ਕਣਕ ਦਾ ਬੀਜ਼ ਬਣਾਉਣ ਵਾਲੀਆਂ ਬੀਜ਼ ਫੈਕਟਰੀਆਂ ਵਲੋਂ ਸ਼ਰਕਾਰੀ ਖਜਾਨੇ ਨੂੰ ਲਗਾਇਆ ਜਾ ਰਿਹਾ ਚੂਨਾ

ਬਠਿੰਡਾ 2 ਜੁਲਾਈ(ਪਰਵਿੰਦਰ ਜੀਤ ਸਿੰਘ )ਕਣਕ ਦਾ ਬੀਜ ਤਿਆਰ ਕਰਨ ਵਾਲੀਆਂ ਬੀਜ ਫੈਕਟਰੀਆਂ ਵੱਲੋਂ ਬੀਜ ਤਿਆਰ ਕਰਨ ਦੀ ਆੜ ਹੇਠ ਸਰਕਾਰੀ ਖਜ਼ਾਨੇ ਨੂੰ ਮੋਟਾ ਚੂਨਾ ਲਗਾਇਆ ਜਾ ਰਿਹਾ ਹੈ। ਬੀਜ਼ ਫੈਕਟਰੀਆਂ ਵੱਲੋਂ ਸਰਕਾਰੀ ਖਜ਼ਾਨੇ ਨੂੰ ਲਗਾਏ ਜਾ ਰਹੇ ਚੂਨੇ ਦਾ ਭਾਵੇਂ ਬੀਜ਼ ਫੈਕਟਰੀਆਂ ਨਾਲ ਸਬੰਧਿਤ ਸਰਕਾਰੀ ਅਧਿਕਾਰੀ ਨੂੰ ਸਭ ਕੁਝ ਪਤਾ ਹੈ।ਪ੍ਰੰਤੂ ਇਸਦੇ ਬਾਬਜੂਦ ਖਜ਼ਾਨੇ ਨੂੰ ਲੱਗ ਰਿਹਾ ਚੂਨਾ ਜਾਂ ਤਾਂ ਸਰਕਾਰੀ ਅਧਿਕਾਰੀਆਂ ਦੀ ਲਾਪਰਵਾਹੀ ਜਾਂ ਫਿਰ ਮਿਲੀ ਭੁਗਤ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ| ਜੇਕਰ ਭਰੋਸੇਯੋਗ ਸੂਤਰਾਂ ਦੀ ਗੱਲ ਸੱਚ ਮੰਨ ਲਈ ਜਾਵੇ ਤਾਂ ਕਣਕ ਦਾ ਬੀਜ ਤਿਆਰ ਕਰਨ ਵਾਲੀਆਂ ਫੈਕਟਰੀਆਂ ਕਣਕ ਦਾ ਬੀਜ ਘੱਟ ਤਿਆਰ ਕਰਦੀਆਂ ਹਨ ਅਤੇ ਕਣਕ ਦਾ ਕਾਰੋਬਾਰ ਜਿਆਦਾ ਕਰਦੀਆਂ ਹਨ| ਜਿਸ ਦੇ ਚਲਦੇ ਬੀਜ ਫੈਕਟਰੀਆਂ ਵੱਲੋਂ ਬੀਜ ਘੱਟ ਤਿਆਰ ਕੀਤਾ ਜਾਂਦਾ ਹੈ ਅਤੇ ਕਣਕ ਜਿਆਦਾ ਵੇਚੀ ਜਾਂਦੀ ਹੈ| ਸੂਤਰਾਂ ਨੇ ਇਹ ਵੀ ਜਾਣਕਾਰੀ ਦਿੱਤੀ ਹੈ ਕਿ ਕਣਕ ਦਾ ਬੀਜ ਤਿਆਰ ਕਰਨ ਸਮੇਂ (ਅੰਡਰ ਸਾਇਜ ਕਣਕ )ਜੋ ਕੇ ਬਰੀਕ ਕਣਕ ਨਿਕਲਦੀ ਹੈ ਉਸ ਉੱਪਰ ਵੀ ਮਾਰਕੀਟ ਫੀਸ ਨਹੀਂ ਭਰੀ ਜਾਂਦੀ ਜੋ ਕਿ ਨਿਯਮਾਂ ਦੇ ਮੁਤਾਬਕ ਬੀਜ ਫੈਕਟਰੀਆਂ ਵੱਲੋਂ ਬਾਰੀਕ ਕਣਕ ਜੋ ਬੀਜ਼ ਨਹੀਂ ਹਨ ਤੇ ਮਾਰਕੀਟ ਫੀਸ ਭਰਨੀ ਬਣਦੀ ਹੈ| ਬੀਜ ਫੈਕਟਰੀਆਂ ਵੱਲੋਂ ਕਣਕ ਦਾ ਬੀਜ ਤਿਆਰ ਕਰਨ ਸਮੇਂ ਜੋ ਬਰੀਕ ਕਣਕ (ਕਿਨਕੀ )ਬਚ ਜਾਂਦੀ ਹੈ ਉਸ ਨੂੰ ਬੀਜ ਫੈਕਟਰੀਆਂ ਵੱਲੋਂ ਜਾ ਤਾ ਫਲੋਰ ਮਿੱਲਾਂ ਜਾਂ ਫਿਰ ਵੱਡੀਆਂ ਫੂਡ ਕੰਪਨੀਆਂ ਨੂੰ ਵੇਚ ਦਿੰਦੀ ਹੈ| ਸੂਤਰਾਂ ਨੇ ਇਹ ਵੀ ਦੱਸਿਆ ਹੈ ਕਿ ਕਣਕ ਦੇ ਬੀਜ ਉੱਪਰ ਮਾਰਕੀਟ ਫੀਸ ਨਹੀਂ ਹੈ। ਪ੍ਰੰਤੂ (ਅੰਡਰ ਸਾਈਜ ਕਣਕ )ਕਿਣਕੀ ਉਪਰ ਮਾਰਕੀਟ ਫੀਸ ਭਰੀ ਜਾਣੀ ਬਣਦੀ ਹੈ। ਇੱਥੇ ਇਹ ਵੀ ਦੱਸਣਾ ਬਣਦਾ ਹੈ ਕਿ ਮਾਰਕੀਟ ਕਮੇਟੀ ਵੱਲੋਂ ਮਾਰਕੀਟ ਫੀਸ ਤਾਂ ਕੀ ਭਰਵਾਉਣੀ ਸੀ ਪ੍ਰੰਤੂ ਉਹਨਾਂ ਕੋਲ ਤਾਂ ਬੀਜ ਫੈਕਟਰੀਆਂ ਵੱਲੋਂ ਖਰੀਦ ਕੀਤੀ ਗਈ ਕਣਕ ਦਾ ਅੰਕੜਾ ਵੀ ਨਹੀਂ ਹੈ ਇਸ ਦੀ ਜਾਣਕਾਰੀ ਆਰ ਟੀ ਆਈ ਰਾਹੀਂ ਪ੍ਰਾਪਤ ਕਿੱਤੀ ਗਈ ਹੈ। ਸੂਤਰਾਂ ਦਾ ਇਹ ਵੀ ਕਹਿਣਾ ਹੈ ਕੇ ਜੇ ਕਰ ਮੰਡੀ ਦੀਆ ਬੀਜ਼ ਫੈਕਟਰੀਆਂ ਵਲੋਂ ਪਿੱਛਲੇ 4 -5 ਸਾਲਾਂ ਅੰਦਰ ਖ਼ਰੀਦ ਕਿੱਤੀ ਕਣਕ ਤੇ ਤਿਆਰ ਕਰਕੇ ਵੇਚੇ ਗਏ ਬੀਜ਼ ਦੀ ਸੀ ਬੀ ਆਈ ਜਾ ਕੋਈ ਹੋਰ ਉੱਚ ਏਜੇਂਸੀ ਜਾਂਚ ਕਰੇ ਤਾ ਇਕ ਮੋਟਾ ਘਪਲਾਂ ਸਾਹਮਣੇ ਆਉਣ ਤੋਂ ਇਨਕਾਰ ਨਹੀਂ ਕਿੱਤਾ ਜਾ ਸਕਦਾ ਕਿਉਂ ਕੇ ਬੀਜ਼ ਫੈਕਟਰੀਆਂ ਵਲੋਂ ਬੀਜ਼ ਘੱਟ ਤਿਆਰ ਕਰਕੇ ਵੇਚਿਆਂ ਗਿਆ ਜਦ ਕੇ ਕਣਕ ਦਾ ਕਾਰੋਬਾਰ ਮੋਟੇ ਪੱਧਰ ਤੇ ਕਿੱਤਾ ਗਿਆ ਹੁਣ ਦੇਖਣਾ ਇਹ ਹੈ ਕੇ ਮੰਡੀ ਬੋਰਡ ਦੇ ਉੱਚ ਅਧਿਕਾਰੀ ਬੀਜ਼ ਤਿਆਰ ਕਰਨ ਸਮੇ ਬਾਰੀਕ ਨਿਕਲੀ ਕਣਕ ਤੇ ਮਾਰਕੀਟ ਫੀਸ ਲੈਂਦਾ ਹੈ ਜਾ ਨਹੀਂ ਇਹ ਤਾ ਸਮਾਂ ਹੀ ਦੱਸੇਗਾ ਕਿਓਂਕਿ 100 ਕਵਿੰਟਲ ਕਣਕ ਵਿੱਚੋ ਲੱਗਭਗ 80 ਕਵਿੰਟਲ ਦੇ ਕਰੀਬ ਬੀਜ਼ ਤਿਆਰ ਹੁੰਦਾ ਹੈ