ਗਰੀਨ ਸ਼ਪਰਸ਼ ਫਾਊਡੇਸ਼ਨ, ਪਹਿਲ ਵਰਲਡ ਟਾਇਲਟ ਕਾਲਜ,ਸੰਸਥਾਵਾਂ, ਸੰਗਠਨਾਂ ਵੱਲੋਂ ਪ੍ਰਸਾਸ਼ਨ ਦੇ ਸਹਿਯੋਗ ਨਾਲ ਸਫਾਈ ਮੁਹਿੰਮ ਸੁਰੂ
ਵਾਤਾਵਰਣ ਦੇ ਪੋਣ ਪਾਣੀ ਦੀ ਸੰਭਾਲ ਲਈ ਪਲਾਸਟਿਕ ਮੁਕਤ ਗਰੀਨ ਵਾਤਾਵਰਣ ਸਿਰਜਣ ਵਿੱਚ ਸਹਿਯੋਗ ਦੀ ਅਪੀਲ
ਕੂੜਾ ਪ੍ਰਬੰਧਨ, ਲਾਰਵਾ ਸਾਈਡ, ਫੋਗਿੰਗ ਨਾਲ ਰੋਗਾਣੂ ਮੁਕਤ ਹੋਵੇਗਾ ਮੇਲਾ ਖੇਤਰ
ਮੁੱਖ ਮੰਤਰੀ ਭਗਵੰਤ ਮਾਨ ਵੱਲੋਂ ਇਸ ਵਾਰ ਹੋਲਾ ਮਹੱਲਾ ਦੇ ਪ੍ਰਬੰਧਾਂ ਨੂੰ ਸ਼ਰਧਾਲੂਆਂ ਦੀ ਸਹੂਲਤ ਲਈ ਸੁਚਾਰੂ ਰੱਖਣ ਦੇ ਨਿਰਦੇਸ਼ਾ ਅਤੇ ਸ.ਹਰਜੋਤ ਸਿੰਘ ਬੈਂਸ ਕੈਬਨਿਟ ਮੰਤਰੀ ਵਿਧਾਇਕ ਸ੍ਰੀ ਅਨੰਦਪੁਰ ਸਾਹਿਬ ਵੱਲੋਂ ਸਵੱਛਤਾ ਮੁਹਿੰਮ ਚਲਾ ਕੇ ਸਾਫ ਸੁਥਰਾ ਗਰੀਨ ਹੋਲਾ ਮਹੱਲਾ ਮਨਾਉਣ ਦੇ ਉਪਰਾਲਿਆਂ ਵਿੱਚ ਮਿਲੀ ਸਫਲਤਾ ਉਪਰੰਤ ਹੋਲਾ ਮਹੱਲਾ ਤੋ ਬਾਅਦ ਡਿਪਟੀ ਕਮਿਸ਼ਨਰ ਡਾ.ਪ੍ਰੀਤੀ ਯਾਦਵ ਨੇ ਸਮੁੱਚੇ ਮੇਲਾ ਖੇਤਰ ਗੁਰੂ ਨਗਰੀ ਕੀਰਤਪੁਰ ਸਾਹਿਬ ਅਤੇ ਸ੍ਰੀ ਅਨੰਦਪੁਰ ਸਾਹਿਬ ਦੀ ਮੁਕੰਮਲ ਤੌਰ ਤੇ ਸਫਾਈ ਰੋਗਾਣੂ ਮੁਕਤ ਕਰਨ ਤੇ ਕੂੜਾ ਪ੍ਰਬੰਧਨ ਲਈ ਵਿਸ਼ੇਸ ਮੁਹਿੰਮ ਦੀ ਸੁਰੂਆਤ ਕੀਤੀ ਹੈ। ਜਿਸ ਲਈ ਵੱਖ ਵੱਖ ਸਰਕਾਰੀ ਵਿਭਾਗਾਂ ਤੋ ਇਲਾਵਾ ਸੰਪਰਦਾਇ ਭੂਰੀ ਵਾਲੇ, ਗ੍ਰੀਨ ਸਪਰਸ਼ ਫਾਊਡੇਸ਼ਨ ਅਤੇ ਪਹਿਲ ਹਾਰਪਿਕ ਵਰਲਡ ਟਾਇਲਟ ਕਾਲਜ ਪਟਿਆਲਾ ਅਤੇ ਪੰਜਾਬ ਮਿਉਂਸਪਲ ਬੁਨਿਆਦੀ ਢਾਂਚਾ ਵਿਕਾਸ ਕੰਪਨੀ ਸਮੇਤ ਵੱਖ ਵੱਖ ਧਾਰਮਿਕ, ਸਮਾਜਿਕ ਸੰਗਠਨ, ਐਨ.