜ ਦੇ ਮੁਕਾਬਲੇ ਕਈ ਗੁਣਾ ਘੱਟ ਹੈ।
ਉਨ੍ਹਾਂ ਨੇ ਇਹ ਵੀ ਦੱਸਿਆ ਕਿ ਅਗਲੇ 2 ਮਹੀਨੇ ਵਿੱਚ ਇਸ ਤਰ੍ਹਾਂ ਦੇ ਕੈਂਪ ਭਾਰਤ ਭਰ ਵਿੱਚ ਲਗਾਏ ਜਾਣਗੇ ਤਾਂ ਜੋ ਹੋਰ ਲੋਕ ਵੀ ਐਕਿਊਪੰਕਚਰ ਥੈਰੇਪੀ ਦਾ ਲਾਭ ਲੈ ਸਕਣ।
ਇਸ ਮੌਕੇ ਦਿਨੇਸ਼ ਰਾਠੌਰ, ਰੇਸ਼ਮ ਸਿੰਘ ਨਤ, ਤਰਸੇਮ ਲਾਲ, ਗਗਨ ਭਾਟੀਆ, ਮਨੀਸ਼ਾ, ਮਹੇਸ਼, ਵੈਸ਼ਾਲੀ, ਰਿਤੂ, ਮੀਨੂ, ਪ੍ਰਵੇਸ਼, ਅਮਨ, ਰਾਜਨ, ਸੁਰਜੀਤ ਕੌਰ, ਮਨਪ੍ਰੀਤ, ਭੂਪਿੰਦਰ ਕੌਰ, ਅਨੰਤ ਸਿੰਘ ਗਿੱਲ, ਕਮਲ ਵਾਲੀਆ ਆਦਿ ਨੇ ਖਾਸ ਤੌਰ 'ਤੇ ਆਪਣੀਆਂ ਸੇਵਾਵਾਂ ਦਿੱਤੀਆਂ।
Powered by Froala Editor
Two-day-Free-Acupuncture-Medical-Camp-Organized-At-Kisan-Mela-2025
Jagrati Lahar is an English, Hindi and Punjabi language news paper as well as web portal. Since its launch, Jagrati Lahar has created a niche for itself for true and fast reporting among its readers in India.
Gautam Jalandhari (Editor)
RSS FEED