ਪੰਜਾਬੀ ਸਾਹਿਤ ਅਕਾਡਮੀ, ਲੁਧਿਆਣਾ ਵਲੋਂ ਜਗਤ ਪੰਜਾਬੀ ਸਭਾ (ਕੈਨੇਡਾ) ਅਤੇ ਪੰਜਾਬੀ
ਵਿਕਾਸ ਮੰਚ ਯੂ. ਕੇ. ਦੀ ਸਾਂਝੀ ਮਿਲਣੀ ਪੰਜਾਬੀ ਭਵਨ, ਲੁਧਿਆਣਾ ਵਿਖੇ ਹੋਈ ਜਿਸ ਦੀ
ਪ੍ਰਧਾਨਗੀ ਸ. ਅਜੈਬ ਸਿੰਘ ਚੱਠਾ, ਅਕਾਡਮੀ ਦੇ ਜਨਰਲ ਸਕੱਤਰ ਡਾ. ਗੁਲਜ਼ਾਰ ਸਿੰਘ
ਪੰਧੇਰ, ਮੀਤ ਪ੍ਰਧਾਨ ਤ੍ਰੈਲੋਚਨ ਲੋਚੀ ਨੇ ਕੀਤੀ।
ਇਸ ਮੌਕੇ ਜਗਤ ਪੰਜਾਬੀ ਸਭਾ (ਕੈਨੇਡਾ) ਦੇ ਸੰਸਥਾਪਕ ਸ. ਅਜੈਬ ਸਿੰਘ ਚੱਠਾ ਨੇ
ਮਹਾਰਾਜਾ ਰਣਜੀਤ ਸਿੰਘ ਵੇਲੇ ਦੇ ਕਾਇਦੇ ਨੂੰ ਯਾਦ ਕਰਦਾ ਸਭਾ ਵਲੋਂ ਪ੍ਰਕਾਸ਼ਿਤ ‘ਕਾਇਦਾ
ਏ ਨੂਰ’ ਅਤੇ ਪੁਸਤਕ ‘ਨੈਤਿਕਤਾ’ ਪੰਜਾਬੀ ਸਾਹਿਤ ਅਕਾਡਮੀ, ਲੁਧਿਆਣਾ ਦੇ ਜਨਰਲ ਸਕੱਤਰ
ਡਾ. ਗੁਲਜ਼ਾਰ ਸਿੰਘ ਪੰਧੇਰ ਨੂੰ ਭੇਟਾ ਕੀਤੀਆਂ। ਪੰਜਾਬੀ ਵਿਕਾਸ ਮੰਚ ਯੂ.ਕੇ. ਤੋਂ ਸ.
ਸੁਖਬੀਰ ਸਿੰਘ ਮਾਹਲ (ਯੂ.ਕੇ.) ਨੇ ਯੂਨੀਕੋਡ ਪੰਜਾਬੀ ਫ਼ੌਟ ਬਾਰੇ ਵਿਚਾਰ ਚਰਚਾ ਕੀਤੀ।
ਇਸ ਮੌਕੇ ਅਜੈਬ ਸਿੰਘ ਚੱਠਾ ਨੇ ਪੁਸਤਕ ਕਾਇਦੇ ਏ ਨੂਰ ਬਾਰੇ ਬੋਲਦਿਆਂ ਆਖਿਆ ਕਿ ਸ਼ੇਰੇ
ਪੰਜਾਬ ਮਹਾਰਾਜਾ ਰਣਜੀਤ ਸਿੰਘ ਨੇ ਪੰਜਾਬੀ ਨੂੰ ਪੜ੍ਹਾਉਣ ਲਈ ਕਾਇਦੇ ਏ ਨੂਰ ਤਿਆਰ
ਕਰਵਾਇਆ ਸੀ। ਅੱਜ ਵੀ ਪੰਜਾਬੀਆਂ ਨੂੰ ਸਿੱਖਿਅਤ ਕਰਨ ਲਈ ਕਾਇਦੇ ਏ ਨੂਰ ਵਰਗੀ ਕਿਤਾਬ
ਹੋਣੀ ਚਾਹੀਦੀ ਹੈ। ਕਾਇਦੇ ਏ ਨੂਰ 21ਵੀਂ ਸਦੀ ਨੂੰ ਬੁਨਿਆਦੀ ਸਿੱਖਿਆ ਦੇਣ ਲਈ ਛਾਪਿਆ
ਹੈ, ਇਸ ਕਾਇਦੇ ਦੀ ਸਹਾਇਤਾ ਨਾਲ ਚਾਰ ਭਾਸ਼ਾਵਾਂ ਗੁਰਮੁਖੀ, ਸ਼ਾਹਮੁਖੀ, ਹਿੰਦੀ ਅਤੇ
ਅੰਗਰੇਜ਼ੀ ਸਿੱਖੀਆਂ ਜਾ ਸਕਦੀਆਂ ਹਨ। ਡਾ. ਗੁਲਜ਼ਾਰ ਸਿੰਘ ਪੰਧੇਰ ਅਤੇ ਤ੍ਰੈਲੋਚਨ ਲੋਚੀ
ਨੇ ਪੰਜਾਬੀ ਜਗਤ ਸਭਾ ਕੈਨੇਡਾ ਦੇ ਕਾਰਜਾਂ ਦੀ ਸਰਾਹਣਾ ਕੀਤੀ ਤੇੇ ਆਏ ਹੋਏ
ਨੁਮਾਇੰਦਿਆਂ ਦਾ ਧੰਨਵਾਦ ਵੀ ਕੀਤਾ।
ਇਸ ਮੌਕੇ ਜਨਮੇਜਾ ਸਿੰਘ ਜੌਹਲ ਬਲਵਿੰਦਰ ਕੌਰ ਚੱਠਾ, ਸੁਰਿੰਦਰ ਦੀਪ, ਮਨਦੀਪ ਕੌਰ
ਭੰਵਰਾ, ਮਨਪ੍ਰੀਤ ਕੌਰ, ਜਸਵਿੰਦਰ ਕੌਰ ਜੱਸੀ, ਪਰਮਜੀਤ ਕੌਰ ਮਹਿਕ, ਨਰਿੰਦਰ ਕੌਰ, ਦੀਪ
ਲੁਧਿਆਣਵੀ, ਪਰਵਿੰਦਰ ਕੌਰ ਲੋਟੇ ਹਾਜ਼ਰ ਸਨ।
Powered by Froala Editor
Puanjbi-Sahit-Academy-Ludhiana-
Jagrati Lahar is an English, Hindi and Punjabi language news paper as well as web portal. Since its launch, Jagrati Lahar has created a niche for itself for true and fast reporting among its readers in India.
Gautam Jalandhari (Editor)
RSS FEED