ਫਿਰੋਤੀਆਂ ਮੰਗਣ ਵਾਲੇ ਗਰੋਹ ਦਾ ਪਰਦਾਫਾਸ: ਥਾਣਾ ਜੰਡਿਆਲਾ ਗੁਰੂ ਪੁਲਿਸ ਵੱਲੋ ਇੱਕ ਦੋਸੀ ਕਾਬੂ

ਜੰਡਿਆਲਾ ਗੁਰੂ 25 ਜੁਲਾਈ ( ਵਰੁਣ ਸੋਨੀ) ਅੰਮ੍ਰਿਤਸਰ ਦਿਹਾਤੀ ਪੁਲਿਸ ਵਲੋਂ ਕਸਬਾ ਜੰਡਿਆਲਾ ਗੁਰੂ ਵਿੱਚ ਕਾਰੋਬਾਰੀਆਂ ਨੂੰ ਡਰਾ ਧਮਕਾ ਕੇ ਫਿਰੋਤੀਆਂ ਮੰਗਣ ਵਾਲੇ ਗਿਰੋਹ ਦਾ ਪਰਦਾਫਾਸ ਕੀਤਾ ਗਿਆ ਹੈ ਤੇ ਇੱਕ ਦੋਸੀ ਨੂੰ ਗ੍ਰਿਫਤਾਰ ਕਰਨ ਵਿਚ ਸਫਲਤਾ ਹਾਸਲ ਕੀਤੀ ਗਈ ਹੈ। ਪਿਛਲੇ ਦਿਨਾ ਵਿੱਚ ਕਸਬਾ ਜੰਡਿਆਲਾ ਦੇ ਕੁਝ ਕਾਰੋਬਾਰੀ ਵਿਅਕਤੀਆ ਨੂੰ ਵਿਦੇਸੀ ਨੰਬਰਾ ਤੋ ਵਟਸਐਪ ਕਾਲ ਰਾਹੀ ਫਿਰੋਤੀਆ ਮੰਗੀਆ ਗਈਆ ਸਨ ਅਤੇ ਇਹਨਾ ਵੱਲੋ ਫਿਰੋਤੀ ਨਾ ਦੇਣ ਦੀ ਸੂਰਤ ਵਿੱਚ ਮਾਰ ਦੇਣ ਦੀਆ ਧਮਕੀਆ ਦਿੱਤੀਆ ਗਈਆ ਸਨ ਅਤੇ ਉਹਨਾ ਦੇ ਘਰਾ ਤੇ ਨਜਾਇਜ ਹਥਿਆਰਾ ਨਾਲ ਫਾਇਰਿੰਗ ਕੀਤੀ ਗਈ ਸੀ। ਜਿਸ ਦੇ ਸਬੰਧ ਵਿੱਚ ਥਾਣਾ ਜੰਡਿਆਲਾ ਵਿੱਚ ਮੁਕਦਮਾ ਨੰਬਰ 170 ਮਿਤੀ 5-7-2024 ਜੁਰਮ 308(4),62,351-ਬੀ.ਐੱਨ.ਐੱਸ ਅਸਲਾ ਐਕਟ ਅਤੇ ਮੁਕਦਮਾ ਨੰਬਰ 179 ਮਿਤੀ 13-7-2024 ਜੁਰਮ 308(4),62,351-ਬੀ.ਐੱਨ.ਐੱਸ ਅਸਲਾ ਐਕਟ ਦਰਜ ਕੀਤੇ ਗਏ।ਜਿਸ ਦੇ ਸਬੰਧ ਵਿੱਚ ਸ੍ਰੀ ਸਤਿੰਦਰ ਸਿੰਘ ਆਈ.ਪੀ.ਐੱਸ. ਮਾਨਯੋਗ ਐੱਸ.ਐੱਸ.ਪੀ. ਸਾਹਿਬ ਅੰਮ੍ਰਿਤਸਰ ਦਿਹਾਤੀ ਜੀ ਮਿਲੀਆ ਹਦਾਇਤਾ ਤੇ ਉਪ ਕਪਤਾਨ ਪੁਲਿਸ ਜੰਡਿਆਲਾ ਗੁਰੂ ਅਤੇ ਮੁੱਖ ਅਫਸਰ ਥਾਣਾ ਜੰਡਿਆਲਾ ਵੱਲੋਂ ਮਾਮਲੇ ਨੂੰ ਗੰਭੀਰਤਾ ਲੈਂਦੇ ਹੋਏ ਹਿਊਮਨ ਇੰਨਟੈਲੀਜੈਂਸੀ ਨਾਲ ਮਿਲ ਕੇ ਵਾਰਦਾਤ ਕਰਨ ਵਾਲੇ ਦੋਸੀਆ ਨੂੰ ਟ੍ਰੇਸ ਕੀਤਾ ਗਿਆ ਹੈ ਤੇ ਦੋਸੀ ਅਮਰਦੀਪ ਸਿੰਘ ਪੁੱਤਰ ਮੁਖਤਾਰ ਸਿੰਘ ਵਾਸੀ ਮੇਹਰਬਾਨਪੁਰਾ ਥਾਣਾ ਜੰਡਿਆਲਾ ਗੁਰੂ ਨੂੰ ਗ੍ਰਿਫਤਾਰ ਕੀਤਾ ਅਤੇ ਮੁਕਦਮਾ ਦੀ ਤਫਤੀਸ ਦੌਰਾਨ ਦੋਸੀ ਪਾਸੋ ਇੱਕ ਪਿਸਟਲ 30 ਬੋਰ ਅਤੇ ਪੰਜ ਰੋਂਦ ਜਿੰਦਾ ਬ੍ਰਾਮਦ ਕੀਤੇ ਗਏ ਹਨ। ਜੋ ਦੌਰਾਨੇ ਪੁੱਛ- ਗਿੱਛ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਸਰਵਨ ਸਿੰਘ ਉਰਫ ਭੋਲਾ ਵਾਸੀ ਹਵੇਲੀਆਂ ਅਤੇ ਮਾਨ ਸਿੰਘ ਉਰਫ ਮਾਨਾ ਵਾਸੀ ਮੇਹਰਬਾਨਪੁਰਾ ਥਾਣਾ ਜੰਡਿਆਲਾ ਗੁਰੂ ਵਿਦੇਸ ਤੋ ਆਪਣੇ ਹੋਰ ਸਾਥੀਆ ਜਿੰਨਾ ਵਿੱਚ ਇਕਬਾਲ ਸਿੰਘ ਉਰਫ ਰਾਜਾ ਪੁੱਤਰ ਸਮਸੇਰ ਸਿੰਘ,ਕਾਹਨ ਸਿੰਘ ਉਰਫ ਕਾਨ੍ਹਾ ਪੁੱਤਰ ਜਗੀਰ ਸਿੰਘ, ਅਕਾਸਦੀਪ ਸਿੰਘ ਉਰਫ ਕੁੱਜਾ ਪੁੱਤਰ ਹੀਰਾ ਸਿੰਘ ਸਾਰੇ ਹੀ ਵਾਸੀਆਨ ਪਿੰਡ ਮੇਹਰਬਾਨਪੁਰਾ ਨਾਲ ਮਿਲ ਕੇ ਇਹ ਗੈਂਗ ਚਲਾ ਰਹੇ ਹਨ ਤੇ ਕਾਰੋਬਾਰੀ ਲੋਕਾ ਨੂੰ ਡਰਾ ਧਮਕਾ ਕੇ ਉਹਨਾ ਪਾਸੋ ਫਿਰੋਤੀ ਵਸੂਲਦੇ ਹਨ। ਜੋ ਇਹਨਾ ਦੇ ਕਹਿਣ ਤੇ ਹੀ ਦੋਸੀਆ ਨੇ ਫਾਰਿੰਗ ਕੀਤੀ ਹੈ। ਤਫਤੀਸ ਦੇ ਦੌਰਾਨ ਇਹ ਗੱਲ ਸਹਮਣੇ ਆਈ ਹੈ ਕਿ ਸਰਵਨ ਸਿੰਘ ਉਰਫ ਭੋਲਾ ਜੋ ਇਸ ਸਮੇਂ ਬਾਹਰ ਵਿਦੇਸ ਵਿੱਚ ਹੈ ਦੇ ਵੱਲੋ ਜੋ ਪੈਸੇ ਇਹਨਾ ਨੂੰ ਦਿੱਤੇ ਹਨ ਉਹ ਪੈਸੇ ਇਹਨਾ ਵੱਲੋਂ ਆਪਣੇ ਪਰਿਵਾਰਿਕ ਮੈਂਬਰਾ ਅਤੇ ਰਿਸਤੇਦਾਰਾ ਨੂੰ ਵੀ ਦਿੱਤੇ ਗਏ ਹਨ ਹੈ।ਇਸ ਤੋਂ ਇਲਾਵਾ ਮੁਕਦਮਾ ਵਿੱਚ ਨਾਮਜਦ ਦੋਸੀ ਅਕਾਸਦੀਪ ਸਿੰਘ ਉਰਫ ਕੁੱਜਾ ਪੁੱਤਰ ਹੀਰਾ ਸਿੰਘ ਜੋ ਇਸ ਸਮੇ ਥਾਣਾ ਬਿਆਸ ਦੇ ਮੁਕਦਮਾ ਵਿੱਚ ਕੇਦਰੀ ਸੁਧਾਰ ਘਰ ਅੰਮ੍ਰਿਤਸਰ ਵਿੱਚ ਬੰਦ ਨੂੰ ਮੁਕਦਮਾ ਵਿੱਚ ਪ੍ਰੋਡੰਕਸ਼ਨ ਵਰੰਟ ਵਿੱਚ ਲਿਆ ਕੇ ਡੂੰਘਾਈ ਨਾਲ ਪੁੱਛ ਗਿੱਛ ਕੀਤੀ ਜਾਵੇਗੀ।