ਪੰਜਾਬੀ ਕਵੀ ਤੇ ਚਿਤਰਕਾਰ ਬੀਬਾ ਬਲਵੰਤ ਨੂੰ ਗੁਰਚਰਨ ਰਾਮਪੁਰੀ ਪੁਰਸਕਾਰ ਪ੍ਰਦਾਨ

Nov9,2022 | Gautam Jalandhari | Ludhiana


ਪ੍ਰਧਾਨਗੀ  ਲਖਵਿੰਦਰ ਸਿੰਘ ਜੌਹਲ ਨੇ ਕੀਤੀ


ਰਾਮਪੁਰ(ਲੁਧਿਆਣਾ) ਦੇ ਜੰਮਪਲ, ਪੰਜਾਬੀ ਲਿਖਾਰੀ ਸਭਾ ਦੇ 1953 ਚ ਸੰਸਥਾਪਕਾਂ ਚੋਂ ਪ੍ਰਮੁੱਖ,ਉਮਰ ਦੀ ਅੱਧੀ ਸਦੀ ਸਰੀ(ਕੈਨੇਡਾ) ਵੱਸ ਕੇ ਉਥੇ ਹੀ ਪਿਛਲੇ ਸਾਲ ਸੁਰਗਵਾਸ ਹੋਏ ਪੰਜਾਬੀ ਕਵੀ ਗੁਰਚਰਨ ਰਾਮਪੁਰੀ ਜੀ ਦੀ ਯਾਦ ਵਿੱਚ ਉਨ੍ਹਾਂ ਦੇ ਪਰਿਵਾਰ ਵੱਲੋਂ ਪੰਜਾਬੀ ਲਿਖਾਰੀ ਸਭਾ ਰਾਮਪੁਰ ਰਾਹੀਂ ਸਥਾਪਿਤ ਪੁਰਸਕਾਰ ਗੁਰਦਾਸਪੁਰ ਵੱਸਦੇ ਪੰਜਾਬੀ ਕਵੀ ਤੇ ਚਿਤਰਕਾਰ ਬੀਬਾ ਬਲਵੰਤ ਜੀ ਨੂੰ ਰਾਮਪੁਰ ਵਿਖੇ ਭੇਂਟ ਕੀਤਾ ਗਿਆ। ਸਮਾਗਮ ਦੀ ਪ੍ਰਧਾਨਗੀ ਪੰਜਾਬੀ ਸਾਹਿੱਤ ਅਕਾਡਮੀ ਲੁਧਿਆਣਾ ਦੇ ਪ੍ਰਧਾਨ ਡਾਃ ਲਖਵਿੰਦਰ ਸਿੰਘ  ਜੌਹਲ ਨੇ ਕੀਤੀ। ਪੰਜਾਬੀ ਲੋਕ ਵਿਰਾਸਤ ਅਕਾਡਮੀ ਦੇ ਚੇਅਰਮੈਨ ਪ੍ਰੋਃ ਗੁਰਭਜਨ ਸਿੰਘ ਗਿੱਲ ਨੇ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਿਲ ਹੋਏ।
 
ਸੁਆਗਤੀ ਸ਼ਬਦ ਬੋਲਦਿਆਂ ਸਭਾ ਦੇ ਪ੍ਰਧਾਨ ਜਸਬੀਰ ਝੱਜ ਨੇ ਕਿਹਾ ਕਿ ਪੰਜਾਬ ਵਿੱਚ ਸਾਹਿੱਤ ਚੇਤਨਾ ਨੂੰ ਪਿੰਡਾਂ ਵਿੱਚ ਲੈ ਕੇ ਜਾਣ ਵਾਲੀ ਇਹ ਪਹਿਲੀ ਸਾਹਿੱਤਕ ਸੰਸਥਾ ਹੈ ਜਿਸ ਨੂੰ ਅਗਸਤ 1953 ਵਿੱਚ ਪੰਜਾਬੀ ਕਵੀ ਸੁਰਜੀਤ ਰਾਮਪੁਰੀ, ਗੁਰਚਰਨ ਰਾਮਪੁਰੀ ਸਮੇਤ ਸਾਥੀਆਂ ਨੇ ਸਥਾਪਿਤ ਕੀਤਾ।  ਝੱਜ ਨੇ ਕੈਨੇਡਾ ਵੱਸਦੇ ਗੁਰਚਰਨ ਰਾਮਪੁਰੀ ਪਰਿਵਾਰ ਦੀਆਂ ਬੇਟੀਆਂ ਦੇਵਿੰਦਰ ਕੌਰ ਭੰਗੂ, ਸੁਖਮੋਹਿੰਦਰ ਕੌਰ ਭੰਗੂ ਤੇ ਪੁੱਤਰਾਂ ਜਸਵੀਰ ਰਾਮਪੁਰੀ ਤੇ ਰਵਿੰਦਰ ਰਾਮਪੁਰੀ ਦੇ ਇਸ ਮਹਾਨ ਉਪਰਾਲੇ ਦਾ ਸ਼ੁਕਰਾਨਾ ਕੀਤਾ।
 
ਪੰਜਾਬੀ ਲਿਖਾਰੀ ਸਭਾ ਦੇ ਸਰਪ੍ਰਸਤ ਤੇ ਉੱਘੇ ਲੇਖਕ ਸੁਰਿੰਦਰ ਰਾਮਪੁਰੀ ਨੇ ਸੰਬੋਧਨ ਕਰਦਿਆਂ ਕਿਹਾ ਕਿ ਪੰਜਾਬੀ ਲਿਖਾਰੀ ਸਭਾ ਦੇ ਇਸ ਦਫ਼ਤਰ ਤੇ ਲਾਇਬਰੇਰੀ ਦੇ ਨਿਰਮਾਣ ਵਿੱਚ ਵੀ ਗੁਰਚਰਨ ਰਾਮਪੁਰੀ ਜੀ ਦਾ ਵਡਮੁੱਲਾ ਯੋਗਦਾਨ ਸੀ। ਉਨ੍ਹਾਂ ਪੁਰਸਕਾਰ ਵਿਜੇਤਾ ਬੀਬਾ ਬਲਵੰਤ ਦੀ ਸਿਰਜਣਾ ਤੇ ਸਰਗਰਮੀਆਂ ਬਾਰੇ ਵਿਸ਼ੇਸ਼ ਜਾਣਕਾਰੀ ਦਿੱਤੀ। ਸਭਾ ਦੇ ਸਾਬਕਾ ਜਨਰਲ ਸਕੱਤਰ ਬਲਵੰਤ ਮਾਂਗਟ ਨੇ ਬੀਬਾ ਬਲਵੰਤ ਜੀ ਦਾ ਸਨਮਾਨ ਪੱਤਰ ਪੜ੍ਹਿਆ।
 
ਪ੍ਰਧਾਨਗੀ ਮੰਡਲ ਤੋਂ ਇਲਾਵਾ ਸਭਾ ਦੇ ਅਹੁਦੇਦਾਰਾਂ ਜਸਬੀਰ ਝੱਜ, ਬਲਦੇਵ ਝੱਜ, ਹਰਬੰਸ ਮਾਲਵਾ, ਸੁਰਿੰਦਰ ਰਾਮਪੁਰੀ,ਤੇ ਹਾਜ਼ਰ ਪ੍ਰਮੁੱਖ ਲੇਖਕਾਂ ਰਵਿੰਦਰ ਭੱਠਲ, ਕਹਾਣੀਕਾਰ ਸੁਖਜੀਤ, ਗੁਰਇਕਬਾਲ ਸਿੰਘ ਤੇ ਰਾਮਪੁਰੀ ਪਰਿਵਾਰ ਦੇ ਪ੍ਰਤੀਨਿਧ ਤੇ ਵਿਸ਼ੇਸ਼ ਮਹਿਮਾਨ ਅਮਨ ਧੂਰੀ ਨੇ ਗੁਰਚਰਨ ਰਾਮਪੁਰੀ ਪੁਰਸਕਾਰ ਪ੍ਰਦਾਨ ਕੀਤਾ। ਇਸ ਪੁਰਸਕਾਰ ਵਿੱਚ ਇੱਕੀ ਹਜ਼ਾਰ ਰੁਪਏ ਦੀ ਨਕਦ ਰਾਸ਼ੀ  ਸਨਮਾਨ ਪੱਤਰ ਤੇ ਦੋਸ਼ਾਲਾ ਸ਼ਾਮਿਲ ਸੀ।

