ਮੋਹਾਲੀ, 21 ਮਈ (ਗੁਰਵਿੰਦਰ ਸਿੰਘ) ਮੋਹਾਲੀ ਦੇ ਫੇਜ਼ 11 ਪੁਲੀਸ ਨੇ ਉਦਯੋਗਿਕ ਖੇਤਰ ਫੇਜ਼ 9 ਵਿੱਚ ਸਥਿਤ ਇੱਕ ਫੈਕਟਰੀ ਦੇ ਤਾਲੇ ਤੋੜ ਕੇ ਚੋਰੀ ਕਰਨ ਵਾਲੇ ਦੋ ਵਿਅਕਤੀਆਂ ਨੂੰ ਕਾਬੂ ਕੀਤਾ ਹੈ।
ਇਸ ਸੰਬੰਧੀ ਜਾਣਕਾਰੀ ਦਿੰਦਿਆਂ ਡੀ ਐਸ ਪੀ ਸਿਟੀ 2 ਸ੍ਰੀ ਹਰਸਿਮਰਨ ਸਿੰਘ ਬੱਲ ਨੇ ਦਸਿਆ ਕਿ ਉਦਯੋਗਿਕ ਖੇਤਰ ਫੇਜ਼ 9 ਦੇ ਪਲਾਟ ਨੰਬਰ 474 ਦੇ ਮਾਲਕ ਹਰਪ੍ਰੀਤ ਸਿੰਘ ਵਲੋਂ ਸ਼ਿਕਾਇਤ ਦਿੱਤੀ ਗਈ ਸੀ ਕਿ ਬੀਤੀ 7-8 ਮਈ ਦੀ ਰਾਤ ਨੂੰ ਕਿਸੇ ਆਟੋ ਵਾਲੇ ਨਾ ਮਾਲੂਮ ਵਿਅਕਤੀਆਂ ਵੱਲ ਉਸ ਦੀ ਫੈਕਟਰੀ ਦੇ ਤਾਲੇ ਤੋੜਕੇ ਫੈਕਟਰੀ ਵਿੱਚ ਇੱਕ ਐਲ ਈ ਡੀ. 2 ਲੈਪਟਾਪ, ਇੱਕ ਕੀਆ ਏ ਕਾਰ ਦੀ ਚਾਬੀ, ਇੰਨਵੈਟਰ ਅਤੇ ਐਕਸਾਈਡ ਦੀ ਬੈਟਰੀ ਅਤੇ ਪਾਣੀ ਵਾਲੀਆਂ ਟੂਟੀਆਂ ਚੋਰੀ ਕਰ ਲਈਆਂ ਹਨ। ਉਹਨਾਂ ਦੱਸਿਆ ਕਿ ਇਸ ਸਬੰਧੀ ਥਾਣਾ ਫੇਜ਼ 11 ਬੀ ਐਨ ਐਸ ਦੀ ਧਾਰਾ 331 (4), 305 ਦੇ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ ਅਤੇ ਥਾਣਾ ਫੇਜ਼ 11 ਦੇ ਮੁਖੀ ਇਸਪੈਕਟਰ ਅਮਨ ਦੀ ਅਗਵਾਈ ਵਿੱਚ ਜਾਂਚ ਦੌਰਾਨ ਪੁਲੀਸ ਨੇ ਮੁੱਖਬਰ ਦੀ ਇਤਲਾਹ ਤੇ ਲੱਲਾ ਰਾਮ ਵਾਸੀ ਪਿੰਡ ਸੋਰਪੁਰ ਜਿਲ੍ਹਾ ਦੇਵਰੀਆ ਯੂ.ਪੀ (ਹਾਲ ਵਾਸੀ ਨੇੜੇ ਕਾਲੀ ਮਾਤਾ ਮੰਦਿਰ ਬਾਬਾ ਦਾ ਵੇਹੜਾ ਜਗਤਪੁਰਾ) ਅਤੇ ਰਮੇਸ਼ ਬਹਾਦਰ ਵਾਸੀ ਗਰਾਮ ਦੇਹਰਨ ਤਹਿਸੀਲ ਡੋਲਪਾ ਥਾਣਾ ਲਿਬਾਰਾ ਜਿਲ੍ਹਾ ਡੋਲਪਾ (ਹਾਲ ਵਾਸੀ ਸੈਕਟਰ 82 ਮੁਹਾਲੀ) ਨੂੰ ਗ੍ਰਿਫਤਾਰ ਕਰਕ ਉਹਨਾਂ ਤੋਂ ਚੋਰੀ ਹੋਇਆ 1 ਲੈਪਟਾਪ (ਮਾਰਕਾ ਐਚ ਪੀ), 1 ਲੈਪਟਾਪ (ਮਾਰਕਾ ਲੈਨੋਵੋ ਬਲੈਕ), 1 ਐਲ ਈ ਡੀ ਵਨ ਪਲੱਸ, ਇੱਕ ਕੀਆ ਕਾਰ ਦੀ ਚਾਬੀ, ਇੱਕ ਛੈਣੀ ਤੇ ਇੱਕ ਹਥੌੜਾ, ਇੱਕ ਆਟੋ ਨੰਬਰ ਪੀ ਬੀ-65 ਏ ਜੈੱਡ 6155 ਬਰਾਮਦ ਕੀਤੇ ਗਏ ਹਨ ਅਤੇ ਮਾਮਲੇ ਵਿੱਚ ਬੀ ਐਨ ਐਸ ਦੀ ਧਾਰਾ 317 (2) ਤਹਿਤ ਜੁਰਮ ਦਾ ਵਾਧਾ ਕੀਤਾ ਗਿਆ ਹੈ। ਮੁਲਜਮਾਂ ਨੂੰ ਗ੍ਰਿਫਤਾਰ ਕਰਨ ਉਪਰੰਤ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕੀਤਾ ਗਿਆ ਹੈ। ਮਾਮਲੇ ਦੀ ਤਫਤੀਸ਼ ਜਾਰੀ ਹੈ।
Powered by Froala Editor
Crime-News-Sas-Nagar-Mohali-Police-Punjab
Jagrati Lahar is an English, Hindi and Punjabi language news paper as well as web portal. Since its launch, Jagrati Lahar has created a niche for itself for true and fast reporting among its readers in India.
Gautam Jalandhari (Editor)
RSS FEED