ਅੰਮ੍ਰਿਤਸਰ ਚ ਪਿੰਕ ਈਵੀ ਆਟੋ ਦੀ ਮਨਜ਼ੂਰੀ ਲਈ ਕੈਬਨਿਟ ਮੰਤਰੀ ਹਰਦੀਪ ਸਿੰਘ ਪੁਰੀ ਨੂੰ ਲਿਖਿਆ ਪੱਤਰ

Feb23,2024 | Rahul Soni | Amritsar

ਪ੍ਰਦੂਸ਼ਣ ਨਾਲ ਨਜਿੱਠਣ ਲਈ ਸ਼ਹਿਰ ਨੂੰ ਈ-ਆਟੋ ਨੀਤੀ ਦੀ ਲੋੜ : ਕਲੀਨ ਏਅਰ ਪੰਜਾਬ ਅੰਮ੍ਰਿਤਸਰ, ਪੰਜਾਬ ਵਿੱਚ ਹਵਾ ਦੀ ਗੁਣਵੱਤਾ ਦੀਆਂ ਚੁਣੌਤੀਆਂ ਨਾਲ ਨਜਿੱਠਣ ਲਈ ਸਮਰਪਿਤ ਸੰਸਥਾ - ਕਲੀਨ ਏਅਰ ਪੰਜਾਬ ਨੇ ਭਾਰਤ ਸਰਕਾਰ ਦੇ ਹਾਊਸਿੰਗ ਅਤੇ ਸ਼ਹਿਰੀ ਮਾਮਲਿਆਂ ਦੇ ਕੈਬਨਿਟ ਮੰਤਰੀ ਹਰਦੀਪ ਸਿੰਘ ਪੁਰੀ ਨੂੰ ਇੱਕ ਪੱਤਰ ਰਾਹੀਂ ਸ਼ਹਿਰ ਵਿੱਚ ਪਿੰਕ ਇਲੈਕਟ੍ਰਿਕ ਆਟੋਜ਼ ਦੀ ਮਨਜ਼ੂਰੀ ਦੇਣ ਦੀ ਮੰਗ ਕੀਤੀ ਹੈ। . ਇਹ ਅਪੀਲ ਨਾ ਸਿਰਫ਼ ਹਵਾ ਪ੍ਰਦੂਸ਼ਣ ਦੀ ਸਮੱਸਿਆ ਨਾਲ ਨਜਿੱਠਣ ਲਈ ਵਿਕਲਪ ਮੁਹੱਈਆ ਕਰਵਾਏਗੀ ਸਗੋਂ ਔਰਤਾਂ ਦੇ ਸਸ਼ਕਤੀਕਰਨ ਦੀ ਇੱਕ ਸ਼ਾਨਦਾਰ ਮਿਸਾਲ ਵੀ ਕਾਇਮ ਕਰੇਗੀ। ਕਲੀਨ ਏਅਰ ਪੰਜਾਬ ਨੇ ਰਿਜੂਵਨੈਸ਼ਨ ਆਫ ਆਟੋ ਰਿਕਸ਼ਾ ਇਨ ਅਮ੍ਰਿਤਸਰ ਥਰੂ ਹੋਲਿਸਟਿਕ ਇੰਟਰਨੈਸ਼ਨਲ (RAAHI)- ਰਾਹੀਂ ਦੇ ਜਰੀਏ ਇਹ ਪਹਿਲ ਕੀਤੀ ਹੈ। 