ਪ੍ਰਧਾਨਗੀ ਭਾਸ਼ਨ ਦੇਂਦਿਆਂ  ਲਖਵਿੰਦਰ ਸਿੰਘ ਜੌਹਲ ਨੇ ਕਿਹਾ ਕਿ ਗੁਰਚਰਨ ਰਾਮਪੁਰੀ ਮੇਰੇ ਮਹਿਬੂਬ ਲੇਖਕ ਸਨ ਜਿੰਨ੍ਹਾਂ ਦੀ ਲੰਮੀ ਇੰਟਰਵਿਊ ਮੈਂ 1975 ਚ ਨਵਾਂ ਜ਼ਮਾਨਾ ਲਈ ਕੀਤੀ ਤੇ ਛਾਪੀ ਸੀ। ਉਨ੍ਹਾ ਬੀਬਾ ਬਲਵੰਤ ਜੀ ਨੂੰ ਵੀ ਇਹ ਪੁਰਸਕਾਰ ਮਿਲਣ ਤੇ ਮੁਬਾਰਕ ਦਿੱਤੀ।

ਵਿਸ਼ੇਸ਼ ਮਹਿਮਾਨ ਵਜੋ ਬੋਲਦਿਆਂ ਪੰਜਾਬੀ ਲੋਕ ਵਿਰਾਸਤ ਅਕਾਡਮੀ ਦੇ ਚੇਅਰਮੈਨ  ਗੁਰਭਜਨ ਸਿੰਘ ਗਿੱਲ ਨੇ ਕਿਹਾ ਕਿ ਗੁਰਚਰਨ ਰਾਮਪੁਰੀ ਜੀ ਨਾਲ ਮੇਰੀ ਪਹਿਲੀ ਮੁਲਾਕਾਤ ਸੰਤੋਖ ਸਿੰਘ ਧੀਰ ਤੇ ਅਜਾਇਬ ਚਿਤਰਕਾਰ ਨੇ ਡਾਃ ਕੇਸਰ ਸਿੰਘ ਕੇਸਰ ਦੀ ਹਾਜ਼ਰੀ ਵਿੱਚ ਰਾਮਪੁਰ ਵਿਖੇ ਨਹਿਰੀ ਵਿਸ਼ਰਾਮ ਘਰ ਚ ਹੋਏ ਸਮਾਗਮ ਦੌਰਾਨ 1975 ਚ ਕਰਵਾਈ ਸੀ। ਇਕਬਾਲ ਮਾਹਲ ਵੱਲੋਂ ਤਿਆਰ ਕੀਤੀ ਗੁਰਚਰਨ ਰਾਮਪੁਰੀ ਦੇ ਗੀਤਾਂ ਤੇ ਗ਼ਜ਼ਲਾਂ ਦੀ ਕੈਸਿਟ ਇਸ਼ਕ ਠੋਕਰ ਤੇ ਮੁਸਕਰਾਉਂਦਾ ਹੈ ਬਾਰੇ ਮੈ 1992 ਚ ਲਿਖਿਆ ਤਾਂ ਮੁਹੱਬਤ ਹੋਰ ਗੂੜ੍ਹੀ ਹੋਈ। ਉਨ੍ਹਾਂ ਨਾਲ ਮੇਰੀ ਆਖਰੀ ਮੁਲਾਕਾਤ 2017 ਵਿੱਚ ਪੰਜਾਬ ਭਵਨ ਸਰੀ ਵਿਖੇ ਹੋਈ ਜਿੱਥੇ ਉਨ੍ਹਾਂ ਨੂੰ ਜੀਵਨ ਭਰ ਦੀਆਂ ਸਾਹਿੱਤਕ ਪ੍ਰਾਪਤੀਆਂ ਲਈ ਸਨਮਾਨਿਤ ਕੀਤਾ ਗਿਆ ਸੀ। ਉਨ੍ਹਾਂ ਦੀਆਂ ਰਚਨਾਵਾਂ ਕੌਲ ਕਰਾਰ, ਕਣਕਾਂ ਦੀ ਖ਼ੁਸ਼ਬੋ, ਅੰਨ੍ਹੀ ਗਲ਼ੀ, ਅੱਜ ਤੋਂ ਆਰੰਭ ਤੀਕ ਤੇ ਦੋਹਾਵਲੀ ਕਮਾਲ ਦੀਆਂ ਕਾਵਿ ਰਚਨਾਵਾਂ ਹਨ। ਹੁਣੇ ਛਪ ਕੇ ਆਈ ਵਾਰਤਕ ਪੁਸਤਕ ਯਾਦਾਂ ਦੀ ਬੁੱਕਲ ਵੀ ਸਾਨੂੰ ਉਨ੍ਹਾਂ ਦੇ ਜੀਵਨ ਸੰਘਰਸ਼ ਨਾਲ ਜੋੜਦੀ ਹੈ। ਬੀਬਾ ਬਲਵੰਤ ਨੂੰ ਉਨ੍ਹਾਂ ਆਪਣਾ ਜ਼ਿਲ੍ਹਾ ਵੱਟ ਭਰਾ ਕਿਹਾ ਕਿਉਂਕਿ ਬੀਬਾ ਜੀ ਜਗਰਾਉਂ ਦੇ ਜੰਪਲ ਹੋਣ ਦੇ ਬਾਵਜੂਦ ਗੁਰਦਾਸਪੁਰ ਰਹਿੰਦੇ ਹਨ ਤੇ ਮੈਂ ਗੁਰਦਾਸਪੁਰ ਦਾ ਜੰਮਪਲ ਹੋ ਕੇ ਵੀ ਲੁਧਿਆਣੇ ਰਹਿੰਦਾ ਹਾਂ। ਉਨ੍ਹਾਂ ਬੀਬਾ ਬਲਵੰਤ ਦੀਆਂ ਕਾਵਿ ਲਿਖਤਾਂ ਤੇਰੀਆਂ ਗੱਲਾਂ ਤੇਰੇ ਨਾਂ, ਫੁੱਲਾਂ ਦੇ ਰੰਗ ਕਾਲ਼ੇ, ਅੱਥਰੂ ਗੁਲਾਬ ਹੋਏ ਤੇ ਸੰਪੂਰਨ ਰਚਨਾਵਲੀ  ਦਾ ਵਿਸ਼ੇਸ਼ ਜ਼ਿਕਰ ਕੀਤਾ।

ਸਮਾਗਮ ਦੇ ਦੂਜੇ  ਭਾਗ ਵਿੱਚ ਨੀਤੂ ਰਾਮਪੁਰ ਦੀ ਸੰਚਾਲਨਾ ਹੇਠ ਕਵੀ ਦਰਬਾਰ ਕਰਵਾਇਆ ਗਿਆ ਜਿਸ ਵਿੱਚ  ਰਵਿੰਦਰ ਭੱਠਲ,  ਗੁਰਇਕਬਾਲ ਸਿੰਘ, ਨਰਿੰਦਰ ਸ਼ਰਮਾ ਐਡਵੋਕੇਟ ਸਮਰਾਲਾ, ਹਰਜਿੰਦਰ ਗੋਪਾਲੋਂ, ਦਲਜਿੰਦਰ ਰਹਿਲ ਇਟਲੀ, ਅਮਰਜੀਤ ਸ਼ੇਰਪੁਰੀ, ਪੰਮੀ ਹਬੀਬ, ਅਵਤਾਰ ਸਿੰਘ ਧਮੋਟ, ਤਰਨਜੀਤ ਕੌਰ ਗਰੇਵਾਲ, ਸੁਰਿੰਦਰਪਾਲ ਕੌਰ ਪਰਮਾਰ, ਸਿਮਰਨਦੀਪ ਕੌਰ ਰਾਮਪੁਰੀ, ਪ੍ਰਭਜੋਤ ਸਿੰਘ ਰਾਮਪੁਰੀ,ਦੀਪ ਦਿਲਬਰ ਤੇ ਅਮਨ ਧੂਰੀ ਨੇ ਵੀ ਕਵਿਤਾਵਾਂ ਸੁਣਾਈਆਂ।  ਇਸ ਮੌਕੇ ਦਿਲਦੀਪ ਪ੍ਰਕਾਸ਼ਨ ਤੇ ਸਪਰੈਂਡ ਪਬਲੀਕੇਸ਼ਨ ਨੇ ਪੁਸਤਕ ਪ੍ਰਦਰਸ਼ਨੀ ਲਾਈ। ਸੁਰਗਵਾਸੀ ਕਵੀ ਬਾਬੂ ਸਿੰਘ ਚੌਹਾਨ ਦੇ ਸਪੁੱਤਰ ਜਗਤਾਰ ਸਿੰਘ ਖਮਾਣੋਂ ਤੇ ਸਨਮਾਨਿਤ ਲੇਖਕ ਬੀਬਾ ਬਲਵੰਤ ਜੀ ਨੇ ਇਸ ਮੌਕੇ ਆਪਣੀਆਂ ਪੁਸਤਕਾਂ ਦਾ ਸੈੱਟ ਲਾਇਬਰੇਰੀ ਲਈ ਭੇਂਟ ਕੀਤਾ।
ਸਭਾ ਵੱਲੋਂ ਬਲਦੇਵ ਸਿੰਘ ਝੱਜ ਨੇ ਆਏ ਲੇਖਕਾਂ ਦਾ ਧੰਨਵਾਦ ਕੀਤਾ।
 