ਜੀ.ਓਜ਼, ਕਲੱਬਾਂ ਅਤੇ ਪੰਚਾਇਤ ਵੱਲੋਂ ਭਰਪੂਰ ਸਹਿਯੋਗ ਦਿੱਤਾ ਜਾ ਰਿਹਾ ਹੈ।
ਹੋਲਾ ਮਹੱਲਾ ਸਮਾਗਮ ਕੀਰਤਪੁਰ ਸਾਹਿਬ ਅਤੇ ਸ੍ਰੀ ਅਨੰਦਪੁਰ ਸਾਹਿਬ ਵਿੱਚ ਕ੍ਰਮਵਾਰ 3 ਤੋ 5 ਅਤੇ 6 ਤੋ 8 ਮਾਰਚ ਤੱਕ ਮਨਾਏ ਗਏ ਹਨ। ਇਨ੍ਹਾਂ ਸਮਾਗਮਾਂ ਦੋਰਾਨ ਜਿੱਥੇ ਸਿੱਖਿਆ ਮੰਤਰੀ ਹਰਜੋਤ ਬੈਂਸ ਨੇ ਨੰਗਲ ਤੋ ਸਰਸਾ ਨੰਗਲ ਤੱਕ ਵਿਆਪਕ ਸਫਾਈ ਮੁਹਿੰਮ ਦੀ ਸੁਰੂਆਤ ਕਰਕੇ ਸਮੁੱਚੇ ਇਲਾਕੇ ਦੀ ਨੁਹਾਰ ਬਦਲੀ, ਸਵੱਛਤਾ ਦੇ ਵਾਤਾਵਰਣ ਦਾ ਮਜਬੂਤ ਅਧਾਰ ਤਿਆਰ ਕੀਤਾ, ਉਥੇ ਜਿਲ੍ਹਾ ਪ੍ਰਸਾਸ਼ਨ ਵੱਲੋਂ ਡਿਪਟੀ ਕਮਿਸ਼ਨਰ ਡਾ.ਪ੍ਰੀਤੀ ਯਾਦਵ, ਐਸ.ਐਸ.ਪੀ ਵਿਵੇਕਸ਼ੀਲ ਸੋਨੀ ਦੀ ਅਗਵਾਈ ਵਿੱਚ ਸੰਪਰਦਾਇ ਭੂਰੀ ਵਾਲਿਆਂ ਦੇ ਸਹਿਯੋਗ ਨਾਲ ਸਫਾਈ ਮੁਹਿੰਮ ਦੀ ਸੁਰੂਆਤ ਕੀਤੀ। ਸੰਤਾ ਮਹਾਪੁਰਸ਼ਾ ਸਮੇਤ ਸਿੰਘ ਸਾਹਿਬ ਗਿਆਨੀ ਰਘੁਬੀਰ ਸਿੰਘ ਜੀ, ਸੰਤ ਬਾਬਾ ਕਸ਼ਮੀਰ ਸਿੰਘ ਭੂਰੀ ਵਾਲਿਆ, ਬਾਬਾ ਸੁਖਵਿੰਦਰ ਸਿੰਘ ਜੀ ਵੱਲੋਂ ਸ਼ਰਧਾਲੂਆਂ/ਸੰਗਤਾਂ, ਲੰਗਰ ਕਮੇਟੀਆਂ, ਵਪਾਰਕ ਅਦਾਰਿਆਂ ਤੇ ਸਥਾਨਕ ਵਸਨੀਕਾਂ ਨੂੰ ਪਲਾਸਟਿਕ ਮੁਕਤ ਸਵੱਛ ਹੋਲਾ ਮਹੱਲਾ ਮਨਾਉਣ ਦੀ ਅਪੀਲ ਨੂੰ ਭਰਵਾ ਹੁੰਗਾਰਾ ਮਿਲਿਆ। ਇਸੇ ਕੜ੍ਹੀ ਤਹਿਤ ਨਗਰ ਕੋਂਸਲਾਂ, ਪੰਚਾਇਤਾਂ, ਸੰਗਠਨਾਂ ਤੇ ਸੰਸਥਾਵਾਂ ਦੇ ਮੈਂਬਰ ਦਿਨ ਰਾਤ ਸਫਾਈ ਤੇ ਕੂੜਾ ਪ੍ਰਬੰਧਨ ਵਿਚ ਜੁਟੇ ਰਹੇ।
ਡਿਪਟੀ ਕਮਿਸ਼ਨਰ ਨੇ ਅੱਜ ਸਮੁੱਚੇ ਮੇਲਾ ਖੇਤਰ ਦੀ ਸਾਫ ਸਫਾਈ ਦੀ ਮੁਹਿੰਮ ਚਲਾਉਣ ਦੇ ਨਿਰਦੇਸ਼ ਦਿੱਤੇ ਹਨ। ਇਸ ਲਈ ਈਸ਼ਾ ਕਾਲੀਆ ਸੀ.ਈ.ਓ ਪੰਜਾਬ ਮਿਉਂਸਪਲ ਬੁਨਿਆਦੀ ਢਾਂਚਾ ਵਿਕਾਸ ਕੰਪਨੀ ਦੇ ਉੱਦਮ ਸਦਕਾ ਸਮੁੱਚੇ ਮੇਲਾ ਖੇਤਰ ਲਈ ਗ੍ਰੀਨ ਸਪਰਸ਼ ਫਾਊਡੇਸ਼ਨ ਅਤੇ ਪਹਿਲ ਹਾਰਪਿਕ ਵਰਲਡ ਟਾਇਲਟ ਕਾਲਜ ਪਟਿਆਲਾ ਵੱਲੋਂ ਸ਼ਲਾਘਾਯੋਗ ਕਦਮ ਚੁੱਕਦੇ ਹੋਏ ਸੀਵਰਮੈਨਾਂ/ ਸਫਾਈ ਸੇਵਾਦਾਰਾ ਦੇ ਲਈ ਟੀ-ਸ਼ਰਟ,ਟੋਪੀਆ,ਗਲਬਜ਼ ਅਤੇ ਰਿਫਲੈਕਟਰ ਜੈਕਟਸ ਅਤੇ ਹੋਰ ਬਹੁਤ ਸਾਰੇ ਡਿਸਪਲੇਅ ਮਟੀਰੀਅਲ ਅਤੇ ਮੋਬਾਇਲ ਟਾਇਲਟ ਦੀ ਸਾਫ ਸਫਾਈ ਲਈ ਵੈਨ ਸਮੇਤ ਵਰਕਰ ਭੇਜੇ ਗਏ ਹਨ, ਜੋ ਸ਼ਹਿਰ ਵਿੱਚ ਸਥਾਪਿਤ ਸਾਰੇ ਮੋਬਾਇਲ ਟਾਇਲਟ ਦੀ ਸਫਾਈ ਤੋਂ ਇਲਾਵਾ ਸ਼ਹਿਰ ਵਾਸੀਆ ਅਤੇ ਸ਼ਰਧਾਲੂਆਂ ਨੂੰ ਸਵੱਛਤਾ ਅਤੇ ਸਾਫ ਪਾਣੀ ਦੀ ਮਹੱਤਤਾ ਬਾਰੇ ਪ੍ਰੇਰਿਤ ਕਰ ਰਹੇ ਹਨ। ਨਗਰ ਕੋਂਸਲਾਂ ਦੇ ਕਰਮਚਾਰੀ ਗਿੱਲੇ ਅਤੇ ਸੁੱਕੇ ਕੂੜੇ ਨੂੰ ਵੱਖ ਵੱਖ ਕਰਕੇ ਐਮ.ਆਰ.