ਦਾਸਤਾਨ ਏ ਸਰਹੰਦ’ ਫਿਲਮ ਦੇ ਖਿਲਾਫ ਗੁਰਸਿੱਖ ਨੌਜਵਾਨਾਂ ਅਤੇ ਬੱਚਿਆਂ ਨੇ ਕੀਤਾ ਸੰਕੇਤਕ ਵਿਰੋਧ ਪ੍ਰਦਰਸ਼ਨ।
Nov21,2022
| Parvinder Jit | Bathinda
ਬਠਿੰਡਾ (ਪਰਵਿੰਦਰ ਜੀਤ ਸਿੰਘ) ਪਿਛਲੇ ਸਮੇਂ ਵਿੱਚ ਸਿੱਖ ਗੁਰੂਆਂ ਅਤੇ ਸਾਹਿਬਜਾਦਿਆਂ ਨਾਲ ਸਬੰਧਿਤ ਐਨੀਮੇਟਡ ਫਿਲਮਾਂ ਬਣਾਉਣ ਦੀ ਸ਼ੁਰੂ ਹੋਈ ਲੜੀ ਤਹਿਤ ਹੁਣ ‘ਦਾਸਤਾਨ ਏ ਸਰਹੰਦ’ ਨਾਮਕ ਫਿਲਮ ਰਿਲੀਜ਼ ਹੋਣ ਤੇ ਫਿਲਮ ਖਿਲਾਫ ਵਿਚਾਰ ਸਭਾ ਲੱਖੀਜੰਗਲ ਨਾਂ ਦੀ ਸੰਸਥਾ ਨਾਲ ਸਬੰਧ ਰੱਖਦੇ ਕੁਝ ਗੁਰਸਿੱਖ ਨੌਜਵਾਨਾਂ ਅਤੇ ਬੱਚਿਆਂ ਨੇ ਨਿਸ਼ਾਨ ਏ ਖਾਲਸਾ ਚੌਂਕ ਵਿੱਚ ਸੰਕੇਤਕ ਵਿਰੋਧ ਪ੍ਰਦਰਸ਼ਨ ਕਰਦਿਆਂ ਅਜਿਹੀਆਂ ਫਿਲਮਾਂ ਬਣਾਉਣ ਤੇ ਪਾਬੰਦੀ ਲਾਉਣ ਦੀ ਮੰਗ ਰੱਖੀ।
ਅੱਜ ਉਕਤ ਨੌਜਵਾਨਾਂ ਅਤੇ ਬੱਚਿਆਂ ਨੇ ਹੱਥਾਂ ਵਿੱਚ ਫਿਲਮ ਵਿਰੋਧੀ ਅਤੇ ਸੰਗਤਾਂ ਨੂੰ ਜਾਗਰੂਕ ਕਰਨ ਵਾਲੇ ਪੋਸਟਰ ਫੜਕੇ ਨਿਸ਼ਾਨ ਏ ਖਾਲਸਾ ਚੌਂਕ ਵਿੱਚ ਦੋ ਘੰਟੇ ਸੰਕੇਤਕ ਵਿਰੋਧ ਪ੍ਰਦਰਸ਼ਨ ਕੀਤਾ।ਗੱਲਬਾਤ ਦੌਰਾਨ ਭਾਈ ਸਵਰਨ ਸਿੰਘ ਨਾਮੀ ਗੁਰਸਿੱਖ ਵਿਅਕਤੀ ਨੇ ਕਿਹਾ ਕਿ ਇੱਕ ਗਿਣੀ ਮਿੱਥੀ ਸਾਜਿਸ਼ ਤਹਿਤ ਗੁਰੂ ਸਾਹਿਬਾਨ ਅਤੇ ਸਾਹਿਬਜ਼ਾਦਿਆਂ ਨਾਲ ਸਬੰਧੀ ਕਾਰਟੂਨ ਕਿਸਮ ਦੀਆਂ ਫਿਲਮਾਂ ਬਣਾ ਕੇ ਸੰਗਤ ਨੂੰ ਜ਼ਜ਼ਬਾਤੀ ਕਰਕੇ ਫਿਲਮਾਂ ਬਣਾਉਣ ਵਾਲੇ ਆਪਣੀਆਂ ਜੇਬਾਂ ਭਰ ਰਹੇ ਹਨ ਜਦੋਂਕਿ ਸੰਗਤ ਨੂੰ ਇਹ ਸਮਝਣਾ ਚਾਹੀਦਾ ਹੈ ਕਿ ਸਾਡਾ ਧਰਮ ਇਸ ਗੱਲ ਦੀ ਇਜ਼ਾਜਤ ਹੀ ਨਹੀ ਦਿੰਦਾ ਕਿ ਗੁਰੂ ਸਾਹਿਬਾਨ ਜਾਂ ਸਾਹਿਬਜ਼ਾਦਿਆਂ ਨੂੰ ਇੱਕ ਕਾਰਟੂਨ ਦੇ ਰੂਪ ਵਿੱਚ ਪੇਸ਼ ਕੀਤਾ ਜਾਵੇ।ਉਨਾਂ ਕਿਹਾ ਕਿ ਅਜਿਹੀਆਂ ਫਿਲਮਾਂ ਰਾਹੀਂ ਸਿੱਖਾਂ ਨੂੰ ਬੁੱਤਪ੍ਰਸਤੀ ਵੱਲ ਲਿਜਾਇਆ ਜਾ ਰਿਹਾ ਹੈ ਕਿਉਂਕਿ ਜੇਕਰ ਅੱਜ ਗੁਰੂ ਸਾਹਿਬਾਨ ਤੇ ਐਨੀਮੇਟਡ ਫਿਲਮਾਂ ਨੂੰ ਸੰਗਤ ਨੇ ਸਵੀਕਾਰ ਕਰ ਲਿਆ ਤਾਂ ਆਉਣ ਵਾਲੇ ਸਮੇਂ ਵਿੱਚ ਫਿਲਮਸਾਜ਼ ਗੁਰੂ ਸਾਹਿਬਾਨ ਜਾਂ ਸਿੱਖ ਯੋਧਿਆਂ ਦੇ ਕਿਰਦਾਰ ਕਿਸੇ ਵਿਅਕਤੀ ਜਾਂ ਐਕਟਰ ਤੋਂ ਕਰਵਾਉਣ ਚ ਪਿੱਛੇ ਨਹੀ ਹਟਣਗੇ।ਉਨਾਂ ਕਿਹਾ ਕਿ ਸਮੁੱਚੀ ਸਿੱਖ ਸੰਗਤ ਅਤੇ ਸਿੱਖ ਸੰਸਥਾਵਾਂ ਨੂੰ ਦਾਸਤਾਨ ਏ ਸਰਹੰਦ ਨਾਮਕ ਫਿਲਮ ਦਾ ਵਿਰੋਧ ਕਰਨਾ ਚਾਹੀਦਾ ਹੈ ਤਾਂਕਿ ਅੱਗੇ ਅਜਿਹੀਆਂ ਐਨੀਮੇਟਡ ਫਿਲਮਾਂ ਨਾ ਬਣਨ।ਉਕਤ ਸੰਕੇਤਕ ਵਿਰੋਧ ਪ੍ਰਦਰਸ਼ਨ ਵਿੱਚ ਭਾਈ ਗੁਰਪਾਲ ਸਿੰਘ ਧਿੰਗੜ,ਭਾਈ ਗੁਰਸੇਵਕ ਸਿੰਘ ਮਾਨ ਬੀਬੜੀਆਂ,ਭਾਈ ਸਰਬਜੀਤ ਸਿੰਘ ਖਾਲਸਾ ਸਮੇਤ ਕੁਝ ਬੱਚੇ ਵੀ ਸ਼ਾਮਿਲ ਹੋਏ।
Animated-Film-Protest-Bathinda-Dastan-A-Sirhind-