ਬਿਜਲੀ ਦੇ ਟ੍ਰਾਂਸਫਾਰਮਰ ਨੇੜੇ ਹੋਈ ਲੜਾਈ ਤੋਂ ਬਾਅਦ ਤਿੰਨ ਵਿਅਕਤੀਆਂ ਨੂੰ ਮਾਰੀ ਸੀ ਗੋਲੀ ਮੋਹਾਲੀ 22 ਜੂਨ (ਗੁਰਵਿੰਦਰ ਸਿੰਘ) ਮੁਹਾਲੀ ਪੁਲੀਸ ਨੇ ਬੀਤੇ ਦਿਨ ਪਿੰਡ ਕੈਲੋਂ ਵਿੱਚ ਮਾਮੂਲੀ ਬਹਿਸ ਤੋਂ ਬਾਅਦ ਹੋਏ ਝਗੜੇ ਦੌਰਾਨ ਪਿੰਡ ਦੇ ਹੀ ਤਿੰਨ ਵਿਅਕਤੀਆਂ ਨੂੰ ਗੋਲੀਆਂ ਮਾਰ ਕੇ ਫਰਾਰ ਹੋ ਗਏ ਪਿੰਡ ਦੇ ਹੀ ਵਸਨੀਕ ਜੰਗ ਬਹਾਦੁਰ ਨੂੰ ਅੱਜ ਤੜਕੇ ਕਾਬੂ ਕਰ ਲਿਆ। ਪੁਲੀਸ ਨੇ ਜੰਗ ਬਹਾਦੁਰ ਤੋਂ ਝਗੜੇ ਦੌਰਾਨ ਵਰਤੇ ਗਏ ਹਥਿਆਰ (ਪਿਸਟਲ ਼32 ਬੋਰ) ਨੂੰ ਵੀ ਬਰਾਮਦ ਕਰ ਲਿਆ ਹੈ। ਡੀ ਐਸ ਪੀ ਸਿਟੀ 2 ਸ਼੍ਰ ਹਰਸਿਮਰਨ ਸਿੰਘ ਨੇ ਦੱਸਿਆ ਕਿ ਬੀਤੇ ਦਿਨ ਪਿੰਡ ਕੈਲੋਂ ਵਿੱਚ ਬਿਜਲੀ ਸਪਲਾਈ ਬੰਦ ਹੋਣ ਤੇ ਪਿੰਡ ਵਿੱਚ ਲੱਗੇ ਟ੍ਰਾਂਸਫਾਰਮਰ ਤੇ ਪਹੁੰਚੇ ਪਿੰਡ ਦੇ ਵਸਨੀਕ ਲਖਬੀਰ ਸਿੰਘ ਨਾਲ ਜੰਗ ਬਹਾਦੁਰ ਅਤੇ ਉਸਦੇ ਸਾਥੀ ਪਰਮਿੰਦਰ ਸਿੰਘ ਨਾਲ ਬਹਿਸ ਹੋ ਗਈ ਸੀ ਅਤੇ ਉਹ ਆਪਸ ਵਿੱਚ ਉਲਝ ਗਏ ਸਨ। ਝਗੜਾ ਹੁੰਦਾ ਦੇਖ ਜਦੋਂ ਸਤਨਾਮ ਅਤੇ ਹਰਵਿੰਦਰ, ਲਖਬੀਰ ਸਿੰਘ ਨੂੰ ਬਚਾਉਣ ਆਏ ਤਾਂ ਜੰਗ ਬਹਾਦਰ ਨੇ ਲਖਬੀਰ ਸਿੰਘ ਤੇ ਗੋਲੀ ਚਲਾ ਦਿੱਤੀ। ਇਸ ਗੋਲੀਬਾਰੀ ਵਿੰਚ ਸਤਨਾਮ ਸਿੰਘ ਅਤੇ ਹਰਵਿੰਦਰ ਸਿੰਘ ਵੀ ਜਖਮੀ ਹੋ ਗਏ ਸਨ ਜਦੋਂਕਿ ਜੰਗ ਬਹਾਦਰ ਅਤੇ ਪਰਮਿੰਦਰ ਸਿੰਘ ਫਰਾਰ ਹੋ ਗਏ ਸਨ। ਉਹਨਾਂ ਦੱਸਿਆ ਕਿ ਇਸ ਮਾਮਲੇ ਵਿੱਚ ਪੁਲੀਸ ਵਲੋਂ ਜੰਗ ਬਹਾਦਰ ਅਤੇ ਪਰਮਿੰਦਰ ਸਿੰਘ ਦੇ ਖਿਲਾਫ ਆਈ ਪੀ ਸੀ ਦੀ ਧਾਰਾ 341, 323, 307, 506,34, ਅਤੇ ਆਰਮਜ਼ ਐਕਟ ਦੀ ਧਾਰਾ 25, 27 ਦੇ ਤਹਿਤ ਮਾਮਲਾ ਦਰਜ ਕਰਕੇ ਦੋਵਾਂ ਦੀ ਭਾਲ ਕਰਨੀ ਆਰੰਭ ਕਰ ਦਿੱਤੀ ਸੀ। ਇਸ ਦੌਰਾਨ ਜੰਗ ਬਹਾਦਰ ਨੂੰ ਤੜਕੇ ਸੈਕਟਰ 79 ਵਿੱਚ ਹਾਊਸਫੈਡ ਦੇ ਕਵਾਂਟਰਾਂ ਦੇ ਨੇੜੇ ਲੱਗਦੀ ਮੰਡੀ ਨੇੜੇ ਲਾਈਟ ਪਾਇੰਟ ਤੇ ਪੁਲੀਸ ਦੀ ਨਾਕਾ ਟੀਮ ਵਲੋਂ ਕਾਬੂ ਕੀਤਾ ਗਿਆ ਹੈ। ਉਹਨਾਂ ਦੱਸਿਆ ਕਿ ਜੰਗ ਬਹਾਦੁਰ ਤੋਂ ਵਾਰਦਾਤ ਦੌਰਾਨ ਵਰਤਿਆ ਪਿਸਟਲ ਵੀ ਬਰਾਮਦ ਕਰ ਲਿਆ ਗਿਆ ਹੈ। ਪੁਲੀਸ ਵਲੋਂ ਉਸਤੋਂ ਪੁੱਛਗਿੱਛ ਕੀਤੀ ਜਾ ਰਹੀ ਹੈ।
Jagrati Lahar is an English, Hindi and Punjabi language news paper as well as web portal. Since its launch, Jagrati Lahar has created a niche for itself for true and fast reporting among its readers in India.
Gautam Jalandhari (Editor)
RSS FEED