ਤਿੰਨ ਪਿੰਡਾਂ ਦੇ ਸਮੂਹ ਨਗਰ ਨਿਵਾਸੀਆਂ ਨੇ ਕੀਤੇ ਆਪਣੇ ਪਿੰਡ ਅਤੇ ਘਰ ਵਿਕਾਊ,ਕਿਹਾ ਨਹੀਂ ਲੱਗਣ ਦਵਾਂਗੇ ਪਿੰਡ ਚ ਫੈਕਟਰੀ

Mar24,2024 | Raviber Singh Dhillon | Samrala (ludhiana)

ਸਮਰਾਲਾ ਦੇ ਨੇੜੇ ਪਿੰਡ ਮੁਸ਼ਕਾਬਾਦ ਦੇ ਵਿੱਚ ਲੱਗ ਰਹੀ ਬਾਇਓ ਗੈਸ ਫੈਕਟਰੀ ਦਾ ਮਾਮਲਾ ਕਰੀਬ ਦੋ ਸਾਲ ਤੋਂ ਸੁਰਖੀਆਂ ਦੇ ਵਿੱਚ ਰਿਹਾ ਹੈ। ਬਹੁਤ ਵਾਰ ਪਿੰਡ ਨਿਵਾਸੀਆਂ ਵੱਲੋਂ ਪ੍ਰਸ਼ਾਸਨ ਅਤੇ ਅਧਿਕਾਰੀਆਂ ਨਾਲ ਗੱਲਬਾਤ ਕਰਨ ਤੋਂ ਬਾਅਦ ਧਰਨਾ ਪ੍ਰਦਰਸ਼ਨ ਵੀ ਕੀਤਾ ਗਿਆ ਪਰ ਕੋਈ ਹੱਲ ਨਹੀਂ ਨਿਕਲਿਆ। ਹੁਣ ਪਿੰਡ ਮੁਸ਼ਕਾਬਾਦ ਅਤੇ ਨਾਲ ਲਗਦੇ ਦੋ ਪਿੰਡ ਟੱਪਰੀਆਂ ਅਤੇ ਖੀਰਨੀਆਂ ਦੇ ਸਮੂਹ ਨਗਰ ਨਿਵਾਸੀਆਂ ਵੱਲੋਂ ਸਾਡੇ ਪਿੰਡ ਵਿਕਾਊ ਹਨ ਸਾਡੇ ਘਰ ਵਿਕਾਊ ਹਨ ਦੇ ਪੋਸਟਰ ਤਿੰਨ ਪਿੰਡਾਂ ਦੇ ਘਰਾਂ ਦੇ ਬਾਹਰ ਅਤੇ ਪਿੰਡ ਦੇ ਹਰ ਕੋਨੇ ਤੇ ਲਗਾਏ ਗਏ ਹਨ।ਪਿੰਡ ਨਿਵਾਸੀਆਂ ਦਾ ਕਹਿਣਾ ਹੈ ਕਿ ਦੋ ਸਾਲ ਤੋਂ ਅਸੀਂ ਆਪਣੇ ਪਿੰਡ ਦੇ ਵਿੱਚ ਲੱਗ ਰਹੀ ਗੈਸ ਫੈਕਟਰੀ ਦਾ ਵਿਰੋਧ ਕਰ ਰਹੇ ਹਾਂ ਅਸੀਂ ਅਨੇਕਾਂ ਬਾਰ ਪ੍ਰਸ਼ਾਸਨ ਅਤੇ ਸਰਕਾਰ ਨਾਲ ਗੱਲਬਾਤ ਕੀਤੀ ,ਸੜਕ ਜਾਮ ਕਰ ਰੋਸ਼ ਪ੍ਰਦਰਸ਼ਨ ਕੀਤੇ ਪਰ ਕਿਸੇ ਨੇ ਕੋਈ ਸਾਡਾ ਹੱਲ ਨਹੀਂ ਕੱਢਿਆ ।ਹੁਣ ਅਸੀਂ ਥੱਕ ਹਾਰ ਕੇ ਆਪਣੇ ਪਿੰਡ ਤੇ ਘਰ ਵਿਕਾਊ ਕਰ ਦਿੱਤੇ ਹਨ ।ਪਿੰਡ ਨਿਵਾਸੀਆਂ ਦਾ ਕਹਿਣਾ ਸੀ ਕਿ ਅਸੀਂ ਇਹ ਪੋਸਟਰ ਇਸ ਕਰਕੇ ਲਗਾਏ ਹਨ ਕਿ ਜੇਕਰ ਇਹ ਫੈਕਟਰੀ ਲੱਗਦੀ ਹੈ ਤਾਂ ਪਿੰਡ ਦੀ ਹਵਾ ਅਤੇ ਪਾਣੀ ਖਰਾਬ ਹੋ ਜਾਵੇਗਾ ਅਤੇ ਮਨੁੱਖੀ ਜੀਵਨ ਲਈ ਨਹੀਂ ਰਹੇਗਾ ਇਸ ਲਈ ਅਸੀਂ ਆਪਣੇ ਘਰ ਵੇਚ ਕੇ ਇਥੋਂ ਚਲੇ ਜਾਵਾਂਗੇ। ਪਿੰਡ ਨਿਵਾਸੀਆਂ ਨੇ ਇਹ ਵੀ ਐਲਾਨ ਕੀਤਾ ਕਿ ਆਉਣ ਵਾਲੀ 28 ਮਾਰਚ ਨੂੰ ਲੁਧਿਆਣਾ ਚੰਡੀਗੜ੍ਹ ਨੈਸ਼ਨਲ ਹਾਈਵੇ ਜਾਮ ਕਰ ਅਣਮਿੱਥੇ ਸਮੇਂ ਲਈ ਆਪਣੀ ਮੰਗਾਂ ਨੂੰ ਪੂਰੀਆਂ ਕਰਵਾਉਣ ਲਈ ਅਸੀਂ ਧਰਨਾ ਲਗਾਵਾਂਗੇ।

Bio-Gasd-Factory-Viligers-Protest-Samrala-Ludhiana-