ਐਫ ਸੈਂਟਰਾਂ ਵਿੱਚ ਕੂੜਾ ਪ੍ਰਬੰਧਨ ਕੀਤਾ ਜਾ ਰਿਹਾ ਹੈ। ਸਮੁੱਚੇ ਮੇਲਾ ਖੇਤਰ ਨੂੰ ਲਾਰਵਾ ਸਾਈਡ ਛਿੜਕਾਅ, ਫੋਗਿੰਗ ਕਰਕੇ ਰੋਗਾਣੂ ਮੁਕਤ ਕੀਤਾ ਜਾ ਰਿਹਾ ਹੈ। ਸੜਕਾਂ ਦੇ ਆਲੇ ਦੁਆਲੇ ਕੂੜੇ ਦੇ ਢੇਰ ਚੁੱਕੇ ਜਾ ਰਹੇ ਹਨ। ਲੰਗਰਾਂ ਵਾਲੀਆਂ ਥਾਵਾਂ ਤੋਂ ਖਾਦ ਪਦਾਰਥਾਂ ਦੀ ਵੇਸਟੇਜ ਅਤੇ ਹੋਰ ਕੂੜਾ ਚੁੱਕਿਆ ਜਾ ਰਿਹਾ ਹੈ ਜਾਂ ਸਪਲਾਈ ਤੇ ਸੈਨੀਟੇਸ਼ਨ ਵਿਭਾਗ ਵੱਲੋ ਸਥਾਪਿਤ ਆਰਜ਼ੀ ਤੇ ਸਥਾਈ ਟਾਇਲਟ ਬਲਾਕਾ ਦੀ ਸਫਾਈ ਕਰਵਾਈ ਜਾ ਰਹੀ ਹੈ।
ਸੰਪਰਦਾਇ ਭੂਰੀ ਵਾਲਿਆ ਦੇ ਸੇਵਾਦਾਰ ਜਿਲ੍ਹਾ ਪ੍ਰਸ਼ਾਸ਼ਨ ਦਾ ਸਹਿਯੋਗ ਕਰਦੇ ਹੋਏ ਸਵੀਪਿੰਗ ਮਸ਼ੀਨਾ ਨਾਲ ਮੇਲਾ ਖੇਤਰ ਦੀ ਸਫਾਈ ਕਰ ਰਹੇ ਹਨ। ਰੁੱਖਾਂ ਪੋਦਿਆਂ ਦੀ ਧੁਲਾਈ ਕੀਤੀ ਜਾ ਰਹੀ ਹੈ। ਪ੍ਰਸਾਸ਼ਨ ਵੱਲੋਂ ਸਥਾਨਕ ਵਸਨੀਕਾ ਨੂੰ ਇਸ ਵਿਆਪਕ ਮੁਹਿੰਮ ਵਿੱਚ ਸਹਿਯੋਗ ਦੇਣ ਅਤੇ ਹਰ ਵਰਗ ਨੂੰ ਪਾਬੰਦੀ ਵਾਲਾ ਪਲਾਸਟਿਕ ਨਾ ਵਰਤ ਕੇ ਵਾਤਾਵਰਣ ਤੇ ਪਾਉਣ ਪਾਣੀ ਦੀ ਸੰਭਾਲ ਕਰਨ ਲਈ ਸੱਦਾ ਦਿੱਤਾ ਗਿਆ ਹੈ। ਇਸ ਮੌਕੇ ਮੇਲਾ ਅਫਸਰ ਮਨੀਸ਼ਾ ਰਾਣਾ, ਸਹਾਇਕ ਮੇਲਾ ਅਫਸਰ ਦੀਪਾਂਕਰ ਗਰਗ ਅਤੇ ਡੀ.ਐਸ.ਪੀ ਅਜੇ ਸਿੰਘ ਨੇ ਸ਼ਰਧਾਲੂਆਂ ਅਤੇ ਸਥਾਨਕ ਵਸਨੀਕਾਂ ਨੂੰ ਪ੍ਰਸਾਸ਼ਨ ਦਾ ਸਹਿਯੋਗ ਦੇਣ ਲਈ ਧੰਨਵਾਦ ਕੀਤਾ ਹੈ।
RSS FEED