ਮਹਿਲਾ ਕੋਰੀਅਰ ਵਰਕਰ ’ਤੇ ਹਮਲਾ ਮਾਮਲੇ ਵਿੱਚ ਕਤਿਆਲ ਦੀ ਗ੍ਰਿਫ਼ਤਾਰੀ ’ਚ ਹੁਣ ਤੱਕ ਪੁਲਿਸ ਦੇ ਹੱਥ ਖਾਲੀ

-ਸਥਾਨਕ  ਹੀਰਾ ਬਾਗ ਵਿੱਚ ਪ੍ਰਮੁੱਖ ਹੋਟਲ ਮਾਲਕ ਵੱਲੋਂ ਆਪਣੇ ਘਰ ਦੇ ਬਾਹਰ ਮਹਿਲਾ ਕੋਰੀਅਰ ਵਰਕਰ ਕਰਮਜੀਤ ਕੌਰ ’ਤੇ ਕਥਿਤ ਹਮਲੇ, ਦੁਰਵਿਵਹਾਰ ਅਤੇ ਛੇੜਛਾੜ ਦੇ ਸਬੰਧ ਵਿੱਚ ਕੇਸ ਦਰਜ ਹੋਣ ਤੋਂ ਨੌਂ ਦਿਨ ਬਾਅਦ ਵੀ ਪੁਲਿਸ ਨੇ ਅਜੇ ਤੱਕ ਕੋਈ ਗ੍ਰਿਫ਼ਤਾਰੀ ਨਹੀਂ ਸਕੀ। ਜਦੋਂ ਕਿ ਪੁਲਿਸ ਟੀਮਾਂ ਬਣਾਉਣ ਅਤੇ ਛਾਪੇਮਾਰੀ ਕਰਨ ਦਾ ਦਾਅਵਾ ਕਰਦੀ ਹੈ। ਜਿਸ ਵਿੱਚ ਯਮੁਨਾਨਗਰ, ਹਰਿਆਣਾ ਵਿੱਚ ਦੋਸ਼ੀ ਦੀ ਭੈਣ ਦੇ ਘਰ ਦਾ ਦੌਰਾ ਵੀ ਸ਼ਾਮਲ ਹੈ। ਮਨਮੋਹਨ ਕਤਿਆਲ ਗ੍ਰਿਫ਼ਤਾਰੀ ਤੋਂ ਬਚਣ ਵਿੱਚ ਕਾਮਯਾਬ ਹੋ ਗਿਆ ਹੈ। ਉਹ ਪੁਲਿਸ ਦੇ ਪਹੁੰਚਣ ਤੋਂ ਪਹਿਲਾਂ ਉਸ ਜਗ੍ਹਾ ਤੋਂ ਭੱਜ ਗਿਆ। ਸੂਤਰਾਂ ਅਨੁਸਾਰ, ਪੁਲਿਸ ਦੇਰ ਸ਼ਾਮ ਤੱਕ ਉਸਦੀ ਭਾਲ ਵਿੱਚ ਯਮੁਨਾਨਗਰ ਵਿੱਚ ਰਹੀ ਪਰ ਗ੍ਰਿਫ਼ਤਾਰੀ ਕਰਨ ਵਿੱਚ ਅਸਫਲ ਰਹੀ। ਇਸ ਤੋਂ ਇਲਾਵਾ, ਜਗਰਾਓਂ ਦੇ ਹੀਰਾ ਬਾਗ ਵਿੱਚ ਉਸਦੀ ਰਿਹਾਇਸ਼ ਫਿਲਹਾਲ ਖਾਲੀ ਹੈ।

ਗ੍ਰਿਫ਼ਤਾਰੀ ਨਾ ਹੋਣ ਸਬੰਧੀ ਲੋਕਾਂ ਵਿਚ ਚਰਚਾ-