 
 

Gurbhajan-Singh-Gill-An-Eminent-Punjabi-Poet-



TOP HEADLINES


ਖਰਚਾ ਨਿਗਰਾਨ ਨੇ ਹੈਲੀਪੈਡ 'ਤੇ ਕੀਤਾ ਨਿਰੀਖਣ
ਆਮਦਨ ਤੋਂ ਵੱਧ ਜਾਇਦਾਦ ਬਣਾਉਣ ਦਾ ਮਾਮਲਾ: ਵਿਜੀਲੈਂਸ ਬਿਊਰੋ ਵੱਲ
ਚੋਣਾਂ ਨਾਲ ਜੁੜੇ ਦਿਲਚਸਪ ਅਤੇ ਰੌਚਕ ਸਵਾਲਾਂ ਦੇ ਜਵਾਬਾਂ ਨਾਲ ਭਰ
89 ਸਾਲਾ ਤਿਲਕ ਰਾਜ ਦਾ ਵੱਖਰਾ ਅਨੁਭਵ ਰਿਹਾ ਘਰ ਤੋਂ ਵੋਟ ਪਾਉਣ ਦ
ਲੋਕ ਸਭਾ ਹਲਕਾ ਫ਼ਿਰੋਜ਼ਪੁਰ ਦੇ ਲੋਕਾਂ ਨਾਲ ਲੋਕ ਮਿਲਣੀ ਦੌਰਾਨ ਮੁੱ
ਲੋਕ ਸਭਾ ਚੋਣਾਂ-2024 , 30 ਮਈ ਸ਼ਾਮ 6 ਵਜੇ ਤੋਂ ਇਲੈਕਟ੍ਰਾਨਿਕ ਤ
*ਆਪ' ਅਤੇ ਕਾਂਗਰਸ ਪਾਰਟੀ ਦੇਸ਼ ਭਰ 'ਚ ਇਕੱਠੇ ਚੱਲ ਰਹੇ ਹਨ। ਪਰ
ਬਠਿੰਡਾ ਵਿਚ ਗਰਜੇ ਅਰਵਿੰਦ ਕੇਜਰੀਵਾਲ- “ਇਕ ਪਰਿਵਾਰ ਦੇ ਰਾਜ ਨੂੰ
ਇਹ ਚੋਣ ਲੋਕਤੰਤਰ ਅਤੇ ਸੰਵਿਧਾਨ ਨੂੰ ਬਚਾਉਣ ਦੀ ਚੋਣ ਹੈ : ਅਰਵਿੰ
ਬਠਿੰਡਾ ਵਿਚ ਪਿਛਲੇ ਦੋ ਸਾਲਾਂ ਦੌਰਾਨ ਤੁਹਾਡੀ ਸਰਕਾਰ ਵੱਲੋਂ ਕੀਤ
*ਆਬਕਾਰੀ ਵਿਭਾਗ ਅਤੇ ਐਫ ਐਸ ਟੀ ਵੱਲੋ ਲੁਧਿਆਣਾ 'ਚ 10000 ਲ
ਇਹ ਲੋਕ ਸਭਾ ਚੋਣਾਂ ਪੰਜਾਬ ਦੀ ਅਣਖ, ਖੁਦਮੁਖਤਿਆਰੀ ਤੇ ਵਾਗਡੋਰ ਨ
ਤਸਵੀਰਾਂ ਦੀ ਜ਼ੁਬਾਨੀ ਲਿਖ ਰਹੇ ਨੇ ਲੋਕਤੰਤਰ ਦੇ ਤਿਉਹਾਰ ਦੀ ਕਹਾ
ਨੇਕ ਇਮਾਨਦਾਰ ਢਿੱਲੋਂ ਅਤੇ ਅਕਾਲੀ ਦਾ ਕੋਈ ਸਾਨ੍ਹੀ ਨਹੀਂ-ਮਜੀਠੀਆ
#live ਲੁਧਿਆਣਾ ਪੁੱਜੇ ਅਮਿਤ ਸ਼ਾਹ, ਰਵਨੀਤ ਸਿੰਘ ਬਿੱਟੂ ਦੇ ਹੱਕ
ਵਿਜੀਲੈਂਸ ਵੱਲੋਂ 50,000 ਰੁਪਏ ਰਿਸ਼ਵਤ ਮੰਗਣ ਵਾਲੇ ਜੈਤੋ ਨਾਇਬ
ਨਿਰਪੱਖ, ਬਿਨਾਂ ਕਿਸੇ ਦਬਾਅ ਅਤੇ ਸ਼ਾਂਤਮਈ ਚੋਣ ਪ੍ਰਕਿਰਿਆ ਨੂੰ ਯਕ
ਲੋਕ ਸਭਾ ਚੋਣਾਂ-2024 ਡਿਪਟੀ ਕਮਿਸ਼ਨਰ ਵਲੋਂ ਪੋਲਿੰਗ ਰਿਹਰਸਲ ਦੌ
'ਲੋਕ ਸਭਾ ਚੋਣਾਂ 2024' ਚੋਣ ਅਮਲਾ, ਚੋਣ ਕਮਿਸ਼ਨ ਦੀਆਂ ਹਦਾਇਤਾਂ
