ਸਿਆਮ ਨੇ ਵੀ ਮੰਨਿਆ, ਈ-20 ਵਿੱਚ ਜ਼ਿਆਦਾ ਕਲੋਰਾਈਡ ਅਤੇ ਨਮੀ ਕਾਰਨ ਖਰਾਬ ਹੋ ਰਹੀਆਂ ਹਨ ਗੱਡੀਆਂ- ਕੇਜਰੀਵਾਲ

Aug5,2026 | Jagrati Lahar Bureau | New Delhi

*ਮੋਦੀ ਸਰਕਾਰ ਨੂੰ ਦੱਸਣਾ ਚਾਹੀਦਾ ਹੈ, ਸਿਆਮ 'ਤੇ ਦਬਾਅ ਪਾ ਕੇ ਉਸਦੀ ਰਿਪੋਰਟ ਵਾਪਸ ਕਿਉਂ ਕਰਵਾਈ- ਕੇਜਰੀਵਾਲ*

*ਸਿਆਮ ਨੇ 28 ਜੁਲਾਈ ਨੂੰ ਸਰਕਾਰ ਨੂੰ ਰਿਪੋਰਟ ਸੌਂਪੀ ਸੀ ਅਤੇ 4 ਅਗਸਤ ਨੂੰ ਜ਼ਬਰਦਸਤੀ ਵਾਪਸ ਕਰਵਾ ਦਿੱਤੀ- ਕੇਜਰੀਵਾਲ*

*ਜਦੋਂ ਵਿਗਿਆਨ ਅਤੇ ਇੰਜੀਨੀਅਰਿੰਗ ਈ-20 ਨੂੰ ਖਰਾਬ ਦੱਸ ਰਹੇ ਹਨ, ਤਾਂ ਮੋਦੀ ਸਰਕਾਰ ਇਸਨੂੰ ਜ਼ਬਰਦਸਤੀ ਕਿਉਂ ਠੋਸ ਰਹੀ ਹੈ?- ਕੇਜਰੀਵਾਲ*

ਨਵੀਂ ਦਿੱਲੀ, 5 ਅਗਸਤ

ਆਮ ਆਦਮੀ ਪਾਰਟੀ ਦੇ ਰਾਸ਼ਟਰੀ ਕਨਵੀਨਰ ਅਰਵਿੰਦ ਕੇਜਰੀਵਾਲ ਨੇ ਈ-20 ਨੂੰ ਲੈ ਕੇ ਸਿਆਮ ਦੀ ਸੌਂਪੀ ਗਈ ਰਿਪੋਰਟ ਨੂੰ ਵਾਪਸ ਕਰਵਾਉਣ 'ਤੇ ਕੇਂਦਰ ਦੀ ਮੋਦੀ ਸਰਕਾਰ ਨੂੰ ਹੱਥੀਂ ਲਿਆ ਹੈ। ਉਹਨਾਂ ਨੇ ਸੋਸ਼ਲ ਮੀਡੀਆ ਐਕਸ 'ਤੇ ਕਿਹਾ ਕਿ ਸਿਆਮ (ਸੋਸਾਇਟੀ ਆਫ ਇੰਡੀਆ ਆਟੋਮੋਬਾਈਲ ਮੈਨੂਫੈਕਚਰਰਜ਼) ਦੀ ਇੱਕ ਰਿਪੋਰਟ ਆਈ ਹੈ, ਜਿਸ ਵਿੱਚ ਸਾਫ਼ ਲਿਖਿਆ ਹੈ ਕਿ ਈ-20 ਵਿੱਚ ਬਹੁਤ ਜ਼ਿਆਦਾ ਕਲੋਰਾਈਡ ਅਤੇ ਨਮੀ ਹੈ, ਜਿਸ ਨਾਲ ਤੁਹਾਡੀਆਂ ਗੱਡੀਆਂ ਖਰਾਬ ਹੋ ਰਹੀਆਂ ਹਨ। ਮੋਦੀ ਸਰਕਾਰ ਨੇ ਸਿਆਮ 'ਤੇ ਦਬਾਅ ਪਾ ਕੇ ਉਹ ਰਿਪੋਰਟ ਵਾਪਸ ਕਰਵਾ ਦਿੱਤੀ। ਕਿਉਂ? ਜਦੋਂ ਵਿਗਿਆਨ ਅਤੇ ਇੰਜੀਨੀਅਰਿੰਗ ਕਹਿ ਰਹੇ ਹਨ ਕਿ ਈ-20 ਖਰਾਬ ਹੈ, ਤਾਂ ਮੋਦੀ ਸਰਕਾਰ ਇਸਨੂੰ ਦੇਸ਼ 'ਤੇ ਜ਼ਬਰਦਸਤੀ ਕਿਉਂ ਠੋਸ ਰਹੀ ਹੈ?

ਅਰਵਿੰਦ ਕੇਜਰੀਵਾਲ ਨੇ ਕਿਹਾ ਕਿ ਈ-20 ਨੂੰ ਲੈ ਕੇ ਸਿਆਮ ਦੀ ਇਹ ਰਿਪੋਰਟ ਹੈਰਾਨ ਕਰਨ ਵਾਲੀ ਹੈ। ਸਿਆਮ ਨੇ ਰਿਸਰਚ ਕੀਤੀ ਅਤੇ ਆਟੋਮੋਬਾਈਲ ਦੇ ਸਾਰੇ ਮੈਨੂਫੈਕਚਰਰਜ਼ ਨੇ ਮਿਲ ਕੇ ਇਹ ਪਾਇਆ ਕਿ ਕਲੋਰਾਈਡ ਅਤੇ ਮੋਇਸਚਰ ਜ਼ਿਆਦਾ ਹੋਣ ਦੀ ਵਜ੍ਹਾ ਨਾਲ ਈ-20 ਗੱਡੀਆਂ ਨੂੰ ਖਰਾਬ ਕਰ ਰਿਹਾ ਹੈ। ਸਿਆਮ ਨੇ 28 ਜੁਲਾਈ ਨੂੰ ਮੋਦੀ ਸਰਕਾਰ ਨੂੰ ਇਹ ਰਿਪੋਰਟ ਸੌਂਪੀ ਸੀ। 4 ਅਗਸਤ ਤੱਕ ਕੇਂਦਰ ਸਰਕਾਰ ਨੇ ਸਿਆਮ 'ਤੇ ਜ਼ਬਰਦਸਤੀ ਕਰਕੇ ਉਹ ਰਿਪੋਰਟ ਵਾਪਸ ਕਰਵਾ ਦਿੱਤੀ। ਰਿਪੋਰਟ ਵਾਪਸ ਕਰਨ ਤੋਂ ਬਾਅਦ ਸਿਆਮ ਵੱਲੋਂ ਕਿਹਾ ਗਿਆ ਕਿ ਸ਼ਾਇਦ ਉਹਨਾਂ ਦੀ ਰਿਪੋਰਟ ਵਿੱਚ ਕੁਝ ਗੜਬੜ ਹੈ ਅਤੇ ਕੁਝ ਤੱਥਾਂ ਨੂੰ ਦੁਬਾਰਾ ਚੈੱਕ ਕਰਨ ਦੀ ਲੋੜ ਹੈ। ਇੱਕ ਤਰ੍ਹਾਂ ਨਾਲ ਮੋਦੀ ਸਰਕਾਰ ਜ਼ਬਰਦਸਤੀ ਕਰਕੇ ਪੂਰੇ ਦੇਸ਼ 'ਤੇ ਈ-20 ਠੋਸ ਰਹੀ ਹੈ, ਪਰ ਕਿਉਂ?

Arvind-Kejriwal-Aap-Supremo-