2070 ਤੱਕ ਨੇਟ ਜੀਰੋ ਇਮੇਸ਼ਨ ਦੇ ਟੀਚੇ ਨੂੰ ਪ੍ਰਾਪਤ ਕਰਨ ਵਿੱਚ ਇਲੈਕਟ੍ਰਿਕ ਵਹੀਕਲਜ਼ (ਈਵੀ) ਦੀ ਅਹਿਮ ਭੂਮਿਕਾ ਨੂੰ ਪਛਾਣਦੇ ਹੋਏ, ਕਲੀਨ ਏਅਰ ਪੰਜਾਬ ਨੇ ਔਰਤਾਂ ਨੂੰ ਟਰਾਂਸਪੋਰਟੇਸ਼ਨ ਵਰਕਫੋਰਸ ਵਿੱਚ ਜੋੜਨ ਲਈ ਇੱਕ ਵਿਲੱਖਣ ਪਹਿਲ ਕੀਤੀ ਹੈ। ਸਿਰਫ ਕੁਝ ਰਾਜ ਹੀ ਲਿੰਗ ਅਸਮਾਨਤਾ ਤੇ ਸਰਗਰਮੀ ਨਾਲ ਕੰਮ ਕਰ ਰਹੇ ਹਨ। ਪੰਜਾਬ ਵਿੱਚ ਮਹਿਲਾ ਆਟੋ ਚਾਲਕਾਂ ਲਈ ਰਾਹੀ ਦੀ ਇਹ ਸਕੀਮ ਨੀਤੀ ਬਣਾਉਣ ਵਿੱਚ ਇੱਕ ਵਧੀਆ ਮਿਸਾਲ ਕਾਇਮ ਕਰੇਗੀ। ਔਰਤਾਂ ਲਈ ਇਲੈਕਟ੍ਰਿਕ ਆਟੋ ਤੇ 90 ਪ੍ਰਤੀਸ਼ਤ ਦੀ ਢੁਕਵੀਂ ਸਬਸਿਡੀ ਨਾ ਸਿਰਫ਼ ਆਰਥਿਕ ਸਸ਼ਕਤੀਕਰਨ ਨੂੰ ਪ੍ਰੇਰਿਤ ਕਰਦੀ ਹੈ ਸਗੋਂ ਵਾਤਾਵਰਨ ਪ੍ਰਤੀ ਜਾਗਰੂਕਤਾ ਵੀ ਪ੍ਰਦਾਨ ਕਰਦੀ ਹੈ। ਹਾਲ ਹੀ ਵਿਚ 18 ਫਰਵਰੀ ਨੂੰ ਆਯੋਜਿਤ ਇਕ ਪ੍ਰੋਗਰਾਮ ਦੌਰਾਨ 250 ਔਰਤਾਂ ਨੇ ਅੰਮ੍ਰਿਤਸਰ ਵਿਚ ਇਲੈਕਟ੍ਰਿਕ ਆਟੋ ਅਪਨਾਉਣ ਦੀ ਇੱਛਾ ਪ੍ਰਗਟਾਈ, ਜਿਸ ਨੂੰ ਸਮਰਥਨ ਵੀ ਮਿਲਿਆ। ਸਵੱਛ ਹਵਾ ਪੰਜਾਬ ਰਾਹੀ ਪਹਿਲਕਦਮੀ ਤਹਿਤ ਰਾਸ਼ਟਰੀ ਸ਼ਹਿਰੀ ਆਜੀਵਿਕਾ ਮਿਸ਼ਨ ਦੇ ਸਵੈ ਸਹਾਇਤਾ ਸਮੂਹਾਂ ਦਾ ਲਾਭ ਉਠਾ ਕੇ ਸਮਰੱਥਾ ਨਿਰਮਾਣ ਨੂੰ ਮਜ਼ਬੂਤ ਕਰ ਰਿਹਾ ਹੈ। ਵਾਇਸ ਆਫ ਅੰਮ੍ਰਿਤਸਰ ਦੀ ਇੰਦੂ ਅਰੋੜਾ ਨੇ ਕਿਹਾ ਕਿ ਵੱਧ ਰਿਹਾ ਪ੍ਰਦੂਸ਼ਣ ਸਿਹਤ ਦੇ ਨਜ਼ਰੀਏ ਤੋਂ ਆਉਣ ਵਾਲੇ ਸਮੇਂ ਵਿੱਚ ਨਾਗਰਿਕਾਂ ਲਈ ਖਤਰਨਾਕ ਹੈ। ਇਸ ਦੇ ਲਈ, ਉਨ੍ਹਾਂ ਨੇ ਸ਼ਹਿਰ ਵਿੱਚ ਏਮਿਸ਼ਨ ਨੂੰ ਘਟਾਉਣ ਦੀ ਫੌਰੀ ਲੋੜ ਤੇ ਜ਼ੋਰ ਦਿੱਤਾ। ਉਨ੍ਹਾਂਨੇ ਹਵਾ ਦੀ ਗੁਣਵੱਤਾ ਵਿੱਚ ਸੁਧਾਰ ਕਰਨ ਅਤੇ ਔਰਤਾਂ ਦੇ ਵਿੱਤੀ ਸਸ਼ਕਤੀਕਰਨ ਨੂੰ ਵਧਾਉਣ ਵਿੱਚ ਇਲੈਕਟ੍ਰਿਕ ਵਾਹਨਾਂ (ਈਵੀ) ਦੀ ਪਰਿਵਰਤਨਸ਼ੀਲ ਸਮਰੱਥਾ ਤੇ ਜ਼ੋਰ ਦਿੱਤਾ। ਡਾ. ਸਿਮਰਪ੍ਰੀਤ ਸੰਧੂ, ਚੇਅਰਪਰਸਨ, ਫਿੱਕੀ ਐਫਐਲਓ , ਨੇ ਵੀ ਈਵੀ ਉਦਯੋਗ ਵਿੱਚ ਮਹਿਲਾ ਉੱਦਮੀਆਂ ਲਈ ਅਜਿਹੇ ਸਹਿਯੋਗੀ ਤੰਤਰ ਦੀ ਲੋੜ ਤੇ ਜ਼ੋਰ ਦਿੱਤਾ। ਇਸ ਦਿਸ਼ਾ ਵਿੱਚ, ਉਹ ਔਰਤਾਂ ਦੀ ਭਾਗੀਦਾਰੀ ਨੂੰ ਵਿਕਸਤ ਕਰਨ ਲਈ ਰਣਨੀਤਕ ਫੰਡਿੰਗ ਵੰਡ, ਸਲਾਹਕਾਰ ਪ੍ਰੋਗਰਾਮਾਂ, ਲਿੰਗ ਵਿਭਿੰਨਤਾ ਨੂੰ ਉਤਸ਼ਾਹਿਤ ਕਰਨ ਵਾਲੀਆਂ ਨੀਤੀਆਂ ਦੀ ਵਕਾਲਤ ਕਰਦੀ ਹੈ। ਕਲੀਨ ਏਅਰ ਪੰਜਾਬ ਦੀ ਸ਼ਵੇਤਾ ਮਹਿਰਾ ਨੇ ਮਹਿਲਾ ਸਸ਼ਕਤੀਕਰਨ ਵਿੱਚ ਬਰਾਬਰੀ ਦੇ ਖੇਤਰ ਦੇ ਮੁੱਖ ਸਿਧਾਂਤਾਂ ਤੇ ਜ਼ੋਰ ਦਿੱਤਾ। ਉਨ੍ਹਾਂ ਅਨੁਸਾਰ ਇਹ ਉਪਰਾਲਾ ਨਿਸ਼ਚਿਤ ਤੌਰ ਤੇ ਔਰਤਾਂ ਦੇ ਸਸ਼ਕਤੀਕਰਨ ਲਈ ਸਾਰਥਕ ਸਿੱਧ ਹੋਵੇਗਾ। ਡਾ: ਅੰਮਿ੍ਤ ਰਾਣਾ ਅਨੁਸਾਰ ਇਸ ਉਪਰਾਲੇ ਦੇ ਲਾਗੂ ਹੋਣ ਨਾਲ ਸ਼ਹਿਰ ਦੀ ਹਵਾ ਅਤੇ ਲੋਕਾਂ ਦੀ ਸਿਹਤ ਤੇ ਸਕਾਰਾਤਮਕ ਪ੍ਰਭਾਵ ਪਵੇਗਾ |

Pink-Ev-Auto-Amritsar-Woman-E-Auto-Policy-Clean-Air-Punjab-