ਹਾਲਾਂਕਿ ਸਥਾਨਕ ਪੁਲਿਸ ਨੇ ਮਨਮੋਹਨ ਕਤਿਆਲ ਵਿਰੁੱਧ ਮਹਿਲਾ ਨਾਲ ਕੁੱਟਮਾਰ ਕਰਨ ਸੰਬੰਧੀ ਸੋਸ਼੍ਰ ਮੀਡੀਆ ’ਤੇ ਚੱਲ ਰਹੀਅਆੰ ਖਬਰਾਂ ਦਾ ਨੋਟਿਸ ਲੈਂਦਿਆਂ ਮਹਿਲਾ ਕਮਿਸ਼ਨ ਵੱਲੋਂ ਐਸਐਸਪੀ (ਲੁਧਿਆਣਾ ਦਿਹਾਤੀ) ਨੂੰ ਸਖ਼ਤ ਕਾਰਵਾਈ ਕਰਨ ਦੇ ਨਿਰਦੇਸ਼ਾਂ ਤੋਂ ਉਸ਼ਦੇ ਖਿਲਾਫ ਮੁਕਦਮਾ ਦਰਜ ਕੀਤਾ ਗਿਆ। ਬਾਅਦ ਵਿਚ ਪਹਿਲੇ ਦਿਨ ਤੋਂ ਹੀ ਲਗਾਤਾਰ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਪੁਲਿਸ ਅਸਲ ਵਿੱਚ ਉਸਨੂੰ ਗ੍ਰਿਫ਼ਤਾਰ ਨਹੀਂ ਕਰੇਗੀ ਅਤੇ ਇਸ ਦੀ ਬਜਾਏ ਉਸਨੂੰ ਆਪਣਾ ਬਚਾਅ ਕਰਨ ਦਾ ਹਰ ਮੌਕਾ ਪ੍ਰਦਾਨ ਕਰੇਗੀ। ਇਸ ਧਾਰਨਾ ਦਾ ਸਬੂਤ ਇਸ ਤੱਥ ਵਿੱਚ ਹੈ ਕਿ, ਕੇਸ ਦਰਜ ਹੋਣ ਤੋਂ ਬਾਅਦ ਵੀ, ਕਤਿਆਲ ਨੇ ਔਰਤ ਨੂੰ ਗਲਤ ਦਰਸਾਉਣ ਦੀ ਕੋਸ਼ਿਸ਼ ਵਿੱਚ ਆਪਣੇ ਘਰ ਦੇ ਅੰਦਰੋਂ ਸੀਸੀਟੀਵੀ ਫੁਟੇਜ ਸੋਸ਼ਲ ਮੀਡੀਆ ’ਤੇ ਪੋਸਟ ਕੀਤੀ। ਜਦੋਂ ਕਿ ਪੁਲਿਸ ਦਾ ਦਾਅਵਾ ਸੀ ਕਿ ਕਤਿਆਲ ਨੇ ਉਨ੍ਹਾਂ ਨੂੰ ਸੀਸੀਟੀਵੀ ਫੁਟੇਜ ਪ੍ਰਦਾਨ ਨਹੀਂ ਕੀਤੀ ਸੀ। ਇਸ ਤੋਂ ਬਾਅਦ, ਕਤਿਆਲ ਵਲੋਂ ਸੋਸ਼ਲ ਮੀਡੀਆ ’ਤੇ ਸਾਂਝੀ ਕੀਤੀ ਗਈ ਪੋਸਟ ਨੇ ਉਸਨੂੰ ਕਲੀਨ ਚਿੱਟ ਦੇਣ ਦਾ ਰਾਹ ਪੱਧਰਾ ਕਰ ਦੇਣ ਦੀ ਚਰਚਾ ਸ਼ੁਰੂ ਹੋ ਗਈ ਅਤੇ ਪੁਲਿਸ ਕਾਰਵਾਈ ’ਤੇ ਸੋਸ਼ਲ ਮੀਡੀਆ ’ਤੇ ਹੀ ਲੋਕਾਂ ਵਲੋਂ ਸਵਾਲ ਉਠਾਉਣੇ ਸ਼ੁਰੂ ਕਰ ਦਿੱਤੇ ਗਏ। ਪਰ ਉਸਤੋਂ ਅਗਲੇ ਹੀ ਦਿਨ ਲੜਕੀ ’ਤੇ ਹਮਲੇ ਨੂੰ ਦਰਸਾਉਂਦੀ ( ਜਿਸ ਵਿਚ ਮਨਮੋਹਨ ਕਤਿਆਲ ਕੋਰੀਅਰ ਵਾਲੀ ਉਕਤ ਲੜਕੀ ਨੂੰ ਬੁਰੀ ਤਰ੍ਹਾਂ ਨਾਲ ਕੁੱਟ ਰਿਹਾ ਹੈ ਅਤੇ ਉਸਦੇ ਸੁਰਖਿਆ ਗਾਰਡ ਲੜਕੀ ਦੀ ਸਕੂਟਰੀ ਟੁੱਕ ਕੇ ਘਰ ਦੇ ਅੰਦਰ ਕਰਦੇ ਹੋਏ ਦਿਖਾਈ ਦੇ ਰਹੇ ਹਨ ਅਤੇ ਮਨਮੋਹਨ ਕਤਿਆਲ ਦੀ ਪਤਨੀ ਬਾਹਰ ਕੜੀ ਇਹ ਸਭ ਖਾਮੋਸ਼ ਹੋ ਕੇ ਦੇਖ ਰਹੀ ਹੈ ) ਇੱਕ ਹੋਰ ਵੀਡੀਓ ਵਾਇਰਲ ਹੋਣ ਤੋਂ ਅਗਲੇ ਹੀ ਦਿਨ ਮਾਮਲਾ ਫਿਰ ਸੁਰਖੀਆਂ ਵਿੱਚ ਆ ਗਿਆ ਅਤੇ ਮਹਿਲਾ ਕਮਿਸ਼ਨ ਨੇ ਘਟਨਾ ਦਾ ਨੋਟਿਸ ਲਿਆ; ਨਤੀਜੇ ਵਜੋਂ, ਪੁਲਿਸ ਨੇ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰਨ ਲਈ ਛਾਪੇਮਾਰੀ ਸ਼ੁਰੂ ਕਰ ਦਿੱਤੀ ਹੈ। ਭਾਵੇਂ ਕਿ ਉਸਨੂੰ ਕੇਸ ਦਰਜ ਹੋਣ ਤੋਂ ਤੁਰੰਤ ਬਾਅਦ ਆਸਾਨੀ ਨਾਲ ਗ੍ਰਿਫ਼ਤਾਰ ਕੀਤਾ ਜਾ ਸਕਦਾ ਸੀ  ਕਿਉਂਕਿ ਉਸਦਾ ਮੋਬਾਈਲ ਫੋਨ ਚਾਲੂ ਸੀ। ਪੁਲਿਸ ਪੀੜਤ ( ਜਿਸ ’ਤੇ ਲਗਾਤਾਰ ਸਮਝੌਤਾ ਕਰਨ ਲਈ ਦਬਾਅ ਪਾਇਆ ਜਾ ਰਿਹਾ ਹੈ) ਨਾਲ ਸਮਝੌਤਾ ਹੋਣ ਜਾਂ ਦੋਸ਼ੀ ਨੂੰ ਅਦਾਲਤ ਤੋਂ ਅਗਾਊਂ ਜ਼ਮਾਨਤ ਜਾਂ ਹੋਰ ਕਾਨੂੰਨੀ ਰਾਹਤ ਮਿਲਣ ਦੀ ਉਡੀਕ ਕਰ ਰਹੀ ਜਾਪਦੀ ਹੈ।