ਨਰਸ ਕਤਲ ਮਾਮਲੇ ਦਾ ਮੁੱਖ ਮੁਲਜਮ ਸਾਬਕਾ ਥਾਣੇਦਾਰ ਰਸ਼ਪ੍ਰੀਤ ਸਿੰਘ ਕਾਬੂ

 

 

ਇੱਥੇ ਜਿਕਰਯੋਗ ਹੈ ਕਿ ਰਸ਼ਪ੍ਰੀਤ ਨੇ 23 ਸਾਲਾ ਨਰਸ ਦਾ ਕਤਲ ਕਰਨ ਉਪਰੰਤ ਉਸਦੀ ਲਾਸ਼ ਨੂੰ ਪਿੰਡ ਸੋਹਾਣਾ ਦੇ ਛੱਪੜ (ਟੋਭੇ) ਨੇੜੇ ਸੁੱਟ ਦਿੱਤਾ ਸੀ। ਪੁਲੀਸ ਦੀ ਜਾਂਚ ਦੌਰਾਨ ਇਹ ਗੱਲ ਸਾਮ੍ਹਣੇ ਆਈ ਸੀ ਕਿ ਮੁਲਜ਼ਮ ਰਸ਼ਪ੍ਰੀਤ ਸਿੰਘ ਦੇ ਮ੍ਰਿਤਕ ਨਰਸ ਨਾਲ ਸਬੰਧ ਸਨ ਅਤੇ ਪੁਲੀਸ ਨੂੰ ਮ੍ਰਿਤਕਾ ਦੇ ਮੋਬਾਇਲ ਤੇ ਦੋਹਾਂ ਦੀ ਚੈਟਿੰਗ ਦਾ ਰਿਕਾਰਡ ਵੀ ਮਿਲਿਆ ਸੀ ਜਿਸ ਨਾਲ ਦੋਵਾਂ ਦੇ ਰਿਸ਼ਤੇ ਦਾ ਖੁਲਾਸਾ ਹੋਇਆ ਸੀ। ਰਸ਼ਪ੍ਰੀਤ ਨੇ ਹੀ ਨਰਸ ਦੀ ਲਾਸ਼ ਨੂੰ ਛੱਪੜ ਕੋਲ ਸੁੱਟਿਆ ਸੀ ਅਤੇ ਸੀ. ਸੀ. ਟੀ. ਵੀ. ਦੀ ਰਿਕਾਰਡਿੰਗ ਵਿੱਚ ਉਸਦਾ ਖੁਲਾਸਾ ਹੋ ਗਿਆ ਸੀ। ਜਿਕਰਯੋਗ ਹੈ ਕਿ ਮ੍ਰਿਤਕ ਨਰਸ ਆਪਣੇ ਸ਼ਿਮਲਾ ਨਿਵਾਸੀ ਦੋਸਤ ਨਾਲ ਸੋਹਾਣਾ ਦੇ ਪੀ. ਜੀ. ਵਿੱਚ ਰਹਿੰਦੀ ਸੀ। ਉਸ ਨੇ ਆਪਣੀ ਸਹੇਲੀ ਨੂੰ ਦੱਸਿਆ ਸੀ ਕਿ ਉਸ ਦਾ ਕੋਈ ਰਿਸ਼ਤੇਦਾਰ ਬੀਮਾਰ ਹੈ, ਜਿਸ ਨੂੰ ਉਹ ਦਵਾਈ ਦੇਣ ਜਾ ਰਹੀ ਹੈ ਅਤੇ ਉਸ ਤੋਂ ਬਾਅਦ ਉਸ ਨੇ ਉਸ ਦਾ ਫੋਨ ਨਹੀਂ ਚੁੱਕਿਆ। ਮ੍ਰਿਤਕ ਦੀ ਲਾਸ਼ ਸੋਹਾਣਾ ਦੇ ਛੱਪੜ ਨੇੜੇ ਇਕ ਰਾਹਗੀਰ ਨੂੰ ਮਿਲੀ ਸੀ, ਜਿਸ ਨੇ ਇਸ ਸਬੰਧੀ ਪੁਲੀਸ ਕੰਟਰੋਲ ਰੂਮ ਤੇ ਸੂਚਨਾ ਦਿੱਤੀ ਸੀ। ਪੁਲਸ ਨੇ ਮੌਕੇ ਤੇ ਪਹੁੰਚ ਕੇ ਲਾਸ਼ ਨੂੰ ਕਬਜ਼ੇ ਵਿੱਚ ਲਿਆ ਸੀ। ਪੁਲੀਸ ਨੇ ਕੁੜੀ ਦੀ ਲਾਸ਼ ਕੋਲੋਂ ਉਸ ਦਾ ਮੋਬਾਇਲ ਫੋਨ ਵੀ ਬਰਾਮਦ ਕੀਤਾ ਸੀ। ਜਾਂਚ ਦੌਰਾਨ ਸਾਹਮਣੇ ਆਇਆ ਕਿ ਮ੍ਰਿਤਕ ਨਰਸ ਅਸਲ ਵਿੱਚ ਅਬੋਹਰ ਦੀ ਰਹਿਣ ਵਾਲੀ ਸੀ ਅਤੇ ਉਹ ਪੰਚਕੂਲਾ ਵਿੱਚ ਸਟਾਫ਼ ਨਰਸ ਵਜੋਂ ਕੰਮ ਕਰਦੀ ਸੀ। ਇਸ ਤੋਂ ਪਹਿਲਾਂ ਉਹ ਮੁਹਾਲੀ ਦੇ ਇਕ ਹਸਪਤਾਲ ਵਿੱਚ ਵੀ ਕੰਮ ਕਰਦੀ ਸੀ। ਮ੍ਰਿਤਕ ਨਰਸ ਆਪਣੀ ਮੌਤ ਤੋਂ ਕੁੱਝ ਦਿਨ ਪਹਿਲਾਂ ਹੀ ਮੁਹਾਲੀ ਆਈ ਸੀ ਅਤੇ ਪੀ. ਜੀ. ਵਿੱਚ ਰਹਿ ਰਹੀ ਸੀ।