ਪੰਜਾਬ ਪੁਲਿਸ ਨੇ ਬੀਐਸਐਫ ਨਾਲ ਸਾਂਝੇ ਆਪ੍ਰੇਸ਼ਨ ਦੌਰਾਨ ਸੱਤ ਨਸ਼

Run by: WebHead
National Punjab International Sports Entertainment Health Business Women Crime Life style Media Politics Religious Technology Education Nri Defence Court Literature Citizen reporter Agriculture Environment Railway Weather Sikh Animal Pollution Accident Election Mc election 2017-18 Local body Art Litrature Financial Tax Happy birthday Marriage anniversary Transfer Lok sabha election-2019 Uttar pradesh Kisan andolan

About Us


Jagrati Lahar Editor Image

Jagrati Lahar is an English, Hindi and Punjabi language news paper as well as web portal. Since its launch, Jagrati Lahar has created a niche for itself for true and fast reporting among its readers in India.

Gautam Jalandhari (Editor)

Subscribe Us


Vists Counter

HITS : 42332271

Hindi news rss fee image RSS FEED

Address


Jagrati Lahar
Jalandhar Bypass Chowk, G T Road (West), Ludhiana - 141008.
Mobile: +91 161 5010161 Mobile: +91 81462 00161
Land Line: +91 161 5010161
Email: gautamk05@gmail.com, @: jagratilahar@gmail.com
Share your info with Us