ਪ੍ਰੇਮੀ ਨਾਲ ਮਿਲ ਕੇ ਔਰਤ ਨੇ ਪਤੀ ਨੂੰ ਮੌਤ ਦੇ ਘਾਟ ਉਤਾਰਿਆ  ਪੁਲਿਸ ਨੇ ਅੰਨੇ ਕਤਲ ਨੂੰ ਸੁਲਝਾਉਂਦਿਆ ਦੋਂ ਦੋਸ਼ੀਆਂ ਨੂੰ ਕੀਤਾ ਕਾਬੂ 

 

 

ਸੰਗਰੂਰ, 26 ਨਵੰਬਰ (ਜਗਸੀਰ ਸਿੰਘ )- ਅੱਜ ਸੰਗਰੂਰ ਦੇ ਜਿਲ੍ਹਾ ਪੁਲਿਸ ਮੁਖੀ ਆਈ. ਪੀ .ਐਸ ਸ੍ਰੀ ਸੁਰੇਂਦਰ ਲਾਂਬਾ ਨੇ ਪ੍ਰੈੱਸ ਕਾਨਫਰੰਸ ਦੌਰਾਨ ਦੱਸਿਆ ਕਿ 20 ਨਵੰਬਰ ਨੂੰ ਰਾਜੀ ਕੌਰ ਉਰਫ਼ ਜਸਵੀਰ ਕੌਰ ਪਤਨੀ ਅਮਰੀਕ ਸਿੰਘ ਉਰਫ਼ ਲਖੀਨਾ ਉਰਫ਼ ਕਾਲਾ ਪੁੱਤਰ ਮਹਿੰਦਰ ਸਿੰਘ ਵਾਸੀ ਬਖਸ਼ੀਵਾਲਾ ਨੇ ਆਪਣੇ ਪਤੀ ਅਮਰੀਕ ਸਿੰਘ ਦੇ ਲਾਪਤਾ ਹੋਣ ਸਬੰਧੀ ਥਾਣਾ ਚੀਮਾ ਵਿਖੇ ਦਰਖਾਸਤ ਦਿੱਤੀ ਸੀ। ਮਿਤੀ 20 ਨਵੰਬਰ ਤੋਂ ਮਿਤੀ 25 ਨਵੰਬਰ ਤੱਕ ਪੁਲਿਸ ਨੇ ਇਸ ਮਾਮਲੇ ਦੀ ਬਾਰੀਕੀ ਨਾਲ ਜਾਂਚ ਕਰਦੇ ਹੋਏ ਕਾਨੂੰਨ ਅਨੁਸਾਰ ਕਾਰਵਾਈ ਕੀਤੀ। ਐਸ.ਐਸ.ਪੀ ਨੇ ਜਾਣਕਾਰੀ ਦਿੰਦਿਆ ਦੱਸਿਆ ਕਿ ਇੰਸਪੈਕਟਰ ਯਾਦਵਿੰਦਰ ਸਿੰਘ ਮੁੱਖ ਅਫਸਰ ਥਾਣਾ ਚੀਮਾ ਨੇ ਦੱਸਿਆ ਕਿ ਰਾਜੀ ਕੌਰ ਵੱਲੋਂ ਆਪਣੇ ਪਤੀ ਅਮਰੀਕ ਸਿੰਘ ਉਰਫ ਰਸ਼ਨੀ ਉਰਫ ਕਾਲਾ ਦੇ ਲਾਪਤਾ ਹੋਣ ਸਬੰਧੀ ਜੋ ਦਰਖਾਸਤ ਦਿੱਤੀ ਸੀ ਉਹ ਝੂਠੀ ਹੈ। ਉਨ੍ਹਾ ਦੱਸਿਆ ਕਿ ਅਸਲੀਅਤ ਵਿੱਚ ਰਾਜੀ ਕੌਰ ਉਰਫ਼ ਜਸਵੀਰ ਕੌਰ ਨੇ 27 ਅਕਤੂਬਰ ਦੀ ਰਾਤ ਨੂੰ ਆਪਣੇ ਪ੍ਰੇਮੀ ਸੁਰਜੀਤ ਸਿੰਘ ਉਰਫ਼ ਜੱਗਾ ਪੁੱਤਰ ਨਛੱਤਰ ਸਿੰਘ ਉਰਫ਼ ਭਾਪਾ ਵਾਸੀ ਬਖਸ਼ੀਵਾਲਾ ਨਾਲ ਮਿਲ ਕੇ ਆਪਣੇ ਪਤੀ ਅਮਰੀਕ ਸਿੰਘ ਦਾ ਕਤਲ ਕਰਕੇ ਲਾਸ਼ ਦੇ ਟੁਕੜੇ-ਟੁਕੜੇ ਕਰ ਦਿੱਤੇ ਸਨ।

 

ਉਨ੍ਹਾ ਦੱਸਿਆ ਕਿ ਜਿਸ ਸਬੰਧੀ ਮੁਕੱਦਮਾ ਨੰਬਰ 92 ਮਿਤੀ 25 ਨਵੰਬਰ ਆਈ ਪੀ ਸੀ ਧਾਰਾ ਅਧੀਨ 302,201,120ਬੀ : ਤਹਿਤ ਥਾਣਾ ਚੀਮਾਂ ਬਰਖਿਲਾਫ਼ ਰਾਜੀ ਕੌਰ ਉਰਫ਼ ਜਸਵੀਰ ਕੌਰ ਅਤੇ ਸੁਰਜੀਤ ਸਿੰਘ ਉਰਫ਼ ਬੰਗਾ ਦੇ ਖ਼ਿਲਾਫ਼ ਦਰਜ ਕੀਤਾ ਗਿਆ ਸੀ ਅਤੇ ਇਸ ਕੇਸ ਨੂੰ ਟਰੇਸ ਕਰਨ ਲਈ ਸ੍ਰੀ ਭਰਭੂਰ ਸਿੰਘ ਪੀ.ਪੀ.ਐਸ. ਉਪ ਕਪਤਾਨ ਪੁਲਿਸ ਸਬ ਡਵੀਜ਼ਨ ਸੁਨਾਮ ਅਤੇ ਇੰਸਪੈਕਟਰ ਦੀਪਇੰਦਰਪਾਲ ਸਿੰਘ ਇੰਚਾਰਜ ਸੀ.ਆਈ.ਏ ਸੰਗਰੂਰ ਨੂੰ ਤੁਰੰਤ ਹਦਾਇਤਾਂ ਜਾਰੀ ਕੀਤੀਆਂ ਗਈਆਂ | ਸ੍ਰੀ ਲਾਂਬਾ ਨੇ ਦੱਸਿਆ ਕਿ 11 ਨਵੰਬਰ ਨੂੰ ਤਫਤੀਸ਼ ਦੌਰਾਨ ਇਸ ਮਾਮਲੇ ਵਿੱਚ ਦੋਸਣ ਰਾਜੀ ਕੌਰ ਉਰਫ਼ ਜਸਵੀਰ ਕੌਰ ਅਤੇ ਸੁਰਜੀਤ ਸਿੰਘ ਉਰਫ਼ ਬੰਗਾ ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ, ਪੁੱਛਗਿੱਛ ਦੌਰਾਨ ਦੋਸਤਾਂ ਰਾਜੀ ਕੌਰ ਉਰਫ਼ ਜਸਵੀਰ ਕੌਰ ਅਤੇ ਸੁਰਜੀਤ ਸਿੰਘ ਉਰਫ਼ ਬੰਗਾ ਨੇ ਮੰਨਿਆ ਕਿ 27 ਅਕਤੂਬਰ  ਦੀ ਸ਼ਾਮ ਨੂੰ ਇਨ੍ਹਾਂ ਨੇ ਮਿਲ ਕੇ ਅਮਰੀਕ ਸਿੰਘ ਉਰਫ ਲੱਖੀ ਨੂੰ ਬੇਹੋਸ਼ ਕਰਨ ਲਈ ਕਿਸੇ ਅਣਪਛਾਤੇ ਵਿਅਕਤੀ ਤੋਂ ਨੀਂਦ ਦੀਆਂ ਗੋਲੀਆਂ ਮੰਗਵਾ ਕੇ ਮੁਰਗੇ ਦੇ ਮੀਟ ਵਿੱਚ ਮਿਲਾ ਦਿੱਤੀਆਂ ਸਨ। ਇਸ ਤੋਂ ਬਾਅਦ ਰਾਜੀ ਕੌਰ ਨੇ ਇਸ਼ਾਰਾ ਕਰਕੇ ਬਾਹਰ ਗਲੀ ਵਿੱਚ ਘੁੰਮ ਰਹੇ ਆਪਣੇ ਪ੍ਰੇਮੀ ਸੁਰਜੀਤ ਸਿੰਘ ਉਰਫ ਬੰਗਾ ਨੂੰ ਬੁਲਾ ਲਿਆ। ਸੁਰਜੀਤ ਸਿੰਘ ਉਰਫ ਬੰਗਾ ਨੇ ਵੀ ਅਮਰੀਕ ਸਿੰਘ ਉਰਫ ਰੋਸ਼ਨੀ ਦਾ ਗਲਾ ਘੁੱਟ ਕੇ ਕਤਲ ਕਰ ਦਿੱਤਾ। ਦੋਨੋਂ ਰਾਜੀ ਕੌਰ ਨੇ ਗਲਾ ਘੁੱਟ ਕੇ ਆਪਣੇ ਪਤੀ ਦੀਆਂ ਲੱਤਾਂ 'ਤੇ ਸੱਟਾਂ ਮਾਰੀਆਂ। ਫਿਰ ਰਾਜੀ ਕੌਰ ਨੇ ਆਪਣੇ ਪਤੀ ਦੀਆਂ ਲੱਤਾਂ ਕੱਪੜੇ ਨਾਲ ਬੰਨ੍ਹ ਦਿੱਤੀਆਂ। ਸੁਰਜੀਤ ਸਿੰਘ ਉਰਫ਼ ਬੰਗਾ ਨੇ ਅਮਰੀਕ ਸਿੰਘ ਉਰਫ਼ ਲੱਖੀ ਦੇ ਮੂੰਹ ਅਤੇ ਹੱਥਾਂ ਨੂੰ ਕੱਪੜੇ ਨਾਲ ਬੰਨ੍ਹ ਦਿੱਤਾ, ਫਿਰ ਦੋਵਾਂ ਨੇ ਅਮਰੀਕ ਸਿੰਘ ਉਰਫ਼ ਰੌਸਨੀ ਦੀ ਲਾਸ਼ ਨੂੰ ਘਰ ਵਿੱਚ ਪਹਿਲਾਂ ਹੀ ਪੁੱਟੇ ਗਏ ਟੋਏ ਲਗਭਗ 25 ਫੁੱਟ ਡੂੰਘੇ ਵਿੱਚ ਦੱਬ ਦਿੱਤਾ। ਇੱਕ ਮਿਥਿਹਾਸਕ ਸਾਜ਼ਿਸ਼ ਤਹਿਤ ਉਸ ਨੂੂੰ ਸੁਟ ਦਿੱਤਾ ਅਤੇ ਉਸ ਉੱਤੇ ਮਿੱਟੀ ਪਾ ਦਿੱਤੀ। ਅਗਲੀ ਸਵੇਰ ਰਾਜੀ ਕੌਰ ਆਪਣੇ ਦੋ ਨਾਬਾਲਗ ਲੜਕਿਆਂ ਜੱਸੂ ਅਤੇ ਜੋਤ ਜਿਨ੍ਹਾਂ ਨੂੰ ਘਟਨਾ ਬਾਰੇ ਕੁਝ ਪਤਾ ਨਹੀਂ ਸੀ ਨੂੰ ਨਾਲ ਲੈ ਕੇ ਟੋਏ ਨੂੰ ਭਰ ਦਿੱਤਾ ਅਤੇ ਉੱਪਰੋਂ ਉਸ ਨੂੰ ਢੱਕ ਦਿੱਤਾ ਉਨ੍ਹਾ ਦੱਸਿਆ ਕਿ ਮੁਲਜ਼ਮਾਂ ਦੀ ਪਛਾਣ ਹੋ ਗਈ ਪਰ ਹਿਰਾਸਤ ਦੌਰਾਨ ਡਿਊਟੀ ਮੈਜਿਸਟ੍ਰੇਟ ਦੀ ਹਾਜ਼ਰੀ 'ਚ ਲਾਸ਼ ਨੂੰ ਬਾਹਰ ਕੱਢਿਆ ਗਿਆ |